प्रेरितां चे काम 1:13 - ओङ राजपूत

¹³ ते जिसे बेले ओठे पुज़ले तां वे ओ चौब़ारे उपर गेले, जिठे पतरस ते यूहन्‍ना ते याकूब ते अन्द्रियास ते फिलिप्पुस ते थोमा ते बरतुल्मै ते मत्ती ते हलफई चा पूत याकूब ते शमौन जेलोतेस ते याकूब चा पूत यहूदा रेहते।

प्रेरितां चे काम 1:13 ပူးပေါင်းရင်းမြစ်များ

मत्ती 9:9

उठु उग़ते बधती कर ईशु ने मत्ती नांवा चे हेक बन्दे नु चुंगी गेहणे आले चौकी उपर ब़ेहले ङेखले, ते ओनु केहले, “माये भांसु आती जा।” ओ उठती कर ओचे भांसु टुरती पला।

मरकुस 14:15

ओ तम्हानु हेक सजला सजाला, तियार करला आला बङा चौब़ारा ङिखाणती ङी, अम्चे वास्ते उठी तियारी करा।”

मरकुस 14:33

ते ईशु पतरस ते याकूब ते यूहन्‍ना नु आपणे लारे गेहली गेला, ते ब़ोहत ही उदास ते बैचेन हुं लाग़ला।

मरकुस 2:14

जते बेले ओणे हलफई चे पूत लेवी नु चुंगी गेहणे आले ची चौकी उपर ब़ेहले ङेखले, ते ओनु केहले, “माये भांसु आती जा,” ते ओ उठती कर ओचे भांसु टुरती पला।

मरकुस 5:37

ते ईशु ने पतरस ते याकूब ते याकूब चे भऊ यूहन्‍ना नु छोड़ती कर, नेरे कानु आपणे लारे आऊं कोनी ङिले।

मरकुस 9:2

छियां ङिहां चे बाद ईशु ने पतरस ते याकूब ते यूहन्‍ना नु लारे गेहले, ते वानु हेकले मां कुई ऊंचे पहाड़ा उपर गेहती गेला। ओठे वांचे सामणे ईशु चा रुप बदलती गेला।

लूका 22:12

ओ तम्हानु हेक सजला सजाला बङा चौब़ारा ङिखाणती ङी, उठी तियारी करा।”

यूहन्‍ना 11:16

बल्ति थोमे ने जको दिदुमुस (मतलब जाड़ीये) किहवाता ङुजे चैला नु केहले, “आवा अम्ही वी ऐचे लारे मरणे वास्ते चालु।”

यूहन्‍ना 14:22

ओह यहूदा जको इस्करियोती कोनी हुता, ओनु केहले, “हे प्रभु, का हुले कि तु आपणे आप नु अम्चे उपर प्रकट करने चाहवी ते संसारा उपर ना?”

यूहन्‍ना 18:17

वे दासी ने जको द्वारपालणी हुती, पतरस नु केहले, “किठी तु वी ऐ इन्साना चे चैला महु तां कोनी छी?” ओणे केहले, “मैं कोनी छै।”

यूहन्‍ना 21:2

शमौन पतरस, ते थोमा जको दिदुमुस किहवावे, ते गलील चे काना शहरा चा नतनएल, ते जबदी चे पूत, ते ओचे चैला महु ङोन नेरे जणे भेले हुते।

प्रेरितां चे काम 12:17

बल्ति ओणे वानु हाथा लारे इशारा करला कि चोप रिहा, ते वानु बावड़ले कि, “प्रभु केस रीति लारे मनु कैदखाने महु काढ़ती आणले।” बल्ति केहले, “याकूब ते भावां नु हा बात केहती ङिजा।” बल्ति निकलती कर ङुजी जग़हा चाह्‍ला गेला।

प्रेरितां चे काम 15:13

जिसे बेले वे चोप हुती गेले तां याकूब किहुं लाग़ला कि, “हे भऊ, माई सुणा।

प्रेरितां चे काम 2:14

पतरस वां गियारा प्रेरितां चे लारे खड़ा हुला ते ऊंची अवाजी मां किहुं लाग़ला, “हे यहूदी, ते हे यरुशलेम मां सारे रेहणे आले, ईं जाणती गिहा ते कान लातीकर माया बाता सुणा।

प्रेरितां चे काम 2:38

पतरस ने वानु केहले, “मन फिरावा, ते तम्चे महु हर हेक आपणे आपणे पापा कनु माफी चे वास्ते ईशु मसीह चे नांवा लारे बपतिस्मा गिहो, ते तम्ही पवित्र आत्मा चा दान पावा।

प्रेरितां चे काम 20:8

ते जिसी अटारी मां अम्ही भेले हुले पलते ले, विचे मां घणे सारे ङीवे ब़ली पलते।

प्रेरितां चे काम 4:13

जिसे बेले वाणे पतरस ते यूहन्‍ना चा होंसला ङेखला, ते ईं जाणले कि ये अनपढ़ ते सादा बन्दी छी, तां हैरान हुले, कि ये ईशु चे लारे रेहले हुते।

प्रेरितां चे काम 4:19

पर पतरस ते यूहन्‍ना ने उत्तर ङिला, “तम्ही ही न्यां करा, कि का ईं नरीकारा चे सामणे भले छै, कि अम्ही नरीकारा ची बाते कनु बढ़ती कर तम्ची बात मनु?

1 कुरिन्थियां 15:7

बल्ति याकूब नु ङिसला ओचे बाद सब प्रेरितां नु फेर ङिसला हुता।

गलातियां 1:19

पर प्रभु चा भऊ याकूब नु छोड़ती कर नेरा प्रेरिता महु कानु कोनी मिड़ला।

गलातियां 2:9

जिसे बेले वाणे ओ अनुग्रह नु जको मनु मिड़ला हुता समझती गेले, तां याकूब, ते यूहन्‍ना, ते पतरस जको कलीसिया चे खम्बे समझले जते, मनु ते बरनबास नु आपणी संगति चा सज़्ज़ा हाथ ङिला, कि अम्ही नेरीया जातिया मां जऊं ते वे खतना करले आले यहूदी लौका मां,

याकूब 1:1

नरीकारा चा ते प्रभु ईशु मसीह चा दास याकूब चे तरफु वां ब़ारहा गोत्रा नु जको खिंडती-पुंडती रिही पले वानु नमस्कार पुज़ो।

2 यूहन्‍ना 1:1

मैं यहून्‍ना, कलीसिया चा अग़ुवा हा चिठ्ठी वांचे नांवे लिखे पला। वा चुणली आली असतरी ते विचे ब़ाला चे नांवे, जाये लारे मैं सच्‍चा प्रेम राखे, ते सेर्फ मैं ही कोनी बल्कि वे वी सारे प्रेम राखी जको सच्‍चाई नु जाणी।

यहूदा 1:1

हा चिठ्ठी यहूदा चे तरफु जको ईशु मसीह चा दास ते याकूब चा भऊ छै, वां हकारले आला चे नांवे लिखली गेली, जको नरीकार ब़ा चे प्यारे ते ईशु मसीह चे वास्ते सम्भालती कर राखले गेले।