2 तीमुथियुस 3:14 - ओङ राजपूत

¹⁴ पर तु जा बाता उपर जको तु सिखलीया हुतीया, तु विश्‍वास करला हुता, हा जाणती कर मजबूत बणला रेह, कि तु वे बाता किसा बन्दा कनु सिखलीया हुतीया।

2 तीमुथियुस 3:14 ပူးပေါင်းရင်းမြစ်များ

प्रेरितां चे काम 17:31

कांकि नरीकारा ने हेक ङिओ ठहराला, जाये कनु ओ शक्स चे जरिये धार्मिकता लारे संसारा चा न्यां करी, जानु ओणे ठहराले ते मरला आला महु जीते करले, हा बात सारा बन्दा उपर साबित करली।”

रोमियां 14:5

कुई तां हेक ङिओ नु ङुजे कनु बधती कर मने, ते नेरे कुई सारी ङिहें हेके जिसड़ी मने, ते हर कुई आपणे मना मां पक्‍के करती गिहो।

कुलुस्सियां 2:2

ईं मैं ऐवास्ते किहे ताकि वांचे मना मां बढावा मिलो ते वे प्रेम मां आपस मां ग़ठले रिहो, ते वे पुरी समझ चा सारे धन नु प्राप्त करो, जाये कनु वे नरीकारा चे भेद नु यानि मसीह नु पिछाणती गिहो।

1 थिस्सलुनीकियां 1:5

कांकि अम्चा सुसमाचार तम्चे गोढु हेको वचना मां ही कोनी, बल्कि ताकत ते पवित्र आत्मा, ते इरादे लारे पुज़ला, जिंवे तम्ही जाणा कि अम्ही तम्चे फायदे चे वास्ते किसड़ा जीवन जीते तम्चे मां किवें बणती गेलते।

1 थिस्सलुनीकियां 2:13

ऐवास्ते अम्ही वी नरीकारा चा धन्यवाद लगातार करते रिहुं, कि जब अम्चे जरिये नरीकारा चे सुसमाचार चा वचन तम्चे गोढु पुज़ला, तां तम्ही ओ बन्दे चा ना, पर नरीकारा चा वचन समझती कर ग्रहण करला, ते ओ तम्चे मां जको विश्‍वास राखा, असरदार छै।

1 तीमुथियुस 4:16

आपणी ते आपणे उपदेश ची चौकसी राख। यां बाता उपर टिकला रेह, कांकि अगर इसड़े करता रिहे, तां तु आपणे, ते आपणे सुणने आला चे वास्ते वी उद्धार ची वजह हुवे।

2 तीमुथियुस 1:13

जको खरिया बाता, तु माये कनु सुणलीया वानु ओ विश्‍वास ते प्रेम चे लारे जको ईशु मसीह मां छै, आपणे खौद्द चे वास्ते नमुना बणाती कर राख।

2 तीमुथियुस 2:2

ते मसीह चे बारे मां जको वी बाता घणा ग़वाह चे सामणे माये कनु सुणलीया, वानु विश्‍वास करने आला बन्दा नु सिखाती ङे, जको नेरा नु सिखावणे चे लायक हो।

2 तीमुथियुस 3:15

ते बचपना कनु पवित्रशास्त्र दुधा जाणला आला हुता, जको तनु ईशु मसीह उपर विश्‍वास करने लारे उद्धार गेहणे चे वास्ते समझदार बणा सग़े।

तीतुस 1:9

ते विश्‍वास चे लायक वचना उपर जको धर्मउपदेश चे अनुसार छै, मजबूत रिहो, कि खरी शिक्षा लारे उपदेश ङे सग़ो ते विवाद करने आला चे मुँह बन्द कर सग़ो।

इब्रानियां 10:22

तां आवा, अम्ही सच्‍चे मना लारे, ते पुरे विश्‍वासा लारे, ते विवेक चा दोष दूर करने वास्ते दिला उपर मसीह चे लुहींया चा छिड़काव गेहती कर, ते शरीरा नु शोद्ध पाणीया लारे धुवाती कर, नरीकारा चे गोढु जऊं।

इब्रानियां 6:11

पर अम्ची हाओ इच्छा छै कि तम्चे महु हर हेक जणे अन्त तक इसड़ा ही यतन करते रिहो, ताकि तम्ही ओनु पक्‍के गे सग़ा जाई तम्हानु आस छै।