2 पतरस 1:5 - ओङ राजपूत

⁵ ऐवास्ते तम्ही पुरी लगन लारे यतन करते रिहा कि तम्चा विश्‍वासा नु बधा सग़ा, विश्‍वासा उपर सदगुण, सदगुणा उपर समझ,

2 पतरस 1:5 ပူးပေါင်းရင်းမြစ်များ

लूका 16:26

ते यां सारीया बाता नु छोड़ती अम्चे ते तम्चे बीच मां हेक बङा खङा ठहराला गेला छै कि जको इठु ओस पार तम्चे गोढु जाणे चाहवे, वे ना जा सग़ी, ते ना कुई उठु ऐ पार अम्चे गोढु आ सग़े।’

लूका 24:21

पर अम्हानु आस हुती कि हाओ इस्राएल नु छुटकारा ङिही, ते यां सारीया बाता चे सिवाय ये घटना नु हुले तीजा ङिओ छै।

यूहन्‍ना 6:27

ओ खाणे वास्ते मेहनत ना करा जको सड़ती जाये, बल्कि ओ खाणे वास्ते जत्तन करा जको सदा वास्ते बणला रिही ते अनन्त जीवन ङिही, ते जानु मैं इन्सान चा पूत ङिही। कांकि ब़ा नरीकारा ने आपणी छाप माये उपर लाली।”

1 कुरिन्थियां 14:20

हे माये भऊ, तम्ही समझदारी मां ब़ाले ना बणा। बल्ति वी बुराई मां तां ब़ाले रिहा, पर समझदारी मां सियाणे बणा।

इफिसियां 5:17

बैवकूफ ना बणा ध्यानारीत रीत समझा कि प्रभु ची मर्जी का छै,

फिलिप्पियां 1:9

मैं हाओ प्राथना करता रिहे कि आपस मां तम्चा सच्‍चा प्रेम, ज्ञान, ते पुरी समझ सहित ओर वी बधता जाओ,

फिलिप्पियां 2:12

ऐवास्ते हे प्यारे, तम्ही जिंवे माई आज्ञा चा पालन करते जिसे बेले मैं तम्चे लारे हुता हमा जबकि मैं तम्चे लारे कोनी, तां हमा तम्ही होर ज्यादा लगन लारे वांचा पालन करा। नरीकारा चे प्रति आज्ञाकारी ते पुरे कद्दर-भाव लारे आपणे उद्धार नु पूरा करने वास्ते तम्ही काम करते जावा।

फिलिप्पियां 4:8

हे भऊ ते ब़ेहणीया, जको-जको बाता सच्‍च छी, ते जको-जको बाता आदरमान चा छी, ते जको-जको बाता वाजिब छी। ते जको-जको पवित्र छी,ते जको-जको बाता सुहावनीया छी, ते जको-जको बाता मन भावनीया छी। यानि जको सदगुण ते प्रशंसा चीया बाता छी, वांचे उपर ध्यान लाले करा।

कुलुस्सियां 1:9

ऐवास्ते जिसे ङिहां कनु ईं सुणले, अम्ही वी तम्चे वास्ते हा प्राथना ते बिनती करने ना छोड़ु कि तम्ही सारे आत्मिक ज्ञान ते समझ समेत नरीकारा ची मर्जी ची पिछाण मां परिपूर्ण हुती जावा।

कुलुस्सियां 2:3

जाये मां दिमाक ते समझ चे सारे भण्डार लुकले आले छी।

इब्रानियां 11:6

ते बिना विश्‍वास चे नरीकारा नु खौश करने अनहोणे छै, कांकि नरीकारा चे गोढु आणे आले इन्साना वास्ते ईं जरुरी छै ऊं हा विश्‍वास करो कि नरीकार छै ते ईं वी कि ओ वानु प्रतिफल ङिये, जको ओची खोज करी।

इब्रानियां 12:15

ध्यान राखा कि कुई वी नरीकारा चे अनुग्रह कनु वंचित ना रेहती जाओ, जा तम्चे मां कुई फूट ना पड़ती जाओ जको तम्हानु कष्ट ङियो ते ब़ोहता चे अशुद्ध हुवणे ची वजह बणो।

इब्रानियां 6:11

पर अम्ची हाओ इच्छा छै कि तम्चे महु हर हेक जणे अन्त तक इसड़ा ही यतन करते रिहो, ताकि तम्ही ओनु पक्‍के गे सग़ा जाई तम्हानु आस छै।

1 पतरस 3:7

यूंही हे घराआले, तम्ही वी समझदारी लारे घराआलीया लारे जीवन बितावा। ते असतरीया नु निर्बल चीज जाणती कर वांचा कद्दर करा, हा समझती कर कि अम्ही ङोनी जीवन चे वरदान चे वारिस छिऊं, जाये कनु तम्चीया प्राथना रुकती ना जाओ।

2 पतरस 1:10

ऐ वजह कनु हे माये भऊ, ईशु चे हकारले आले, ते चुणले आले ते पक्‍के करले आले तां तम्ही कोशिस करते रिहा, कांकि इसड़े करने लारे तम्ही कङी वी ठोकर नी खावा।

2 पतरस 1:11

बल्कि यूं करती तम्ही अम्चे प्रभु ते उद्धारकर्ता ईशु मसीह चे अनन्त राज़ मां बङे कद्दरा लारे स्वागत करला जई।

2 पतरस 3:14

ऐवास्ते, हे माये प्यारे भऊ जबकि तम्ही यां बाता ची आस ङेखा पले तां जत्तन करा कि तम्ही शान्ति लारे ओचे सामणे बेदाग ते बेकसूर ठहरा।

2 पतरस 3:18

पर अम्चे प्रभु ते उद्धारकर्ता ईशु मसीह चे अनुग्रह ते पिछाण मां बधते जावा। ओची महिमा हमा वी हो ते युगानयुग तक हुती रिहो, आमीन।