2 पतरस 2:18 - ओङ राजपूत

¹⁸ वे बेकार घमण्ड चा बाता करती करती लोचपण चे कामा लारे, वां लौका नु शरीरिक इच्छा लारे फसाती गिही, जको भटकले आला महु हमा निकली ही पले।

2 पतरस 2:18 ပူးပေါင်းရင်းမြစ်များ

प्रेरितां चे काम 2:40

पतरस ने घणीया सारीया नेरीया बाता लारे वी ग़वाही ङिती-ङिती कर समझाले कि, “आपणे आप नु ऐ अधर्मी पीढ़ी कनु बचाली राखा।”

प्रेरितां चे काम 8:9

ऐचे कनु पेहले ओ शहरा मां शमौन नांवा चा हेक शक्स हुता, जको जादू-टूणे करती सामरिया चे लौका नु हैरान करती ते आपणे आप नु कुई बङा मर्द बणाता।

रोमियां 13:13

जिंवे ङिहां मां अम्ही रिहुं वी, यूंही अम्हानु सिधी चाल चलणी चाही छै, ना कि लीलाक्रीड़ा, ते पियक्‍कड़पन, ना व्यभिचार, ते लोचपण मां, ते ना ही झग़ड़े ते ईर्ष्या मां लाग़ले रिहा।

इफिसियां 4:17

ऐवास्ते मैं किहे पला ते प्रभु नु ग़वाह बणाती कर तम्हानु चिताती कर किहे पला कि जिंवे नेरीया जातिया चे लौक आपणे मना ची बेकार रीति उपर चली यूंही तम्ही ना चला।

2 थिस्सलुनीकियां 2:4

जको विरोध करे, ते हर हेक कनु जको ईश्‍वर जा पूजनीये किहवावे, आपणे आप नु बङे ठहरावे, इठे तक कि ओ नरीकारा चे मन्दरा मां ब़ेसती कर आपणे आप नु ईश्‍वर ठहरावे।

याकूब 5:5

तम्ही धरती उपर भोग़ विलास मां लाग़ले रेहले ते बल्ति बङा ही सोख भोग़ला, ते तम्ही आपणे आप नु मोटे ताजा करती गेले हेक ङिओ बढीजणे चे वास्ते।

2 पतरस 1:4

जाये जरिये ओणे अम्हानु बेशकीमती ते ब़ोहत ही बङे वायदे ङिले कि यांचे जरिये तम्ही वे सड़ाहट कनु छुटती कर जको संसारा मां बुरी अभिलाषा कनु हुवे ईश्‍वरीय सुभाव चे भईवाल हुती जावा।

2 पतरस 2:14

वांचीया आंखीया मां व्यभिचार बसला आला छै ते पाप करले बगैर आलीकर ना सग़ी वे चंचल मना आला नु बकाती गिही वांचे मना नु लोभ करने ची आदत हुली भिली वे श्राप ची ऊलाद्ध छी।

2 पतरस 2:2

ब़ोहत सारे वांचे आलीकर लोचपण करे जाई वजह कनु सच्‍चाई चे मार्ग़ ची निन्दा करली जई।

2 पतरस 2:20

जब वे प्रभु ते उद्धारकर्ता ईशु मसीह ची पिछाण चे जरिये संसारा ची कई तरह ची अशोद्धता कनु बचती निकलो, ते बल्ति वांचे मां फसती कर हारती गेले, तां वांची दशा पेहली कनु वी बुरी हुती गेली छै।

2 पतरस 2:7

पर ओणे धर्मी लूत नु जको अधर्मीया चे अशुद्ध चाल-चलन कनु ब़ोहत ङुखी हुता छुटकारा ङिला।

2 पतरस 3:17

ऐवास्ते हे प्यारे, तम्ही लौक पेहले ही कनु यां बाता नु जाणती कर चौकस रिहा, कि अधर्मीया चे भ्रम मां फसती कर आपणी मजबूती नु हाथा लारे किठी गुंती ना ब़ेसा।

यहूदा 1:13

ये समुन्दर ची भयानक लहरा आलीकर छी, जको आपणी लाज़ चा झग़ उछाली, ये मार्ग़ कनु भटकले आले तारे छी, जाये वास्ते हमेशा तक घौर अन्धकार राखला गेला।

प्रकाशितवाक्य 13:11

बल्ति मैं हेक नेरे ङरावणे ढौरा नु धरती महु निकलते ङेखले। ओचे मैमणे आलीकर ङोन सींगे हुती, पर ओ अजगर आलीकर ब़ोलता।