2 तीमुथियुस 1:14 - ओङ राजपूत

¹⁴ अम्चे भीतर रेहणे आला पवित्र आत्मा चे लारे तु ओ खास सुसमाचार नु जको नरीकारा ने तनु ङिली ओची रखवाली कर।

2 तीमुथियुस 1:14 ပူးပေါင်းရင်းမြစ်များ

लूका 16:11

ऐवास्ते जब तम्ही संसारा चे धन चे उपर सच्‍चे ना ठहरले, तां सच्‍चा धन तम्हानु कूण सोंपी?

यूहन्‍ना 14:17

हा सच्‍चाई चा आत्मा छै जानु संसार मन ना सग़ी, कांकि ओह ओनु ना ङेख सग़ी ते ना ही ओनु जाणे। पर तम्ही ओनु जाणा, कांकि ओह तम्चे लारे रिहे ते ओह तम्चे मां हुवी।

रोमियां 3:2

हर-हेक नजरीये लारे ब़ोहत कोच्छ। सबकनु पेहले तां नरीकारा चा वचन यहूदिया नु सोंपला गेला हुता।

रोमियां 8:11

ते अगर ओचा ही आत्मा जेह्णे मसीह ईशु नु मरला आला महु जीते करले तम्चे मां बसला आला छै, ओही तम्चीया मरणहार देह नु वी आपणी आत्मा चे जरिये जको तम्चे मां बसला आला छै जीते करी।

रोमियां 8:13

कांकि अगर तम्ही शरीरा चे अनुसार ङिहें कटा तां, मरती जावा, अगर पवित्र आत्मा देह चे कामा नु मारा, तां जीते रिहा।

रोमियां 8:9

पर जबकि नरीकारा ची आत्मा तम्चे मां बसे, तां तम्ही शरीरिक हालती मां कोनी, पर आत्मिक हालती मां छिवा। अगर काये मां मसीह ची आत्मा कोनी तां ऊं ओचे जन कोनी।

1 कुरिन्थियां 3:16

का तम्ही ना जाणा, कि तम्ही नरीकारा चा मन्दर छिवा, ते नरीकारा ची आत्मा तम्चे मां बसे पला?

1 कुरिन्थियां 6:19

का तम्ही ना जाणा कि तम्चे शरीर पवित्र आत्मा चा मन्दर छै जको तम्चे भीतर बसला आला छै ते तम्हानु नरीकारा चे तरफु मिड़ला आला छै? तम्हानु तम्चे उपर अधिकार कोनी।

1 कुरिन्थियां 9:17

अगर मैं आपणी इच्छा लारे प्रचार करे तां मनु ओचा फल मिलही पर अगर मैं प्रचार बिना इच्छा लारे करे तां ईं सेर्फ जिम्मेवारी पुरी करने हुले।

2 कुरिन्थियां 5:16

ऐवास्ते हमा अम्ही काया वी संसारिक नजरीये लारे नाप-तोल ना करु। पर अम्ही पेहले मसीह नु इसड़े नापले हुते। पर हमा इसड़ी नाप-तोल कनु दूर छिऊं।

गलातियां 2:7

पर वां बङका ने ङेखले कि पतरस नु खतना करले आले लौका मां सुसमाचार सुणावणा सोंपला गेला, पर यूंही बिना खतना करले आले लौका मां सुसमाचार सुणावणा मनु सोंपले गेले।

इफिसियां 2:22

मसीह मां तम्ही वी हेक प्राथनाघर बणती जावा जाये मां नरीकार वी पवित्र आत्मा चे जरिये रिहुं लाग़ो।

इफिसियां 5:18

दारु पीती कर मतवाले ना बणा, कांकि ऐचे लारे लोचपण हुवे, ऐकनु दूर रिहा, ते पवित्र आत्मा लारे भरीते जावा,

कुलुस्सियां 4:11

ते ईशु जको यूस्तुस किहवावे, तम्हानु नमस्कार किहे पला। खतना करले आले लौका महु सेर्फ येही नरीकारा चे राज़ चे वास्ते माये लारे काम करने आले ते माई शान्ति ची वजह रेहले।

1 थिस्सलुनीकियां 5:19

पवित्र आत्मा नु ना ब़िझावा।

1 तीमुथियुस 1:11

हा खरा उपदेश, हाओ परमधन्य नरीकारा ची महिमा चे ओ सुसमाचार चे अनुसार, जको मनु सोंपला गेला।

1 तीमुथियुस 6:20

हे तीमुथियुस, ऐ जिम्मेवारी ची रखवाली कर, ते जिसे ज्ञान नु ज्ञान केहणे ही भूल छै, ओचे गन्दे बकवास ते बहस-बाजी चा बाता कनु दूर रेह।

2 तीमुथियुस 1:12

येही वजह मैं ऐ कैदखाने चे ङुखा नु चवे पला, पर शर्म ना करी, कांकि मैं ओनु जाये उपर मैं विश्‍वास करला, जाणे पला, ते मनु पक्‍के छै कि जको मनु सोंपला गेला ओ आखरी ङिओ तक रखवाली करी।

2 तीमुथियुस 2:2

ते मसीह चे बारे मां जको वी बाता घणा ग़वाह चे सामणे माये कनु सुणलीया, वानु विश्‍वास करने आला बन्दा नु सिखाती ङे, जको नेरा नु सिखावणे चे लायक हो।

1 पतरस 1:22

हमा ङेखा, जिसे बेले तम्ही सच्‍चाई चा पालन करते हुले, सच्‍चे भाईचारे चे प्रीति नु उजागर करने चे वास्ते आपणी आत्मा नु पवित्र करते गेले ते पवित्र मना लारे हेके ङुजे लारे प्रेम राखा।