2 पतरस 2:21 - ओङ राजपूत

²¹ कांकि धर्म चे मार्ग़ ना जाणने ही वांचे वास्ते ऐचे कनु भले हुवीया कि ओनु जाणती कर वे पवित्र आज्ञा कनु फिरती जईया जको वानु ङिली गेलती, ओनु जाणती कर मुँह फेरती गिही।

2 पतरस 2:21 ပူးပေါင်းရင်းမြစ်များ

मत्ती 21:32

कांकि यूहन्‍ना बपतिस्मा ङेणे आला धर्म चा मार्ग़ ङिखाणता हुला तम्चे गोढु आला, ते तम्ही ओचा विश्‍वास कोनी करला। पर चुंगी गेहणे आला ने ते वेश्या ने ओचा विश्‍वास करला। ते तम्ही ईं ङेखती कर बादा मां वी नी पछताले, ते ना ओचा विश्‍वास करला।”

लूका 12:47

“ते ओ दास जको आपणे मालका ची इच्छा जाणता, ते तियार कोनी रेहला ते ना ओची मर्जी चे अनुसार चढ़ला, ओ घणी मार खई।

यूहन्‍ना 15:22

अगर मैं ना आवीया ते वांचे लारे बाता ना करियो, तां वे पापी ना बणी हा। पर हमा वानु वांचे पापा कनु बचणे वास्ते कुई बहाना कोनी।

यूहन्‍ना 9:41

ईशु ने वानु केहले, “अगर तम्ही अन्धे हुवा हा, तां पापी ना ठहरा हा, पर हमा किहा कि, ‘अम्ही ङेखु,’ ऐवास्ते तम्चा पाप बणला रिहे।”

रोमियां 7:12

ऐवास्ते व्यवस्था पवित्र छै। ते आज्ञा पवित्र, धर्मी, ते आच्छी छै।

गलातियां 6:2

ङुखा बेले हेके ङुजे ची सहायता करा तां मसीह चे व्यवस्था नु पुरे करा।

1 थिस्सलुनीकियां 4:2

कांकि तम्ही जाणा, कि अम्ही प्रभु ईशु चे तरफु तम्हानु किसीया - किसीया आज्ञा पुचालीया।

1 तीमुथियुस 6:14

कि तु अम्चे प्रभु ईशु मसीह चे प्रकट हुवणे तक तनु जको आज्ञा ङिली तु विश्‍वास कर ते बेकसूर टुरता चाल।

इब्रानियां 10:26

अगर सच्‍चाई ची पिछाण गेहणे चे बाद वी अम्ही जाणती ब़ुझती पाप करु तां पाप वास्ते कुई बलिदान बाकि ना रेहती जई।

याकूब 4:17

ऐवास्ते जको कुई भलाई करने जाणे ते ऊं ना करी, ओचे वास्ते हा पाप छै।

2 पतरस 3:2

कि तम्ही वां बाता नु जको, पवित्र भविष्यवक्‍ता ने पेहले कनु केहलीया ते प्रभु ते उद्धारकर्ता ची वे आज्ञा नु ध्यान करा, जको तम्चे प्रेरितां चे जरिये ङिलीया गेलतीया।

यहूदा 1:3

हे प्यारे, जब मैं तम्हानु ओ उद्धार चे बारे मां लिखणे मां घणी सारी मेहनत ते कोशिस करे पलता, जाये मां अम्ही सब भईवाल छिऊं, तां मैं तम्हानु ईं समझाणे जरुरी समझले कि ओ विश्‍वास चे वास्ते पूरा यतन करा जको नरीकारा चे पवित्र लौका नु हेक ही वारी सोंपला गेला हुता।