2 पतरस 1:8 - ओङ राजपूत

⁸ कांकि अगर ये बाता तम्चे मां मोजुद रिहे ते बधतीया जाये तां, तम्हानु अम्चे प्रभु ईशु मसीह ची पिछाण मां कामयाब ते फलवन्त हुते जावा।

2 पतरस 1:8 ပူးပေါင်းရင်းမြစ်များ

मत्ती 13:22

जको झाड़ीया मां राहले गेले, ईं ऊंही बीज छै, जको वचना नु सुणे, पर ऐ संसारा ची चिन्ता ते धन चा धोक्‍का वचना नु दब़ाती नाखे, ते ऊं फल ना आणी।

मत्ती 20:3

बल्ति ओणे सवेले करीब नवें बजे जिसे बेले ओ ब़ाहरु आला, ते नेरा लौका नु बजारा मां बेकार भिले आले ङेखले, जको यूंही बेकार भिलते ले।

मत्ती 20:6

लगभग पाँचे बजे वापिस ब़ाहर निकलती कर ओणे ङुजा बन्दा नु ओठे खड़े ङेखले ते वानु केहले, ‘का तम्ही इठे ङिओ भर बेकार मां खड़े रेहले?’

मत्ती 25:26

“ओचे मालिका ने उत्तर ङिला, ‘हे दुष्ट ते आलसी दास, जब तु ईं जाणता कि जिठे मैं कोनी राहले उठु बाढे, ते जिठे मैं कोनी छटले उठु भेले करे।

यूहन्‍ना 15:2

जको लड़ी माये मां छै, ते ना फली तां विनु ब़ा बाढती नाखे, जको फले विनु छांगे ताकि सुथरी हो ते ज्यादा फल आणो।

यूहन्‍ना 17:3

ते अनन्त जीवन हा छै, कि वे तनु हेक ही सच्‍चे नरीकारा नु, ते ईशु मसीह नु, जानु तु भेज़ले, जाणो।

यूहन्‍ना 5:42

पर मैं तम्हानु जाणे कि तम्चे मां नरीकारा चा प्रेम कोनी।

रोमियां 12:11

मेहनत करने मां आलसी ना बणा, आत्मा मां जोश लारे भरीती कर प्रभु ची सेवा करा।

1 कुरिन्थियां 15:58

ऐवास्ते हे प्यारे भऊ, मजबूत ते अटल रिहा, ते प्रभु चे कामा मां सदा बधते जावा, तम्ही ईं जाणा, तम्ची मेहनत प्रभु मां बेकार कोनी।

2 कुरिन्थियां 13:5

आपणे आप नु परखा कि विश्‍वास मां छिवा जा कोनी, आपणे आप नु जांचा। का तम्ही आपणे बारे मां ईं ना जाणा कि ईशु मसीह तम्चे मां छै? ना तां तम्ही जांच मां निक्‍कमे निकड़ले छिवा।

2 कुरिन्थियां 8:2

कि क्लेश ची बङी परीक्षा मां वांची बङी खुशी, ते भारी कंगाली मां हेक हुती कर वांची उदारता ब़ोहत बधती गेली।

2 कुरिन्थियां 8:7

पर जिंवे हर बाते मां यानिकि विश्‍वास, वचन, ज्ञान ते हर-तरहा ची कोशिस मां, ते ओ प्रेम मां, जको अम्चे लारे राखा, बधते जावा पले, यूहीं ऐ दान चे कामा मां वी बधते जावा।

2 कुरिन्थियां 9:14

ते वे तम्चे वास्ते प्राथना करते रिही, ते कांकि तम्चे उपर नरीकारा ची बङी ही दया हुली, तम्ची लालसा करते रिही।

फिलिप्पियां 1:9

मैं हाओ प्राथना करता रिहे कि आपस मां तम्चा सच्‍चा प्रेम, ज्ञान, ते पुरी समझ सहित ओर वी बधता जाओ,

फिलिप्पियां 2:5

जिसड़ा मसीह ईशु चा सुभाव हुता उसड़ा ही तम्चा वी सुभाव हो।

फिलिप्पियां 3:8

ऐकनु वी बङी बात हा छै कि मैं आपणे प्रभु ईशु मसीह चे ज्ञान ची श्रेष्टता ची वजह कनु आज़ तक सब चीजा नु फायदा चीया ना समझी। ओचे वास्ते मैं सब कोच्छ त्याग़ती ङिले ते मैं सब चीजा कनु नफरत करु लाग़ला। ताकि मसीह नु गे सग़े।

