2 तीमुथियुस 2:14 - ओङ राजपूत

¹⁴ यां बाता ची याद वानु ङिवा ते प्रभु चे सामणे चिताती ङे कि अक्षरा उपर बहस-बाजी ना करले करो, जाये कनु कहीं फायदा ना हुवी बल्कि सुणने आले बिगड़ती जई।

2 तीमुथियुस 2:14 ပူးပေါင်းရင်းမြစ်များ

मत्ती 16:26

अगर इन्सान सारे संसारा नु हांसिल करे, तां आपणी जीन्दगी चे नुकसान चवे, तां ओनु का फायदा हुवी? जा इन्सान आपणी जीन्दगी चे बदले का ङी?

प्रेरितां चे काम 13:10

“हे सारे कप्पट ते सब चतराई लारे भरले आले शैताना, ची ऊलाद्ध, समुचे धर्मा चे दुश्मन। का तु प्रभु चे सिधे मार्ग़ा नु टेढे-मेढे करने नी छोड़े?

प्रेरितां चे काम 15:24

अम्ही ईं सुणले कि, अम्चे महु कई जणा ने ओठे जती कर, तम्हानु आपणीया बाता लारे घब़राती नाखले, ते तम्चे मन बैचेन करती नाखले पर अम्ही वानु हा आज्ञा कोनी ङिली हुती।

रोमियां 14:1

जको विश्‍वासा मां कमजोर छै, ओनु आपणी संगति मां गेहती गिहा, पर ओचे विचारा उपर बेहस-बाजी करने जरुरी कोनी।

गलातियां 1:7

पर ओ ङुजा सुसमाचार छै ही कोनी, पर बात हा छै कि कितने इसड़े छी जको तम्हानु भरमाती नाखी, ते ईशु मसीह चे सुसमाचार नु बिगाड़ना चाहवी।

इफिसियां 4:17

ऐवास्ते मैं किहे पला ते प्रभु नु ग़वाह बणाती कर तम्हानु चिताती कर किहे पला कि जिंवे नेरीया जातिया चे लौक आपणे मना ची बेकार रीति उपर चली यूंही तम्ही ना चला।

1 थिस्सलुनीकियां 4:1

तां, हे माये भऊ ते ब़ेहणीया, अम्ही तम्हा कनु बिनती करु पले, ते तम्हानु प्रभु ईशु मां समझाऊं पले, कि जिंवे तम्ही अम्हा कनु काबिल चाल चलणी, ते नरीकारा नु खौश करने सिखले, ते जिंवे तम्ही चला वी हुवा, यूंही होर वी बधते जावा।

2 थिस्सलुनीकियां 3:6

ते ओ माये भऊ ते ब़ेहणीया, अम्ही तम्हानु आपणे प्रभु ईशु मसीह चे नांवा कनु आज्ञा ङिऊं पले, कि हर हेक इसड़े भावां कनु अलग़ रिहो, जको आलसी छी, ते जको शिक्षा ओणे अम्हा कनु गेहली विचे अनुसार ना चलता हो।

1 तीमुथियुस 1:4

ते वे इसड़ीया मनघड़न्त कहाणीया ते बेअन्त पीढ़ीया उपर मन ना लावा, जाये कनु लड़ाई-झगडे़ हुवी, ते नरीकारा ची वा इच्छा चे अनुसार कोनी, जको विश्‍वास लारे ही पुरी हो सग़े, यूंही ही मैं बल्ति किहे पला।

1 तीमुथियुस 1:6

याहनु छोड़ती कर कितनी बन्दी फिरती कर बेफालतु चा बाता मां फसती गेली।

1 तीमुथियुस 4:8

कांकि कसरत लारे शरीरा नु थोड़ा फायदा तां हुवे वे, पर नरीकारा ची भग़ती सारीया बाता चे वास्ते लाभदायक छै, कांकि ऐ समय ची ते आणे आले जीवन ची आशीषा ची प्रतिज्ञा ऐचे वास्ते छै।

1 तीमुथियुस 5:21

नरीकार, ते ईशु मसीह, ते चुणले आले स्वर्ग़दूता नु मौजुद जाणती कर मैं तनु चितावें पला कि तु मन खोलती कर यां बाता नु मनले कर, ते कुई काम पक्षपात लारे ना कर।

1 तीमुथियुस 6:13

मैं तनु नरीकारा मां जको सारा नु जीवन ङिये, ते ईशु मसीह नु ग़वाह करती कर जेह्णे पुन्तियुस पिलातुस चे सामणे आच्छी ग़वाही ङिली, मैं वांची मौजुदगी मां तनु हा आज्ञा ङिये पला,

2 तीमुथियुस 1:6

यूंही मैं पौलुस तनु याद ङिवावे कि, तु नरीकारा चे ओ वरदाना नु जको माये हाथ मेहलणे चे जरिये मिड़ला, जग़ाती ङे।

2 तीमुथियुस 2:16

पर संसारा चे गन्दे बकवास कनु बचला रेह, कांकि ये बाता बन्दा नु नरीकारा कनु दूर करी।

2 तीमुथियुस 2:23

पर मूर्खता, ऐ बुरे संसारा ची बहस-बाजी कनु दूर रेह, कांकि तु जाणी, कि याकनु झग़ड़े हुवी।

2 तीमुथियुस 4:1

नरीकारा नु ते मसीह ईशु नु आपणा ग़वाह करती कर, जको जीता ते मरला आला चा न्यां करी, कांकि ईशु चे पुठे आणे ते ओचा राज़ गोढु छै, मैं तनु हा आज्ञा ङिये पला।

तीतुस 3:1

लौका नु याद ङिवा, कि हाकिमा ते अधिकारीया चे अधीन रिहा, ते वांची आज्ञा मनो, ते हर हेक आच्छे कामा वास्ते तियार रिहो।

इब्रानियां 13:9

बदड़ली आली विचित्र प्रकार ते अणजाण शिक्षा चे बहकावे मां ना बहकजा। दिला वास्ते सही छै कि ऊं अनुग्रह चे जरिये मजबूत करले जाओ, ना कि खाणे चे चीजा जरिये, खान-पान चे सम्बन्धी प्रथा चे जरिये काये भले कोनी हुले।

2 पतरस 1:13

मैं ईं आपणे वास्ते ठीक समझे, कि जब-तक मैं ऐ शरीरा चे डेरे मां छै, तब तक तम्हानु चैता ङिवाती कर उभारता रिही।