2 तीमुथियुस 2:25 - ओङ राजपूत

²⁵ ते विरोधीया नु नरमाई लारे समझाओ, का पता नरीकार वानु मन फिरावणे चे वास्ते मन ङियो, कि वे सच्‍चाई नु पिछाणो।

2 तीमुथियुस 2:25 ပူးပေါင်းရင်းမြစ်များ

मत्ती 11:29

माये जूले नु आपणे उपर चती गिहा ते माये कनु सिखा, कांकि मैं नर्म ते मना मां दीन छै, ते तम्ही आपणे मना मां आराम गिहा।

मत्ती 21:32

कांकि यूहन्‍ना बपतिस्मा ङेणे आला धर्म चा मार्ग़ ङिखाणता हुला तम्चे गोढु आला, ते तम्ही ओचा विश्‍वास कोनी करला। पर चुंगी गेहणे आला ने ते वेश्या ने ओचा विश्‍वास करला। ते तम्ही ईं ङेखती कर बादा मां वी नी पछताले, ते ना ओचा विश्‍वास करला।”

मरकुस 1:15

ते ओणे केहले, “समय पूरा हुला, ते नरीकारा चा राज़ गोढु आती गेला, तम्ही आपणे पापा कनु मन फिरावा ते सुसमाचार चे उपर विश्‍वास करा।”

यूहन्‍ना 5:34

पर मैं आपणे बारे मां बन्दे ची ग़वाही ना चाहवी, तां वी मैं ये बाता ऐवास्ते किहे कि तम्हानु उद्धार मिले।

प्रेरितां चे काम 11:18

ईं सुणती कर, वे चोप रेहले ते नरीकारा ची बढ़ाई करती किहुं लाग़ले, “बल्ति तां नरीकारा ने नेरीया जातिया नु वी जीवन वास्ते मन फिराव चा दान ङिला।”

प्रेरितां चे काम 2:38

पतरस ने वानु केहले, “मन फिरावा, ते तम्चे महु हर हेक आपणे आपणे पापा कनु माफी चे वास्ते ईशु मसीह चे नांवा लारे बपतिस्मा गिहो, ते तम्ही पवित्र आत्मा चा दान पावा।

प्रेरितां चे काम 20:21

बल्ति मैं यहूदिया नु ते यूनानिया नु चिताता रेहला कि नरीकारा सनु मन फिरावा, ते अम्चे प्रभु ईशु मसीह उपर विश्‍वास करा।

प्रेरितां चे काम 5:21

वे ईं सुणती कर ङिओ हुते ही मन्दरा मां जती कर उपदेश ङिऊं लाग़ले। पर महायाजक ते वांचे साथीया ने आती कर महासभा नु ते इस्राएलीया चे सब बङका नु भेले करले, ते कैदखाने मां हा केहती कर भेज़ले कि वानु गेहली आवा।

प्रेरितां चे काम 5:31

ओनु ही नरीकारा ने प्रभु ते उद्धारकर्ता ठहराती कर आपणे सज़्ज़े हाथा लारे ऊंचे करले, कि ओ इस्राएलीया नु मन फिरावणे ची ताकत ते पापा ची माफी दान करो।

प्रेरितां चे काम 8:22

ऐवास्ते आपणी ये बुराई कनु मन फिराती कर प्रभु कनु प्राथना कर, हो सग़े दुधे मना चा विचार माफ करला जाओ।

गलातियां 6:1

हे माये भऊ, तम्चे कुई बन्दे अगर कुई पापा मां पकड़ीती वी जाये तां, तम्ही जको आत्मिक छिवा ओनु नरमाई लारे सम्भाला ते जाये कनु बल्ति ओ विश्‍वास मां आती जाओ, ते आपणी वी चौकसी राखा ताकि तम्ही परीक्षा मां ना पड़ा।

1 तीमुथियुस 2:4

नरीकार ईं चाहवे, कि सारे बन्दा चा उद्धार हो, ते वे सच्‍चाई नु भली भान्ती जाणती गिहो।

1 तीमुथियुस 6:11

पर ओ नरीकारा चे जन, तु यां बाता कनु द्रोड़, ते धर्म, भग़ती, विश्‍वास, प्रेम, सब्र, ते नरमाई चा पीछा कर।

2 तीमुथियुस 3:7

ते सदा सिखतीया तां रिही पर सच्‍चाई ची पिछाण तक कङी ना पुज़ी।

तीतुस 1:1

हा चिठ्ठी पौलुस चे तरफु जको नरीकारा चा दास ते मसीह ईशु चा प्रेरित छै, नरीकारा चे चुणले आले लौक चा विश्‍वास ते वे सच्‍चाई ची पिछाण चे अनुसार जको भग़ती चे अनुसार छै,

तीतुस 3:2

कानु वी बदनाम ना करो, झग़ड़ालु ना हो, पर नर्म सुभाव चे हो, ते सारे इन्साना लारे बङी नरमाई लारे रिहो।

याकूब 1:17

कांकि हर हेक आच्छा वरदान ते हर हेक आच्छा दान उपर कनु ही छै, ते हा ओ परम ब़ा जेह्णे स्वर्ग़ीय सोज़ले नु पैदा करले जाये मां ना तां कुई बदलाव हो सग़े ते ना अदला बदली ची वजह कनु ओचे उपर छां पड़े।

1 पतरस 3:15

पर मसीह नु प्रभु जाणती कर आपणे आपणे मना मां पवित्र समझा, ते जको कुई तम्हा कनु तम्ची आस चे बारे मां कहीं पूछे ते ओनु उत्तर ङेणे चे वास्ते हमेशा तियार रिहा, पर नरमाई ते ङर चे लारे।

1 यूहन्‍ना 5:16

अगर कुई आपणे भावां ते ब़ेहणीया नु इसड़ा पाप करते ङेखे, जाया नतीजा हमेशा ची मौत ना हो, ते ओनु आपणे भऊ ते ब़ेहणीया चे वास्ते प्राथना करनी चाही छै, ते नरीकार ओनु जीवन ङिही। मैं वांचे बारे मां बात करे पला जको वे इसड़े पाप करने मां लाग़ले आले छी, मैं वानु हमेशा ची मौत तक नी पुचावी। इसड़े पाप वी रिही, जाया नतीजा मौत छै। मैं तम्हानु इसड़े पापा चे वास्ते प्राथना करने वास्ते कोनी किहे पला।