2 कुरिन्थियां 9:6 - ओङ राजपूत

⁶ पर बात तां हा छै कि, जको थोड़े राहवे ऊं थोड़े ही बाढी, ते जको घणे राहवे, ऊं घणे बाढी।

2 कुरिन्थियां 9:6 ပူးပေါင်းရင်းမြစ်များ

लूका 6:38

ङुजे लौका नु ङिले करा तां तम्हानु वी ङिले जई। लौक पुरी नाप मंडती-मंडती ते हलाती-हलाती कर ते उभरता हुला तम्ची गोङी मां नाखे, कांकि जिसी नाप लारे तम्ही नापा, वेही नाप लारे तम्चे वास्ते वी नापले जई।”

1 कुरिन्थियां 1:12

माये केहणे चा मतलब हा छै कि तम्ची हर-हेक ची मत्त अलग़ छै, कुई किहे, “मैं पौलुस चा चैला छै,” ते कुई किहे, “मैं अपुल्‍लोस चा,” ते कुई, “मैं पतरस चा,” ते कुई किहे, “मैं मसीह चा चैला छै।”

1 कुरिन्थियां 15:20

पर सच्‍चमां मसीह मुड़दा महु जीता ऊठला, ते जको नूहती रेहले वांचे महु, ओ पेहला फल हुला।

1 कुरिन्थियां 7:29

हे माये भऊ, मैं ईं किहे पला कि समय कम छै। ऐवास्ते हमा कनु वे जको परनीले आले छी इसड़े रिहो मनती गिहो अणपरनीले छी।

2 कुरिन्थियां 9:10

ओ नरीकार जको राहवणे आले नु बीज, ते खाणे वास्ते रोटी ङिये, ओही तम्हानु बीज वी ङिही, ते ओनु फलवन्त करी, ते तम्चे धार्मिकता चे फला नु बधावी।

2 कुरिन्थियां 9:5

ऐवास्ते मैं भावां कनु हा विनती करने जरुरी समझले कि वे पेहले ही तम्चे गोढु जाओ, ते ओ उदारता चा फल जाये बारे मां पेहले कनु ही वचन ङिला गेलता ला, तियार करती कर राखो, कि हा काये दब़ाव चे वजह कोनी पर उदारता चे फला आलीकर तियार हो।

गलातियां 3:17

पर मैं किहे जको वाचा नरीकारा ने पेहले पक्‍की करली तां विनु चार साओ त्रीस साल बाद आणे आले मूसा ची व्यवस्था ना टाल सग़ली ते ना ही वायदा बेकार ठहरा सग़ली।

गलातियां 5:16

पर मैं किहे पला, तम्ही पवित्र आत्मा चे अनुसार चला, तां तम्ही शरीरा ची बुरी लालसा उपर काबु कर सग़ा।

इफिसियां 4:17

ऐवास्ते मैं किहे पला ते प्रभु नु ग़वाह बणाती कर तम्हानु चिताती कर किहे पला कि जिंवे नेरीया जातिया चे लौक आपणे मना ची बेकार रीति उपर चली यूंही तम्ही ना चला।

कुलुस्सियां 2:4

ईं मैं ऐवास्ते किहे, कि कुई बन्दे तम्हानु लुभावणे आलीया बाता कनु धोक्‍का ना ङियो।

इब्रानियां 6:10

नरीकार अन्यायी कोनी, कांकि तम्चे काम ते ओ प्रेम नु भूलती ना जई, जको तम्ही ओचे नांवा वास्ते ओचे लौका ची सेवा करली ते करा वी पले।