2 तीमुथियुस 3:8 - ओङ राजपूत

⁸ ते जिंवे यन्‍नेस ते यम्ब्रेस जको सिखावणे आले हुते, वाणे मूसा चा विरोध करला हुता, यूंही ये वी सच्‍चाई चा विरोध करी, ये तां इसड़ी बन्दी छी, जाया दिमाक खत्तम हुती गेला ते वे विश्‍वास मां निक्‍कमे छी।

2 तीमुथियुस 3:8 ပူးပေါင်းရင်းမြစ်များ

प्रेरितां चे काम 15:24

अम्ही ईं सुणले कि, अम्चे महु कई जणा ने ओठे जती कर, तम्हानु आपणीया बाता लारे घब़राती नाखले, ते तम्चे मन बैचेन करती नाखले पर अम्ही वानु हा आज्ञा कोनी ङिली हुती।

रोमियां 1:28

ते जिसे बेले वाणे नरीकारा नु सुजाणने ची कीमत ही ना जाणली, ऐवास्ते नरीकारा ने वी वानु वांचे निक्‍कमे मना उपर छोड़ती ङिले, कि अनुचित काम करो।

रोमियां 16:18

कांकि इसड़े लौक अम्चे प्रभु मसीह ची ना, पर आपणे ढिड्डा ची सेवा करी, ते चिकनिया चुपड़ीया बाता लारे भोले-भाले मना आले लौका नु भटकाती नाखी।

इफिसियां 4:14

अम्ही इसड़ी ब़ाले बणली ना रिहुं कि हवाई लारे उछलती ना जऊं बन्दी जको ठग़्ग़ विधिया नु बधावी, भ्रम चे लारे भरले आले व्यवहार कनु, ते इसड़े ढोंगीपणे कनु इंगे-ऊंगे भटकाती ङी

1 तीमुथियुस 1:19

ते विश्‍वास ते ओचे आच्छे विवेक नु पकड़ली राख, ते कोच्छ बन्दी इसड़ी छी जाणे आच्छी समझ नु छोड़ती ङिले ते वांचा विश्‍वास खत्तम हुती गेला।

1 तीमुथियुस 4:2

ईं वा कूड़े बन्दा चे कप्पट चे वजह कनु हुवी, जाई समझ सही फैंसला ना गेह सग़ी।

1 तीमुथियुस 6:5

ते वा बन्दा मां बेकार मां लड़ाई झग़ड़े पैदा हुवी, जाई ब़ुध्दि बिगड़ती गेली, ते वे सच्‍चाई कनु दूर हटती गेले, जको समझी कि भग़ती कमाई चा मार्ग़ छै।

2 तीमुथियुस 4:15

तु वी ओकनु चौकस रिहो, कांकि ओणे अम्चे उपदेशा चा घणा ही विरोध करला।

तीतुस 1:10

कांकि घणी बन्दी सच्‍चे उपदेश चा विरोध करने आली ते निरंकुश बैफालतु चा बाता करने आली ते धोक्‍का ङेणे आली छी, खास करती खतने आला महु।

तीतुस 1:16

वे किही, कि अम्ही नरीकारा नु जाणु, पर आपणे कामा लारे ओचा इन्कार करी, कांकि वे किज़ड़े ते आज्ञा ना मनणे आले छी, ते कुई आच्छे कामा चे लायक कोनी।

2 पतरस 2:14

वांचीया आंखीया मां व्यभिचार बसला आला छै ते पाप करले बगैर आलीकर ना सग़ी वे चंचल मना आला नु बकाती गिही वांचे मना नु लोभ करने ची आदत हुली भिली वे श्राप ची ऊलाद्ध छी।

1 यूहन्‍ना 2:18

हे जवानु, हा आखरी समय छै, ते जिसड़े तम्ही सुणले कि मसीह चा विरोधी आणे आला छै, ओचे अनुसार हमा वी ब़ोहत सारे मसीह-विरोधी उठती खड़े हुले छी, ऐचे कनु अम्ही जाणु कि हा आखरी समय छै।

1 यूहन्‍ना 4:1

हे प्यारे, हर हेक आत्मा चा विश्‍वास ना करा, बल्कि आत्मा नु परखा कि वे नरीकारा ची ओर कनु छी जा कोनी। कांकि ब़ोहत सारे कूड़े भविष्यवक्‍ता संसारा महु निकलती खड़े हुले।

प्रकाशितवाक्य 2:20

पर मनु दुधे विरोध ईं केहणे कि तु वे असतरी इजेबेल नु रिहुं ङी, जको आपणे आप नु भविष्यवक्‍तनी किहे, ते माये दासा नु व्यभिचार करने ते मूर्तिया चे आग़ु चढ़ालीया गेलीया चीजा खाणे सिखाती कर भरमाती ङिये।

प्रकाशितवाक्य 2:6

पर हां दुधे मां हा बात तां छै, कि तु निकुलइयां चे कामा कनु खार करी, जाकनु मैं वी खार करे।