2 पतरस 3:16 - ओङ राजपूत

¹⁶ यूंही ओणे आपणीया सारीया चिठ्ठीया मां वी यां बाता ची चर्चा करली, जाये मां कोच्छ बाता इसड़ीया छी जाये समझणे मुश्किल छै, ते नासमझ ते गैर विश्‍वासी लौक वांचे मतलब नु वी पवित्रशास्त्र चा नेरीया बाता आलीकर छिकती मुछती आपणे ही नाश ची वजह बणावी।

2 पतरस 3:16 ပူးပေါင်းရင်းမြစ်များ

मत्ती 15:3

ईशु ने वानु उत्तर ङिला, “तम्ही वी आपणी परम्परा ची वजह कां नरीकारा ची आज्ञा टालती ङिया?

मत्ती 15:6

तां ओ आपणे ब़ा चा कद्दर ना करो, यूं करती तम्ही आपणी परम्परा ची वजह नरीकारा चा वचन टालती ङिला।

मत्ती 22:29

ईशु ने वानु उत्तर ङिला, “तम्ही पवित्रशास्त्र ते नरीकारा ची सामर्थ ना जाणा, ये वजह कनु भूल मां पले।

फिलिप्पियां 3:19

वांचा नाश वांची नियत छै। वांचे ढेड्ड ही ईश्‍वर छै। वे लज़्ज़ा ची बाता उपर घमण्ड करी, ते धरती चे बाता उपर मन लाली रिही।

इब्रानियां 5:11

अम्चे गोढु ऐ बारे मां केहणे वास्ते ब़ोहत कोच्छ छै, पर जाया वर्णन करने मुश्किल छै कांकि तम्ही ऊंचे सुणु लाग़ती गेले।

याकूब 1:8

ओ शक्स ङोन दिला छै, ते आपणीया सारीया बाता मां छिमछिरा छै।

1 पतरस 1:1

हा चिठ्ठी पतरस ची ओर कनु, जको ईशु मसीह चा प्रेरित छै, नरीकारा चे वां प्रदेसीया चे नांवे, जको पुन्तुस, गलातिया, कप्पदूकिया, एशिया ते बिथुनिया चे इलाके मां खिंडती-पुंडती रिही।

1 पतरस 2:8

हेक इसड़ा पत्थर जाये कनु वे ठोकर खई, हेक इसड़ी चट्टान जाये उपर वे फिसलती कर ढेती पड़ी।” वे वचना मां विश्‍वास ना करने चाहवी, ऐवास्ते वे ठोकर खाती कर ढेती पड़ी। हाओ वांचे भाग़ा मां लिखले पले।

2 पतरस 2:1

जिंवे करती वां लौका मां कूड़े भविष्यवक्‍ता हुते यूं करती तम्चे मां वी कूड़े गुरु हुवे, जको नाश करने आले पखण्ड ची लुकती लुकती शुरुआत करे ते ओ स्वामी जेह्णे वानु मोल गेहले ओचा इन्कार करे ते आपणे आप नु जल्दी विनाश मां नाखे।

2 पतरस 2:14

वांचीया आंखीया मां व्यभिचार बसला आला छै ते पाप करले बगैर आलीकर ना सग़ी वे चंचल मना आला नु बकाती गिही वांचे मना नु लोभ करने ची आदत हुली भिली वे श्राप ची ऊलाद्ध छी।

2 पतरस 3:14

ऐवास्ते, हे माये प्यारे भऊ जबकि तम्ही यां बाता ची आस ङेखा पले तां जत्तन करा कि तम्ही शान्ति लारे ओचे सामणे बेदाग ते बेकसूर ठहरा।

2 पतरस 3:2

कि तम्ही वां बाता नु जको, पवित्र भविष्यवक्‍ता ने पेहले कनु केहलीया ते प्रभु ते उद्धारकर्ता ची वे आज्ञा नु ध्यान करा, जको तम्चे प्रेरितां चे जरिये ङिलीया गेलतीया।

यहूदा 1:4

कांकि कितनी इसड़ी इन्साने चोप-चाप तम्चे मां घिरती आली, जाये ऐ ङण्ड चे बारे मां शास्त्रा ने पेहले कनु ही भविष्यवाणी करती ङिलती। ये भग़तीहीन छी, ते अम्चे नरीकारा चे अनुग्रह नु लोचपण करने वास्ते पट्टा समझती गेला, ते अम्चे सेर्फ स्वामी प्रभु ईशु मसीह चा इन्कार करी।