2 पतरस 3:14 - ओङ राजपूत

¹⁴ ऐवास्ते, हे माये प्यारे भऊ जबकि तम्ही यां बाता ची आस ङेखा पले तां जत्तन करा कि तम्ही शान्ति लारे ओचे सामणे बेदाग ते बेकसूर ठहरा।

2 पतरस 3:14 ပူးပေါင်းရင်းမြစ်များ

मत्ती 24:26

“ऐवास्ते अगर वे तम्हानु किहो, ‘ङेखा, ओ जंगला मां छै,’ तां ओठे ना चाह्‍ले जजा, जा, ‘ङेखा, ओ कोठड़ीया मां छै,’ तां वांचा विश्‍वास ना करजा।

मत्ती 25:7

“तब वे सारीया कुंवारीया उठती कर आपणीया-आपणीया मशाला नु तियार करु लाग़लीया।

लूका 12:43

धन्‍न छै ओ दास, जानु ओचा मालिक आती कर इसड़े करते ङेखो।

लूका 2:29

“हे स्वामी, हमा तु आपणे दासा नु आपणे वचना चे अनुसार शान्ति लारे मरु ङे।

1 कुरिन्थियां 1:8

ओही तम्हानु अन्त तक मजबूत वी करी, कि तम्ही अम्चे प्रभु ईशु मसीह चे ङिओ मां बेकसूर ठहरा।

1 कुरिन्थियां 15:58

ऐवास्ते हे प्यारे भऊ, मजबूत ते अटल रिहा, ते प्रभु चे कामा मां सदा बधते जावा, तम्ही ईं जाणा, तम्ची मेहनत प्रभु मां बेकार कोनी।

फिलिप्पियां 1:10

इठे तक कि तम्ही आच्छीया महु आच्छीया बाता नु प्रिय जाणा ते मसीह आणे चे ङिओ तक सच्‍चे, पवित्र, ते बिना कसूरा चे बणले रिहा, ते ठोकर ना खावा,

फिलिप्पियां 2:15

ताकि तम्ही भोले-भाले ते पवित्र बणती जावा। बल्ति टेढे ते हठीले लौका चे बीच नरीकारा ची निष्कलंक ऊलाद्ध बणती जावा। वांचे बीच मां तम्ही जीवन चा वचन चते हुले दुनिया मां तारा आलीकर चमकते ङिसा।

फिलिप्पियां 3:20

पर अम्ची नागरिकता स्वर्ग़ा उपर छै, ते अम्ही हेक उद्धारकर्ता प्रभु ईशु मसीह चे उठु आवणे ची खुशी लारे इंतजार ङेखु पले।

1 थिस्सलुनीकियां 3:13

कि ईशु तम्चे मना नु इसड़े मजबूत करो, कि जब अम्चा प्रभु ईशु मसीह आपणे सारे पवित्र लौका लारे आओ, तां वे अम्चे नरीकार ते ब़ा चे सामणे पवित्रता मां बेकसूर बणाती नाखो।

1 थिस्सलुनीकियां 5:23

शान्ति चा नरीकार आप ही तम्हानु पुरी रीति लारे पवित्र करो, ते तम्ची आत्मा ते प्राण ते शरीर अम्चे प्रभु ईशु मसीह चे आणे तक पुरी रीति लारे निर्दोष सुरक्षित रिहो।

1 तीमुथियुस 6:14

कि तु अम्चे प्रभु ईशु मसीह चे प्रकट हुवणे तक तनु जको आज्ञा ङिली तु विश्‍वास कर ते बेकसूर टुरता चाल।

इब्रानियां 9:28

यूं करती मसीह ब़ोहता चे पाप चवणे वास्ते हेक ही वारी खौद्द नु भेंट करले। ओचे बाद हमा दुबारा प्रकट हुवी, पापा नु चवणे वास्ते ना, पर वांचे उद्धार वास्ते जको ओचे इन्तजार मां छी।

याकूब 1:27

अम्चे नरीकार ते ब़ा चे गोढु शोद्ध ते सुथरी भग़ती हा छै कि छिन्‍नेछोरा ते बांढीया चे क्लेशा मां वांची सुधि गिहो, ते आपणे आप नु संसारा कनु बेदाग राखो।

1 पतरस 1:7

ईं ऐवास्ते हुले कि तम्चा परखला आला विश्‍वास जको जाखते मां नाशवान सोने कनु वी घणा कीमती छै, जिसे बेले ईशु मसीह उजागर हुवी, नरीकारा कनु तम्हानु प्रशंसा, महिमा ते कद्दर मिलो।

2 पतरस 3:1

हे माये प्यारे भऊ, हमा मैं तम्हानु हा ङुजी चिठ्ठी लिखे पला, ते ङुंहु मां चैता ङिवाती कर तम्चे शोद्ध मना नु उभारे पला।

2 पतरस 3:16

यूंही ओणे आपणीया सारीया चिठ्ठीया मां वी यां बाता ची चर्चा करली, जाये मां कोच्छ बाता इसड़ीया छी जाये समझणे मुश्किल छै, ते नासमझ ते गैर विश्‍वासी लौक वांचे मतलब नु वी पवित्रशास्त्र चा नेरीया बाता आलीकर छिकती मुछती आपणे ही नाश ची वजह बणावी।

1 यूहन्‍ना 3:3

जको कुई ईशु मसीह कनु इसड़ी आस राखे, ओ आपणे आप नु उसड़े ही पवित्र करो जिसड़ा ओ छै।