कुलुस्सियां 1:10

ताकि तम्चा चाल-चलन प्रभु चे लायक हो, ते ओह सारे प्रकार कनु खौश हो, ते तम्चे हर-प्रकार चे भले कामा चा फल लाग़ो, ते नरीकारा चे ज्ञान मां बढ़ते जावा।

कुलुस्सियां 2:7

ते ओचे मां ज़हड़ पकड़ती कर बढ़ते जावा जिंवे तम्ही सिखाले गेले यूंही विश्‍वास मां मजबूत हुते जावा, ते घणा धन्यवाद करते रिहा।

कुलुस्सियां 3:16

मसीह चे वचन नु आपणे दिला मां गहराई लारे बसु ङिया ते सेद्ध ज्ञान समेत हेके ङुजे नु सिखावा ते चितावा, ते आपणे-आपणे मना मां अनुग्रह चे लारे नरीकारा चे वास्ते भज़न ते स्तुतिगान ते आत्मिक गीत गावा।

1 थिस्सलुनीकियां 3:12

ते प्रभु इसड़े करो, कि जिसड़ा अम्ही तम्चे लारे प्रेम राखु, उसड़ा ही तम्चा प्रेम वी आपस मां, ते सारे बन्दा लारे बधो, ते बढ़ोतरी करते जावा।

1 थिस्सलुनीकियां 4:1

तां, हे माये भऊ ते ब़ेहणीया, अम्ही तम्हा कनु बिनती करु पले, ते तम्हानु प्रभु ईशु मां समझाऊं पले, कि जिंवे तम्ही अम्हा कनु काबिल चाल चलणी, ते नरीकारा नु खौश करने सिखले, ते जिंवे तम्ही चला वी हुवा, यूंही होर वी बधते जावा।

2 थिस्सलुनीकियां 1:3

हे माये भऊ, तम्चे बारे मां अम्हानु हर समय नरीकारा चा धन्यवाद करना चाही छै, ते ईं ठीक वी छै, ऐवास्ते कि तम्चा विश्‍वास घणा बढ़ता जाये पला, ते तम्चा सब प्रेम आपस मां घणा ही बढ़ता जाये पला।

1 तीमुथियुस 5:13

ते ऐचे लारे ही लारे वे घर-घर फिरती कर आलसी हुवणे सिखती जई, ते सेर्फ आलसी कोनी, पर बक-बक करतीया रिही ते नेरा चे कामा मां टांका अड़ावी ते बेफालतु चा बाता ब़ोली।

तीतुस 3:14

ते अम्चे लौक वी जरुरता नु पुरीया करने वास्ते पुरे मना लारे आच्छे कामा मां लाग़ले रेहणे सिखो ताकि निक्‍कमे ना रिहो।

फिलेमोन 1:6

मैं प्राथना करे पला कि विश्‍वास मां दुधे सहभागी हुवणे, तम्ची सारी भलाई ची पिछाण मां, मसीह चे वास्ते प्रभावशाली हो।

इब्रानियां 6:12

तम्ही आलसी ना बणा, बल्कि वांचे कदमा उपर चला जको विश्‍वास ते सब्रा लारे वायदे चे वारिस छी।

2 पतरस 1:2

नरीकारा ची ओर ते अम्चे प्रभु ईशु ची पिछाण चे जरिये अनुग्रह ते शान्ति तम्चे मां घणी सारी बधती जाओ।

2 पतरस 1:3

आपणे जीवन चे वास्ते ते नरीकारा ची सेवा चे वास्ते जको कोच्छ अम्हानु चाही छै, आपणी ईश्‍वरीय सामर्थ चे जरिये ओणे अम्हानु सब कोच्छ ङिले। कांकि अम्ही ओनु जाणु, जेह्णे आपणी धार्मिकता ते महिमा ची वजह अम्हानु हकारले।

2 पतरस 2:20

जब वे प्रभु ते उद्धारकर्ता ईशु मसीह ची पिछाण चे जरिये संसारा ची कई तरह ची अशोद्धता कनु बचती निकलो, ते बल्ति वांचे मां फसती कर हारती गेले, तां वांची दशा पेहली कनु वी बुरी हुती गेली छै।

2 पतरस 3:18

पर अम्चे प्रभु ते उद्धारकर्ता ईशु मसीह चे अनुग्रह ते पिछाण मां बधते जावा। ओची महिमा हमा वी हो ते युगानयुग तक हुती रिहो, आमीन।