2 कुरिन्थियां 9:13 - ओङ राजपूत

¹³ तम्ची ये सेवा नु सबूत मनती कर वे नरीकारा ची महिमा करे, कांकि तम्ही मसीह चे सुसमाचार ची आज्ञा मनते हुले स्वीकार करले ते तम्ही नरीकारा चे लौका वास्ते ते सब ची सहायता करने मां उदारता ङिखाणली।

2 कुरिन्थियां 9:13 ပူးပေါင်းရင်းမြစ်များ

मत्ती 5:16

यूंही तम्चे सोज़ले बन्दा चे सामणे चमको, वे तम्चे भले कामा नु ङेखती कर तम्चे ब़ा नरीकारा ची महिमा करो जको स्वर्ग़ा मां छै।

मत्ती 9:8

लौक ईं ङेखती कर ङरती गेले ते नरीकारा ची महिमा करु लाग़ले, जेह्णे इन्साना नु इसड़ा अधिकार ङिला।

लूका 6:46

“जब तम्ही माये केहणे ना मना तां का मनु ‘हे प्रभु, हे प्रभु,’ किहा?

यूहन्‍ना 15:8

माये ब़ा ची महिमा ऐचे लारे हुवे, कि तम्ही घणा सारा फल आणा, तब ही तम्ही माये चैले किहवावा।

प्रेरितां चे काम 11:18

ईं सुणती कर, वे चोप रेहले ते नरीकारा ची बढ़ाई करती किहुं लाग़ले, “बल्ति तां नरीकारा ने नेरीया जातिया नु वी जीवन वास्ते मन फिराव चा दान ङिला।”

प्रेरितां चे काम 4:21

बल्ति वाणे वानु धमकाती कर छोड़ती ङिले, कांकि लौका ची वजह वानु ङण्ड ङेणे चा कुई वजह ना मिड़ला, ऐवास्ते कि जको वारदात हुली हुती ओची वजह कनु सब लौक नरीकारा ची बढ़ाई करी पलते।

रोमियां 10:16

पर सब ने ओ सुसमाचार उपर कान कोनी लाले। यशायाह भविष्यवक्‍ता किहे, “हे प्रभु, केहणे अम्चे समाचारा उपर विश्‍वास करला?”

रोमियां 12:8

जानु होंसला ब़न्धावणे चा वरदान मिड़ला, ओ होंसला ब़न्धाता रिहो, ते दान ङेणे आला खुले मना लारे दान करो, जको अगुवाई करे, ओ लगन लारे करो, जको दया करे, ओ खुशी लारे करो।

रोमियां 15:31

प्राथना करा कि मैं यहूदिया प्रदेस चे अविश्‍वासी लौका कनु बचला रिहे, ते माई वा सेवा जको यरुशलेम वास्ते छै, उठले नरीकारा चे लौका नु भाओ,

रोमियां 16:26

पर हमा प्रकट हुती कर सनातन नरीकारा ची आज्ञा लारे भविष्यवक्‍ता चीया किताबा चे जरिये सब जातिया नु बावड़ला गेला कि वे विश्‍वासा लारे आज्ञा मनणे आले हुती जाओ।

2 कुरिन्थियां 10:5

ऐवास्ते अम्ही विचारा नु, ते हर हेक ऊंची बाते नु, जको नरीकारा ची पिछाण चे विरोध मां उठे, ढाती नाखु, ते हर हेक भावना नु कैद करती कर मसीह चा आज्ञाकारी बणाती ङिऊं।

2 कुरिन्थियां 2:12

जिसे बेले मैं मसीह चा सुसमाचार सुणावणे वास्ते त्रोआस मां आला, तब प्रभु ने माये वास्ते हेक दरवाजे खोलती ङिले।

2 कुरिन्थियां 8:4

ऐ दाना मां ते नरीकारा चे लौक जको यहूदिया प्रदेस मां छी वांची सेवा मां भईवाल हुवणे चे अनुग्रह चे बारे मां अम्चे कनु बार-बार ब़ोहत विनती करली।

2 कुरिन्थियां 9:14

ते वे तम्चे वास्ते प्राथना करते रिही, ते कांकि तम्चे उपर नरीकारा ची बङी ही दया हुली, तम्ची लालसा करते रिही।

गलातियां 1:24

ते वे माई वजह कनु नरीकारा ची स्तुति करते।

1 तीमुथियुस 6:12

विश्‍वास चे सुसमाचार चे वास्ते आच्छी कुश्ती लड़, ते ओ अनन्त जीवन नु घालती गे, जाये वास्ते तु हकरवाला गेला, ते घणे ग़वाह चे सामणे मनले हुते।

1 तीमुथियुस 6:13

मैं तनु नरीकारा मां जको सारा नु जीवन ङिये, ते ईशु मसीह नु ग़वाह करती कर जेह्णे पुन्तियुस पिलातुस चे सामणे आच्छी ग़वाही ङिली, मैं वांची मौजुदगी मां तनु हा आज्ञा ङिये पला,

इब्रानियां 10:23

हमा अम्ही बिना कुई शक्‍क चे आपणी वे आस मां अटल रिहुं, जको अम्ही स्वीकार करली, कांकि जेह्णे वायदा करला ओ विश्‍वास योग्य छै।

इब्रानियां 13:16

भलाई करने ते चीजा चा आपस मां मिलती कर बाटणे ना छोड़ा कांकि ये इसड़े बलिदान छै, जको नरीकारा नु खौश करे।

इब्रानियां 3:1

ऐवास्ते, हे माये विश्‍वासी भऊ, तम्ही जको स्वर्ग़ीय ब़ुलावे मां भईवाल छिवा, ईशु उपर ध्यान ङिया, जको अम्चे वास्ते नरीकारा चा प्रेरित ते महायाजक छै।

इब्रानियां 4:14

ऐवास्ते जब नरीकारा चा पूत ईशु हेक इसड़ा महान महायाजक, जको स्वर्ग़ा मां गेला, जको अम्ही मनती गेले, ओचे मां विश्‍वास मां मजबूत बणले रिहुं।

इब्रानियां 5:9

ते सेद्ध बणती कर ओ खौद्द वां सब वास्ते जको ओची आज्ञा चा पालन करी अनन्त काल वास्ते उद्धार ची वजह बणती गेला।

1 पतरस 2:9

पर तम्ही तां हेक चुणला आला वंश, ते राज़ पदधारी, याजका चा हेक समाज, ते पवित्र लौक, ते हेक इसड़ा झोण्ड जको नरीकारा चा आपणा छै, ताकि तम्ही नरीकारा चे महान कामा ची घोषणा कर सग़ा जेह्णे तम्हानु अन्धारे महु काढ़ती कर अदभोत सोज़ले मां हकारले। ओचे गोण उजागर करा। जिंवे पवित्रशास्त्र मां लिखले पले,

1 पतरस 4:11

अगर कुई ब़ोलो, तां इसड़े ब़ोलो मना नरीकारा चा वचन छै, अगर कुई सेवा करे, तां वे ताकती लारे करो जको नरीकार ङिये, जाये मां सारीया बाता ईशु मसीह चे जरिये, नरीकारा ची महिमा प्रकट हो। महिमा ते साम्राज्य युगानयुग ओचा छै। आमीन।