2 कुरिन्थियां 8:4 - ओङ राजपूत

⁴ ऐ दाना मां ते नरीकारा चे लौक जको यहूदिया प्रदेस मां छी वांची सेवा मां भईवाल हुवणे चे अनुग्रह चे बारे मां अम्चे कनु बार-बार ब़ोहत विनती करली।

2 कुरिन्थियां 8:4 ပူးပေါင်းရင်းမြစ်များ

मत्ती 10:42

जको कुई यां छोटा महु हेके नु माया चैला जाणती कर सेर्फ हेक मुंगर ठाडे पाणी पिलावे, मैं तम्हानु सच्‍च किहे पला, ओ किसी रीति लारे आपणा प्रतिफल नी गुंवी।”

मत्ती 12:50

कांकि जको कुई माये ब़ा ची जको स्वर्ग़ा मां छै, ओची इच्छा उपर चले, वे ही माये भऊ, ते ब़ेहण, ते माई आई छै।”

मत्ती 25:40

“तब राजा वानु उत्तर ङी, ‘मैं तम्हानु सच्‍च किहे पला कि तम्ही जको माये यां छोटे कनु छोटे भावां महु कुई हेके लारे करले, ऊं माये ही लारे करले।’

मरकुस 14:7

कंगाल तम्चे लारे सदा रिही, ते तम्ही जब चाहवा तब वांची भलाई कर सग़ा, पर मैं तम्चे लारे सदा नी रिही।

प्रेरितां चे काम 11:29

बल्ति चैला ने फैंसला करला कि हर हेक आपणी-आपणी पूंजी चे अनुसार यहूदिया प्रदेस मां रेहणे आले विश्‍वासी भावां ची मदत वास्ते कोच्छ भेज़ु।

प्रेरितां चे काम 16:15

विणे आपणे कुणम्बे समेत बपतिस्मा गेहला, ते विणे विनती करली, “अगर तम्ही मनु प्रभु ची विश्‍वासण समझा तां चालती कर माये घरा मां रिहा।” ते वा अम्हानु राजी करती कर गेहती गेली।

प्रेरितां चे काम 24:17

“कई साल गुजरने चे बाद मैं आपणे लौका नु दान ङेणे वास्ते ते मन्दरा मां बलि चढ़ाणे वास्ते यरुशलेम आला।

रोमियां 15:31

प्राथना करा कि मैं यहूदिया प्रदेस चे अविश्‍वासी लौका कनु बचला रिहे, ते माई वा सेवा जको यरुशलेम वास्ते छै, उठले नरीकारा चे लौका नु भाओ,

1 कुरिन्थियां 16:1

हमा नरीकारा चे लौक जको यहूदिया प्रदेस मां छी वांची सहायता वास्ते दान चे बारे मां जको आज्ञा मैं गलातिया प्रदेस ची कलीसिया नु ङिली हुती, वे आज्ञा चा पालन तम्ही वी करा।

1 कुरिन्थियां 16:15

हे माये भऊ, तम्ही स्तिफनास चे घराणे नु जाणा कि ओ अखाया प्रदेस चा पेहला फल छै, ते नरीकारा चे लौका ची सेवा वास्ते तियार रिहे।

2 कुरिन्थियां 9:1

हमा वे सेवा चे बारे जको यहूदी प्रदेस मां नरीकारा चे लौका वास्ते करली जाये, मनु तम्चे वास्ते लिखणे जरुरी कोनी।

गलातियां 2:10

ब़स ईं केहले कि तम्ही कंगाला ची सुधि करजा, ईं काम करने वास्ते मैं आप वी खौद्द यतन करता रेहता।

गलातियां 6:10

ऐवास्ते जिठे तक मौका मिले अम्ही सारा लारे भलाई करु इठे तक कि खास करती आपणे विश्‍वास करने आला भावां लारे।

1 तीमुथियुस 5:10

ते भले कामा मां सरनाम रेहली हो, जेह्णे ब़ाला चा पालन पोसण करला हो, मेहमाना ची सेवा करली हो, प्रभु चे पवित्र लौका चे पग़्ग़ धोले हो, ङुखीया ची सहायता करली हो, ते हर हेक भले कामा मां मन लाले हो।

इब्रानियां 6:10

नरीकार अन्यायी कोनी, कांकि तम्चे काम ते ओ प्रेम नु भूलती ना जई, जको तम्ही ओचे नांवा वास्ते ओचे लौका ची सेवा करली ते करा वी पले।