2 कुरिन्थियां 8:7 - ओङ राजपूत

⁷ पर जिंवे हर बाते मां यानिकि विश्‍वास, वचन, ज्ञान ते हर-तरहा ची कोशिस मां, ते ओ प्रेम मां, जको अम्चे लारे राखा, बधते जावा पले, यूहीं ऐ दान चे कामा मां वी बधते जावा।

2 कुरिन्थियां 8:7 ပူးပေါင်းရင်းမြစ်များ

मत्ती 25:22

“ते जानु ङोन घड़े मिड़ले हुते, ओणे वी आती कर केहले, ‘हे मालिक, तु मनु तां ङोन घड़े सोंपले हुते, ङेख, मैं ङोन घड़े नेरे कमाले।’

रोमियां 15:14

हे माये भऊ, मैं आप वी खौद्द तम्चे बारे मां पक्‍के ही जाणे कि, तम्ही आप ही भलाई लारे भरीले आले छिवा ते ज्ञान मां भरपूर छिवा ताकि हेके-ङुजे नु समझा सग़ा।

1 कुरिन्थियां 1:5

कांकि ओचे मां हुती कर तम्ही हर बाते मां यानि ब़ोलणे ते सारे ज्ञान मां मजबूत करले गेले,

1 कुरिन्थियां 12:13

कांकि अम्ही सारा ने का यहूदी हो, का यूनानी, का दास, का आजाद, हेक ही पवित्र आत्मा चे जरिये हेक शरीर हुवणे वास्ते बपतिस्मा गेहला, ते अम्चे सब मां हेक ही पवित्र आत्मा बसणे वास्ते आला।

1 कुरिन्थियां 12:8

कांकि हेक नु पवित्र आत्मा चे जरिये ब़ुध्दि चा बाता ङिलीया जई ते ङुजे नु पवित्र आत्मा चे अनुसार ज्ञान चा बाता।

1 कुरिन्थियां 13:2

ते अगर मैं भविष्यवाणी कर सग़े, ते सारे भेद ते सब तरह चे ज्ञान नु समझे, ते माया विश्‍वास इसड़ा मजबूत हो कि माये वचना लारे पहाड़ आपणी जग़हा कनु हटती जाओ, पर प्रेम ना राखे, तां मैं कोच्छ वी कोनी।

1 कुरिन्थियां 13:8

प्रेम अनन्त काल चा छै। पर भविष्यवाणीया थोड़े समय वास्ते छी, नेरीया भाषा ब़ोलणे चा वरदान खत्तम हुती जाये, ज्ञान चा वरदान हो, तां मिटती जई।

1 कुरिन्थियां 14:12

ऐवास्ते तम्ही वी जब आत्मिक वरदाना ची धोन्‍न मां छिवा, तां इसड़ा यतन करा कि तम्चे वरदाना ची बढोतरी लारे कलीसिया ची आत्मिक बढोतरी हो।

1 कुरिन्थियां 4:7

कूण किहे कि तम्ही नेरा कनु श्रेष्ट छिवा? छै का तम्चे कनु, जको तम्हानु काये जरिये ङिले ना गेले हो, जब ईं तम्हानु काये जरिये ही ङिले गेले? तां तम्ही घमण्डा मां कां भरीजा, मनती गिहा कि ईं तम्हानु काये जरिये कोनी ङिले गेले?

2 कुरिन्थियां 7:7

ते ना सेर्फ ओचे आणे लारे पर ओची वे तसल्‍ली लारे वी, जको ओनु तम्चे तरफु मिड़ली हुती। ते ओणे तम्ची इच्छा, ते तम्चे ङोख ते माये वास्ते तम्ची धोन्‍न चा समाचार अम्हानु सुणाला, जाये कनु मनु होर वी खुशी मिड़ली।

2 कुरिन्थियां 8:6

ऐवास्ते अम्ही तीतुस नु समझाले, कि जिंवे ओणे दान चे काम ची शुरु मां करने सहायता करली हुती, यूंही तम्चे बीच मां ओ काम पूरा करने मां सहायता करो।

2 कुरिन्थियां 9:14

ते वे तम्चे वास्ते प्राथना करते रिही, ते कांकि तम्चे उपर नरीकारा ची बङी ही दया हुली, तम्ची लालसा करते रिही।

2 कुरिन्थियां 9:8

नरीकार हर तरह ची दया तम्हानु घणी सारी ङियो। जाये कनु हर बाते मां ते हर समय, सब कोच्छ, जको तम्हानु जरुरी हो, तम्चे कनु रिहो, ते हर हेक भले कामा वास्ते तम्चे कनु ब़ोहत कोच्छ हो।

इफिसियां 4:29

कोच्छ गन्दी बात ना ब़ोला जको ब़ोला आच्छे ब़ोला ते जको नेरा वास्ते आशीष ची वजह हो।

फिलिप्पियां 1:11

धार्मिकता चे आच्छे गोण जको ईशु मसीह कनु मिले ओचे लारे तम्ही भरीले रिहा जाये कनु नरीकारा ची महिमा ते स्तुति हुती रिहो।

फिलिप्पियां 1:9

मैं हाओ प्राथना करता रिहे कि आपस मां तम्चा सच्‍चा प्रेम, ज्ञान, ते पुरी समझ सहित ओर वी बधता जाओ,

2 थिस्सलुनीकियां 1:3

हे माये भऊ, तम्चे बारे मां अम्हानु हर समय नरीकारा चा धन्यवाद करना चाही छै, ते ईं ठीक वी छै, ऐवास्ते कि तम्चा विश्‍वास घणा बढ़ता जाये पला, ते तम्चा सब प्रेम आपस मां घणा ही बढ़ता जाये पला।

2 तीमुथियुस 2:1

ऐवास्ते ओ माये पूता चे समान तीमुथियुस। तु ओ अनुग्रह लारे जको ईशु मसीह मां छै, मजबूत हुती जा।

इब्रानियां 12:28

जिंवे अम्ही अविनाशी राज़ गेहला जको हली ना, ऐवास्ते आवा अम्ही नरीकारा चा भय मनते हुले, ओनु खौश करने आली भग़ती लारे अराधना करु।

1 पतरस 1:22

हमा ङेखा, जिसे बेले तम्ही सच्‍चाई चा पालन करते हुले, सच्‍चे भाईचारे चे प्रीति नु उजागर करने चे वास्ते आपणी आत्मा नु पवित्र करते गेले ते पवित्र मना लारे हेके ङुजे लारे प्रेम राखा।

2 पतरस 3:18

पर अम्चे प्रभु ते उद्धारकर्ता ईशु मसीह चे अनुग्रह ते पिछाण मां बधते जावा। ओची महिमा हमा वी हो ते युगानयुग तक हुती रिहो, आमीन।

प्रकाशितवाक्य 3:17

तु जको किही ‘मैं, धन्‍नी छै, ते धनवान हुती गेला, ते मनु कुई चीजी ची कमी कोनी।’ ते ईं ना जाणी कि बेकिस्मता ते तोच्छ ते कंगाल ते अन्धा ते उघाड़ा छी।