2 कुरिन्थियां 9:8 - ओङ राजपूत

⁸ नरीकार हर तरह ची दया तम्हानु घणी सारी ङियो। जाये कनु हर बाते मां ते हर समय, सब कोच्छ, जको तम्हानु जरुरी हो, तम्चे कनु रिहो, ते हर हेक भले कामा वास्ते तम्चे कनु ब़ोहत कोच्छ हो।

2 कुरिन्थियां 9:8 ပူးပေါင်းရင်းမြစ်များ

प्रेरितां चे काम 9:36

याफा मां तबीता नांवा ची हेक विश्‍वासनी रेहती, जानु यूनानी भाषा मां दोरकास किही जाया मतलब हरणी हुवे। वा ब़ोहत सारे भले-भले काम ते दान करती रेहती।

1 कुरिन्थियां 15:58

ऐवास्ते हे प्यारे भऊ, मजबूत ते अटल रिहा, ते प्रभु चे कामा मां सदा बधते जावा, तम्ही ईं जाणा, तम्ची मेहनत प्रभु मां बेकार कोनी।

2 कुरिन्थियां 13:3

तम्ही तां ऐचा सबूत चाहवा कि मसीह माये मां ब़ोले। ओ तम्चे वास्ते कमजोर कोनी, पर तम्चे मां सामर्थी छै।

2 कुरिन्थियां 8:19

ते इतने ही कोनी, पर ओ कलीसिया चे जरिये ठहराला वी गेला कि ये दान चे कामा वास्ते अम्चे लारे जाओ ते अम्ही हा सेवा ऐवास्ते करु, कि प्रभु ची महिमा ते अम्चे मना ची तियारी प्रकट हुती जाओ।

2 कुरिन्थियां 8:2

कि क्लेश ची बङी परीक्षा मां वांची बङी खुशी, ते भारी कंगाली मां हेक हुती कर वांची उदारता ब़ोहत बधती गेली।

2 कुरिन्थियां 8:7

पर जिंवे हर बाते मां यानिकि विश्‍वास, वचन, ज्ञान ते हर-तरहा ची कोशिस मां, ते ओ प्रेम मां, जको अम्चे लारे राखा, बधते जावा पले, यूहीं ऐ दान चे कामा मां वी बधते जावा।

2 कुरिन्थियां 9:11

तम्ही हर बाते मां हर-तरहा ची उदारता चे वास्ते जको अम्चे जरिये नरीकारा चा धन्यवाद करवावे, धनवान करले जावा।

इफिसियां 2:10

कांकि अम्ही ओचे बणाले आले छिऊं, ईशु मसीह मां भले कामा वास्ते बणाले गेले छिऊं। नरीकारा ने अम्हानु पेहले कनु तियार करले। के अम्ही ऊं करते हुले आपणी जीन्दगी बिताऊं।

इफिसियां 3:20

हमा जको इसड़ा सामर्थी छै, कि अम्ची बिनती ते समझ कनु कहीं ज्यादा काम कर सग़े, वे सामर्थ चे अनुसार जको अम्चे मां काम करे,

फिलिप्पियां 4:11

हा कोनी कि मैं आपणी कमी चे अनुसार किहे। कांकि जिसी दशा मां मैं रिहे मैं सब्र करने सिखती गेले।

कुलुस्सियां 1:10

ताकि तम्चा चाल-चलन प्रभु चे लायक हो, ते ओह सारे प्रकार कनु खौश हो, ते तम्चे हर-प्रकार चे भले कामा चा फल लाग़ो, ते नरीकारा चे ज्ञान मां बढ़ते जावा।

2 थिस्सलुनीकियां 2:17

तम्चे मना मां शान्ति ङियो, ते तम्हानु हर हेक आच्छे काम, ते वचन मां पक्‍के करो।

2 तीमुथियुस 2:21

अगर कुई आपणे आप नु बुराईया कनु शोद्ध करी, ते ऊं कद्दर चे ठां, ते पवित्र बणले रिही, ते मालिका चे कामे आवी, ते हर भले कामा चे वास्ते तियार हुवी।

2 तीमुथियुस 3:17

ताकि नरीकारा चा जण सेद्ध बणो, ते हर हेक भले कामा वास्ते तियार हुती जाओ।

तीतुस 2:14

जेह्णे आपणे आप नु अम्चे वास्ते ङिती ङिले, कि अम्हानु हर-तरहा चे अधर्म कनु छुड़ाती गिहो, शोद्ध करती आपणे वास्ते हेक इसड़ी जाति बणाती गिहो जको भले-भले कामा मां तियार हो।

तीतुस 3:14

ते अम्चे लौक वी जरुरता नु पुरीया करने वास्ते पुरे मना लारे आच्छे कामा मां लाग़ले रेहणे सिखो ताकि निक्‍कमे ना रिहो।

तीतुस 3:8

हा बात सच्‍च छै, ते मैं चाहवे कि तु यां बाता चे बारे मां मजबूती लारे ब़ोल ऐवास्ते कि जेह्णे नरीकारा चा भरोसा करला, वे भले कामा मां लाग़ले रेहणे चा ध्यान राखो, ये बाता भलीया, ते बन्दा चे फायदे चा छी।

1 पतरस 4:10

जानु जको वरदान मिड़ला आला छै, ऊं वानु नरीकारा चे हर-तरहा चे अनुग्रह चे भले भण्डारी आलीकर हेके ङुजे ची सेवा मां लाओ।