2 पतरस 3:7 - ओङ राजपूत

⁷ पर ऐ समय चा आसमान ते धरती ओह वचना चे जरिये ऐवास्ते राखले गेले कि ब़ाड़ले जाओ ते अधर्मी बन्दा चा न्यां ते नाश हुवणे चे ङिओ तक यूंही मेहले रिहे।

2 पतरस 3:7 ပူးပေါင်းရင်းမြစ်များ

मत्ती 10:15

मैं तम्हानु सच्‍च किहे पला कि न्यां चे ङिओ, ओ शहरा ची दशा कनु सदोम ते अमोरा चे देशा ची दशा घणी सेहणे चे लायक हुवी।

मत्ती 11:22

पर मैं तम्हानु किहे पला कि न्यां चे ङिओ, तम्ची दशा कनु सूर ते सैदा ची दशा घणी सेहणे चे लायक हुवी।

मत्ती 11:24

पर मैं तम्हानु किहे पला कि न्यां चे ङिओ दुधी दशा कनु सदोम शहरा ची दशा घणी सेहणे लायक हुवी।”

मत्ती 12:36

“कांकि मैं तम्हानु बावड़े पला, कि न्यां चे ङिओ हर हेक बन्दे नु जको ओणे आपणे मुँहा लारे बुराई चा बाता केहलीया, वांचीया सारीया चा हिसाब ङेणा पड़ी।

मत्ती 24:35

आसमान ते धरती टलती जाये, पर माया बाता कङी नी टले।

मत्ती 25:41

“बल्ति खब़्ब़े पासे आला नु किही, ‘हे श्रापित लौक, माये सामणे कनु ओ अनन्त जाखते मां चाह्‍ले जावा, जको शैतान ते ओचे दूता वास्ते तियार करले गेले।

मरकुस 6:11

“जिसी जग़हा चे लौक तम्हानु ग्रहण ना करो ते तम्ची ना सुणो, उठु निकलते ही आपणे पग़्ग़ा ची धूड़ झाड़ती नाखा, कि वांचे उपर ग़वाही हो।”

यूहन्‍ना 12:48

जको मनु तोच्छ जाणे ते माया बाता नु ना मनी, ओनु दोषी बणावणे आला हेक छै, यानि जको वचन मैं केहले वे ही आखरी ङिओ मां ओनु दोषी ठहरावी।

रोमियां 2:5

पर आपणी कठोरता ते हठीले मन चे अनुसार, ओचे क्रोध चे ङिओ वास्ते, जाये मां नरीकारा चा सच्‍चा न्यां प्रकट हुवी, आपणे वास्ते क्रोध कमावी पला।

1 कुरिन्थियां 3:13

तां हर-हेक चे काम प्रकट हुती जई, कांकि ओ न्यां चा ङिओ ओनु बावड़ी, ऐवास्ते कि जाखते लारे प्रकट हुवी ते ऊं जाखते हर-हेक चे कामा नु परखी कि किसड़े छै।

फिलिप्पियां 1:28

ते किसी बाते मां विरोधीया चा भय ना खावा। हा वांचे वास्ते नाश हुवणे ची पक्‍की निशानी छै, पर तम्चे वास्ते उद्धार चा, ते हा नरीकारा ची तरफु इशारा छै,

2 थिस्सलुनीकियां 2:3

कुई रीति लारे काये धोक्‍के मां ना आजा, कांकि ओ ङिओ नी आवी, जब तक धर्म चा त्याग ना हो ते ओ पापा चा मर्द यानि विनाश चा पूत प्रकट ना हो।

1 तीमुथियुस 6:9

पर जको धनी हुवणे चाहवे, ओ इसड़ी परीक्षा मां पड़ती कर फन्दे मां फसती कर ते घणे बेकार मूर्खता ते नुकसान पुचाणे आलीया बाता मां फसती जई, जको बन्दा नु बिगाड़ती नाखे ते विनाश चे समुन्दरा मां ब़ुङाती नाखे।

इब्रानियां 12:29

कांकि अम्चा नरीकार भसम करने आले जाखते छै।

2 पतरस 2:9

यूं करती प्रभु भग़ता नु परीक्षा महु काढ़ती गेहणे ते अधर्मीया नु न्यां चे ङिओ तक ङण्ड ची हालती मां राखणे जाणे।

2 पतरस 3:10

पर प्रभु चा ङिओ चोरा आलीकर आती जई। ओ ङिओ आसमान बङी हड़बड़ाहट ची अवाजी लारे जता रिही ते सारीया चीजा तपती कर पिघलती जाये ते धरती ते विचे उपर चे सारे काम ब़लती जाये।

2 पतरस 3:12

ते नरीकारा चे ओ ङिओ ची बाट ङेखणी चाही छै ते ओचे जल्दी आवणे वास्ते जत्तन करना चाही छै जिसी वजह कनु आसमान जाखते लारे पिघलती जई ते आसमाना चे तारागण ब़ोहत ही तपती कर गलती जाये।

1 यूहन्‍ना 4:17

ऐचे कनु प्रेम अम्चे मां सेद्ध हुला, कि अम्हानु न्यां चे ङिओ हिम्मत हो, कांकि जिसड़ा ईशु मसीह छै, यूंही संसारा मां अम्ही वी जिऊं पले।

यहूदा 1:7

जिंवे करती सदोम ते अमोरा ते वांचे आस-पास चे शहर, जको वांचे आलीकर व्यभिचारी हुती गेलते ते बुराई चे मार्ग़ उपर टुरती पले। वानु कङी ना ब़िझणे आले जाखते मां नाखती ङेणे चा ङण्ड ङिला गेला, वे अम्चे वास्ते मिसाल चे रुप मां ठहराले गेले।

प्रकाशितवाक्य 17:11

ऊं ङरावणे ढौर जको पेहले कङी जीते हुते, पर हमा जीते कोनी, खौद्द ही आठवां राजा छै ते वा साता महु पैदा हुले, ते ओचा वी नाश हुवणे आला छै।

प्रकाशितवाक्य 17:8

जको ढौर तु ङेखले, ऊं पेहले तां हुते पर हमा कोनी, ते पताला महु निकलती कर विनाश मां ढी, ते धरती चे रेहणे आले जाई नांवे संसारा ची शुरुआत चे समय कनु जीवन ची किताबे मां लिखली कोनी गेली, ऐ ढौरा ची हा हालत ङेखती कर पेहले हुते ते हमा कोनी ते बल्ति आती जई, अचम्भा करे।

प्रकाशितवाक्य 20:11

बल्ति मैं हेक बङा चिट्टा सिंहासन ते ओचे उपर जको ब़ेहला हुता ङेखले, जाये सामणे कनु धरती ते आसमान नासती गेले, पर वांचा किठी पता तक कोनी लाग़ला।

प्रकाशितवाक्य 21:1

बल्ति मैं हेक नवां स्वर्ग़ ते हेक नवीं धरती ङेखली। कांकि पेहला स्वर्ग़ ते पेहली धरती खत्तम हुती गेलती। ते समुन्दर वी कोनी रेहला।