2 तीमुथियुस 3:2 - ओङ राजपूत

² कांकि बन्दे स्वार्थी, लोभी, डींगमार, अहंकारी, निन्दक, आई-ब़ा ची आज्ञा ना मनणे आले, कृतघ्न, अपवित्र।

2 तीमुथियुस 3:2 ပူးပေါင်းရင်းမြစ်များ

मत्ती 15:6

तां ओ आपणे ब़ा चा कद्दर ना करो, यूं करती तम्ही आपणी परम्परा ची वजह नरीकारा चा वचन टालती ङिला।

लूका 12:15

ते ओणे वानु केहले, “चौकस रिहा, ते हर-तरहा चे लोभ कनु आपणे आप नु बचाती राखा, कांकि धन ची बढोतरी हुवणे उपर वी काया जीवन ओचे धन चे भरोसे खुशी लारे ना चल सग़ी।”

लूका 16:14

फरीसी जको लोभी हुते, ये सारीया बाता सुणती कर ईशु नु ठठा मां उङारु लाग़ले।

लूका 6:35

बल्कि आपणे दुश्मना लारे प्रेम राखा, ते भलाई करा, ते बल्ति गेहणे ची आस ना राखती कर उधार ङिया, तां तम्चे वास्ते बङा फल हुवी, ते तम्ही परमप्रधान ची ऊलाद्ध ठहरा, कांकि ओ वांचे उपर जको धन्यवाद ना करी ते बुरा उपर वी कृपालु छै।

प्रेरितां चे काम 5:36

कांकि यां ङिहां कनु पेहले थियूदास ईं केहते हुले ऊठला कि, ‘मैं वी कोच्छ छै’ ते कुई चार साओ बन्दी ओचे लारे हुती पली, पर ओ मारला गेला ते जितने लौक ओनु मनते सारे इंगे-ऊंगे हुती कर मिटती गेले।

रोमियां 11:18

तां लड़ीया उपर घमण्ड ना करियो। ते अगर तु घमण्ड करी, ते जाणती गे कि तु ज़हड़ नु ना, पर ज़हड़ तनु सम्भालती गिहे।

2 कुरिन्थियां 5:15

ते मसीह सब वास्ते मरला कि जको जीते छी, वे आग़ु चे वास्ते आपणे वास्ते ना जियो, पर ओचे वास्ते जियो जको वांचे वास्ते मरला ते बल्ति कनु जीता हुला।

फिलिप्पियां 2:21

कांकि सब आपणे स्वार्थ चे बारे मां सोची, ना कि ईशु मसीह चे कामा चे बारे मां।

कुलुस्सियां 3:5

ऐवास्ते आपणे-आपणे अंगा नु मारती नाखा, जको धरती उपर छी, यानि गन्दे काम अपवित्र, बुरी इच्छा, गन्दी आदत, लोभ जको मूर्ति चे बराबर छै।

2 थिस्सलुनीकियां 2:4

जको विरोध करे, ते हर हेक कनु जको ईश्‍वर जा पूजनीये किहवावे, आपणे आप नु बङे ठहरावे, इठे तक कि ओ नरीकारा चे मन्दरा मां ब़ेसती कर आपणे आप नु ईश्‍वर ठहरावे।

1 तीमुथियुस 1:20

वांचे महु हुमिनयुस ते सिकन्दर छी, मैं वानु शैताना नु सोंपती ङिले। कि वे नरीकारा ची निन्दा करने ना सिखो।

1 तीमुथियुस 1:9

ईं जाणती कर कि व्यवस्था धर्मी जन वास्ते कोनी, पर अधर्मीया, निरंकुशा, भग़तीहीन, पापीया, अपवित्र, ते अशुद्ध, आई-ब़ा नु मारणे आले, हत्या करने आले।

1 तीमुथियुस 3:3

पीणे आला ते मारपीट करने आला ना हो, बल्कि ओ तां दयालु ते शान्ति लारे रेहणे आला नर्म हो, ते ना लालची हो।

1 तीमुथियुस 6:10

कांकि पैसा चा लोभ सारीया प्रकार ची बिमारीया जा बुराई ची ज़हड़ छै। ऐ पैसे नु हांसिल करने ची कोशिस मां जाणे कितने तां विश्‍वास कनु भटकती कर आपणे आप नु नाना प्रकार चे ङुखा कनु छाणी बणाती नाखले।

