2 थिस्सलुनीकियां 3:2 - ओङ राजपूत

² ते अम्ही ङिंगे ते दुष्ट बन्दा कनु बचले रिहुं कांकि हर हेक मां विश्‍वास कोनी।

2 थिस्सलुनीकियां 3:2 ပူးပေါင်းရင်းမြစ်များ

मत्ती 17:17

ईशु ने उत्तर ङिला, “हे अविश्‍वासी ते हठीले लौक, मैं कब तक तम्चे लारे रिही? कब तक तम्ची सेहता रिही? ओनु माये गोढु गेहती आवा।”

मत्ती 23:23

“हे कप्पटी शास्त्री ते फरीसी, तम्चे उपर हाय! तम्ही फूदने, ते सौंफ ते जीरे चा ङसवां हेंस्सा तां ङिया, पर तम्ही व्यवस्था चीया गम्भीर बाता नु यानिकि न्यां, ते दया, ते विश्‍वास नु छोड़ती ङिले, चाही हुते कि याहनु वी करते रिहा ते वानु वी ना छोड़ा हा।

लूका 18:8

मैं तम्हानु किहे पला, ओ तुरन्त वांचा सच्‍चा न्यां चुकावी। तां वी मैं इन्साना चा पूत जिसे बेले आवी, तां का मैं धरती उपर विश्‍वास ङेखी?”

प्रेरितां चे काम 13:45

पर यहूदी भीड़ नु ङेखती कर गैरती मां भरीती गेले, ते निन्दा करते हुले पौलुस चीया बाता चे विरोध मां ब़ोलु लाग़ती गेले।

प्रेरितां चे काम 13:50

पर यहूदिया ने शहरा चा भलीया, ऊंचे कोल्‍ल चीया असतरीया नु ते शहरा चा खास बन्दा नु भड़काती नाखले, ते पौलुस ते बरनबास उपर दोष लवाती कर वानु आपणी हद्दी कनु ब़ाहरु कढ़वाती छोड़ले।

प्रेरितां चे काम 14:2

पर जिसा यहूदी बन्दा ने विश्‍वास कोनी करला हुता, वाणे नेरीया जातिया आला बन्दा नु भड़काती नाखले ते वांचे मना मां विश्‍वासी भावां चे विरोध जहर भरती ङिला।

प्रेरितां चे काम 17:5

पर कोच्छ यहूदी गुस्से लारे भरीती गेले, ते बजारा महु कोच्छ बदमाश लौका नु भेले करती कर आपणे लारे मिलाती गेले ते भीड़ लाती कर शहर चे चौका मां हुल्‍लड़ करु लाग़ले। वाणे यासोन चे घरा मां धावा ब़ोलती ङिला, ते हा कोशिस करु लाग़ले कि कुई तरीके लारे पौलुस ते सीलास नु लौका चे सामणे आणो।

प्रेरितां चे काम 25:27

कांकि माये वास्ते हा गलत छै कि कुई वी बन्दे नु ओचे उपर लाग़ले गेले दोष चे बारे मां बिना पता काढ़ले चिठ्ठी लिखती कर आग़ु भेज़ती ङेणे।”

प्रेरितां चे काम 28:24

बल्ति वांचे महु कोच्छ लौक ने वे बाता मनती गेलीया पर कोच्छ लौका ने विश्‍वास कोनी करला।

रोमियां 10:16

पर सब ने ओ सुसमाचार उपर कान कोनी लाले। यशायाह भविष्यवक्‍ता किहे, “हे प्रभु, केहणे अम्चे समाचारा उपर विश्‍वास करला?”

रोमियां 15:31

प्राथना करा कि मैं यहूदिया प्रदेस चे अविश्‍वासी लौका कनु बचला रिहे, ते माई वा सेवा जको यरुशलेम वास्ते छै, उठले नरीकारा चे लौका नु भाओ,

1 कुरिन्थियां 15:32

इफिसुस शहरा चे लौक माये लारे जंगली ढौरा आलीकर भिड़ले तां मनु ऐचा का फायदा हुला? अगर मरले आले जीते ना करले जईया, तां जिंवे कोच्छ लौका चे केहणे छै कि, “आवा अम्ही खऊं पीऊं कांकि सुवारे तां अम्हानु मरती ही जाणे।”

1 थिस्सलुनीकियां 2:18

ऐवास्ते अम्ही हेक वारी नी, बल्कि मैं खौद्द पौलुस ङोन वारी तम्चे गोढु आवणे चाह्‍ले, पर शैतान अम्हानु रोकली रेहला।

2 तीमुथियुस 4:17

पर प्रभु माया सहायक रेहला, ते मनु सामर्थ ङिली, ताकि माये जरिये पूरा प्रचार हो, ते सारीया नेरीया जातिया सुणती गिहा ते मैं तां शेरा चे मुँहा कनु छुड़ाला गेला।