2 यूहन्‍ना 1:3 - ओङ राजपूत

³ नरीकार ब़ा, ते ब़ा चा पूत ईशु मसीह ची ओर कनु अनुग्रह ते दया ते शान्ति, सच्‍चाई ते प्रेम अम्चे लारे रिहे।

2 यूहन्‍ना 1:3 ပူးပေါင်းရင်းမြစ်များ

रोमियां 1:7

वां सारा चे नांवे जको रोम मां नरीकारा चे प्यारे ते पवित्र हुवणे वास्ते हकारले गेले। अम्चा ब़ा नरीकार ते प्रभु ईशु मसीह ची ओर कनु तम्हानु अनुग्रह ते शान्ति मिलती रिहो।

गलातियां 5:6

मसीह ईशु मां ना खतना ते ना बिना खतना कुई कामा चा छै, पर सेर्फ विश्‍वास, जको प्रेम चे जरिये असर नाखे।

1 तीमुथियुस 1:14

ते अम्चे प्रभु चा अनुग्रह ओ विश्‍वास ते प्रेम चे लारे जको ईशु मसीह मां छै, ब़ोहत ज्यादा हुला।

1 तीमुथियुस 1:2

तीमुथियुस चे नांवे जको विश्‍वास मां माया सच्‍चा पूत छै। ब़ा नरीकार, ते अम्चे प्रभु ईशु मसीह ची ओर कनु, तनु अनुग्रह, ते दया, ते शान्ति मिलती रिहो।

2 तीमुथियुस 1:13

जको खरिया बाता, तु माये कनु सुणलीया वानु ओ विश्‍वास ते प्रेम चे लारे जको ईशु मसीह मां छै, आपणे खौद्द चे वास्ते नमुना बणाती कर राख।

1 यूहन्‍ना 4:10

सच्‍चा प्रेम ऐचे मां कोनी कि अम्ही नरीकारा लारे प्रेम करला, पर ऐचे मां छै, कि ओणे अम्चे लारे प्रेम करला, ते अम्चे पापा चे प्रायश्‍चित चे वास्ते आपणे पूता नु भेज़ले।

2 यूहन्‍ना 1:1

मैं यहून्‍ना, कलीसिया चा अग़ुवा हा चिठ्ठी वांचे नांवे लिखे पला। वा चुणली आली असतरी ते विचे ब़ाला चे नांवे, जाये लारे मैं सच्‍चा प्रेम राखे, ते सेर्फ मैं ही कोनी बल्कि वे वी सारे प्रेम राखी जको सच्‍चाई नु जाणी।