1 तीमुथियुस 6:4

तां ओ घमण्डी हुती गेला, ते कहीं ना जाणी, पर ओनु बहस-बाजी ते अक्षरा उपर तर्क करने चा रोग़ छै, जाये कनु नफरत, ते झग़ड़े, ते निन्दा चीया बाता, ते गन्दे-गन्दे शक्‍क पैदा हुवी,

2 तीमुथियुस 3:4

विश्‍वासघाती, ढीठ, घमण्डी, ते नरीकारा चे कोनी पर सोख-विलास नु ही चाहणे आले हुवे।

याकूब 2:8

तांवी अगर तम्ही पवित्रशास्त्र चे ऐ वचना चे अनुसार कि, “तु आपणे पड़ोसीया लारे आपणे आलीकर प्रेम राख,” सच्‍चमां ओ राज़ व्यवस्था नु पुरी करा, तां आच्छे ही करा।

याकूब 4:16

पर तम्ही हमा तां आपणीया बाता उपर घमण्ड करा, इसड़ा सारा घमण्ड तां बुरा छै।

याकूब 4:6

ओ तां नेरा वी अनुग्रह ङिये, ये वजह पवित्रशास्त्र मां लिखले पले, “नरीकार घमण्डीया चा विरोध करे, पर दीन-दयाला उपर अनुग्रह करे।”

1 पतरस 5:5

यूं करती हे जवान, तम्ही वी अग़ुवा चे अधीन रिहा, बल्कि तम्ही सब चे सब हेके ङुजे ची सेवा चे वास्ते नरमाई लारे कमर कसली रिहा, कांकि, “नरीकार घमण्डीया चा विरोध करे, पर दीन-दयाला उपर अनुग्रह करे।”

2 पतरस 2:10

नरीकार खास करती वानु ङण्ड ङिये जको अशुद्ध अभिलाषा चे भांसु शरीर चे अनुसार चली ते प्रभु ची सामर्थ नु तोच्छ जाणी। वे ढीठ छी, ते हठी छी, ते ऊंचे ओहदे आला नु बुरे-भले केहणे कनु ना ङरी।

2 पतरस 2:12

पर ईं लौक बेवकूफ ढौरा आलीकर छी जको ब़झणे वास्ते ते रुसणे वास्ते पैदा हुले ते जिसीया बाता नु जाणी ही ना, वांचे बारे मां ङुजा नु बुरे-भले किही, वे आपणी सड़ाहट मां आप ही सड़ती जाये।

2 पतरस 2:18

वे बेकार घमण्ड चा बाता करती करती लोचपण चे कामा लारे, वां लौका नु शरीरिक इच्छा लारे फसाती गिही, जको भटकले आला महु हमा निकली ही पले।

2 पतरस 2:3

वे लोभ ची वजह कनु बाता घड़ती कर तम्हानु आपणे फायदे चा जरिया बणावे, ते जको ङण्ड ची आज्ञा वांचे उपर हुती चुकली ओचे आणे मां देर कोनी वांचा विनाश कङी ऊंघी ना।

यहूदा 1:16

ये वे छी, जको कुड़कुड़ाते रिही, ते सदा खोट काढ़ते रिही, ते आपणी ही बुरी इच्छा चे मुताबिक टुरी, ते आपणे मुँहा लारे घमण्ड चा बाता करी, ते आपणी भलाई वास्ते नेरा ची चापलूसी करी।

प्रकाशितवाक्य 13:1

ते मैं हेक ङरावणे ढौरा नु समुन्दरा महु निकलते हुले ङेखले, जाये ङसां सींगा उपर ङस मुग़ट हुते, ते सात ठोङीया हुतीया, ते ओचीया हर-हेक ठोङीया चे उपर नरीकारा ची निन्दा ची नांवे लिखली पलती।

प्रकाशितवाक्य 16:11

ते आपणे दर्दा कनु ते छाला ची वजह कनु स्वर्ग़ चे नरीकारा ची निन्दा करली, ते आपणे आपणे कामा कनु मन कोनी फिराले।

प्रकाशितवाक्य 16:21

ते आसमाना कनु लौका उपर मणा-मणा चे ओले बरसी पलते, ओला ची हा आफत ची वजह कनु लौका ने नरीकारा ची निन्दा करली।

प्रकाशितवाक्य 16:9

ते बन्दी खतरनाक गर्मी लारे ब़लु लाग़ली, ते नरीकारा चे नांवा ची जेह्णे जा आफता उपर अधिकार छै, निन्दा करली ते ओची महिमा करने चे वास्ते मन कोनी फिराले।