3 यूहन्‍ना 1:8 - ओङ राजपूत

⁸ ऐवास्ते अम्ही विश्‍वास करने आला नु इसड़े सम्भालु, ताकि अम्ही वी वांचे लारे सच्‍चाई चे लारे काम करने आले हुती जऊं।

3 यूहन्‍ना 1:8 ပူးပေါင်းရင်းမြစ်များ

मत्ती 10:14

ते जको कुई तम्हानु ग्रहण ना करो ते तम्ची ना सुणो, ओ घरा महु जा शहरा महु निकलते हुले आपणे पग़्ग़ा ची धूड़ झाड़ती नाखा,

मत्ती 10:40

“जको तम्हानु स्वीकार करे, ओ मनु स्वीकार करे, ते जको मनु स्वीकार करे, ओ माये भेज़णे आले नु स्वीकार करे।

लूका 11:7

ते ओ भीतरु साङ ङियो, ‘मनु परेशान ना कर, हमा तां दरवाजे वी बन्द छै, ते माई ब़ाले माये गोढु बिस्तरे उपर छी, ऐवास्ते मैं उठती कर तनु ङे ना सग़ी।’

2 कुरिन्थियां 6:1

ते अम्ही जको नरीकारा चे भईवाल छिऊं, ईं वी समझाऊं, कि नरीकारा चा अनुग्रह जको तम्चे पर हुला, ओनु बेकार ना जऊं ङिया।

2 कुरिन्थियां 8:23

अगर कुई तीतुस चे बारे मां पूछे, तां ओ माया साथी छै, ते तम्चे वास्ते माया भईवाल छै, ते अगर अम्चे भावां चे बारे मां पूछे, ते वे कलीसिया चे भेज़ले हुले ते मसीह ची महिमा छी।

फिलिप्पियां 4:3

हे सच्‍चा भईवाल, मैं दुधे कनु वी बिनती करे पला कि तु वां असतरीया ची सहायता कर। कांकि वाणे माये लारे सुसमाचार प्रचार करने मां, क्लेमेन्स ते माये नेरे भईवाला समेत मेहनत करली, जाये नां जीवन ची किताबे मां लिखले पले।

कुलुस्सियां 4:11

ते ईशु जको यूस्तुस किहवावे, तम्हानु नमस्कार किहे पला। खतना करले आले लौका महु सेर्फ येही नरीकारा चे राज़ चे वास्ते माये लारे काम करने आले ते माई शान्ति ची वजह रेहले।

1 थिस्सलुनीकियां 3:2

ते अम्ही तीमुथियुस नु जको मसीह चे सुसमाचार मां अम्चा भऊ, ते नरीकारा चा सेवक छै, ऐवास्ते भेज़ले, कि ओ तम्हानु मजबूत करो, ते तम्चे विश्‍वास चे बारे मां तम्हानु समझाओ।

फिलेमोन 1:2

ते ब़ेहण अफिया, ते अम्चे साथी सैनिक अरखिप्पुस ते फिलेमोन चे घरे आणे आली कलीसिया चे नांवे।

फिलेमोन 1:24

माये साथी कार्यकर्ता, मरकुस, अरिस्तर्खुस, देमास, ते लूका चा तम्हानु नमस्कार किही।

3 यूहन्‍ना 1:10

ऐवास्ते जिसे बेले मैं आवी, ते ओचे कामा नु जको ओ करता आला याद ङिवावी। वे बेकार मां अम्चे वास्ते गन्दिया-गन्दिया बाता केहती कर दोष लावे, इतने लारे वी जी ना भरीजी, विश्‍वास करने आला भावां चा ते ना ते खौद्द स्वागत करे, ते ना कानु करु ङिये, ते जको वांचा स्वागत करे, वानु कलीसिया कनु ब़ाहरु काढ़ती छोड़े।

3 यूहन्‍ना 1:7

कांकि वे मसीह चे नांवा चे वास्ते निकड़ले, ते जको नरीकारा नु ना मनी वाकनु कहीं वी ना गिही।

3 यूहन्‍ना 1:9

मैं कलीसिया नु कहीं लिखले हुते, पर दियुत्रिफेस जको वांचे मां बङा बणना चाहवे, अम्ची ना मनी।