2 कुरिन्थियां 8:1 - ओङ राजपूत

¹ हमा हे माये भऊ, अम्ही तम्हानु नरीकारा चे ओ अनुग्रह चा समाचार ङिऊं पले, जको मकिदुनिया चीया कलीसिया चे उपर हुले।

2 कुरिन्थियां 8:1 ပူးပေါင်းရင်းမြစ်များ

मत्ती 25:22

“ते जानु ङोन घड़े मिड़ले हुते, ओणे वी आती कर केहले, ‘हे मालिक, तु मनु तां ङोन घड़े सोंपले हुते, ङेख, मैं ङोन घड़े नेरे कमाले।’

प्रेरितां चे काम 11:23

ओ ओठे पुज़ती कर, ते नरीकारा चे अनुग्रह नु ङेखती कर मगन हुला, ते सब नु उपदेश ङिला कि तन मन लाती कर प्रभु लारे मन लाली रिहा।

प्रेरितां चे काम 16:9

ओठे राती नु पौलुस ने हेके खाबा मां ङेखले कि हेक मकिदुनिया इलाके चा हेक जवान भिला आला, ओकनु हा विनती करे पला कि, “मकिदुनिया मां आती कर अम्ची सहायता कर।”

प्रेरितां चे काम 24:17

“कई साल गुजरने चे बाद मैं आपणे लौका नु दान ङेणे वास्ते ते मन्दरा मां बलि चढ़ाणे वास्ते यरुशलेम आला।

रोमियां 15:26

कांकि मकिदुनिया ते अखाया प्रदेस चे लौका नु ईं आच्छे लाग़ले कि, यरुशलेम चे नरीकारा चे लौक जको कंगाल छी वांचे वास्ते कोच्छ चंद ङिहें।

1 कुरिन्थियां 15:10

पर मैं जको कोच्छ वी छै, नरीकारा चे अनुग्रह लारे छै। ते ओचा अनुग्रह जको माये उपर हुला, ओ बेकार कोनी हुला। पर मैं वां सबकनु बधती कर मेहनत वी करली तां वी ईं माये तरफु कोनी हुले पर नरीकारा चे अनुग्रह लारे जको माये उपर हुता।

2 कुरिन्थियां 11:9

ते जब मैं तम्चे लारे हुता, ते मनु कमी पेशी हुली तां मैं काये उपर बोझ कोनी नाखला, कांकि भावां ने मकिदुनिया कनु आती कर माई जरुरता नु पुरे करले। मैं हर बाते मां आपणे आप नु तम्चे उपर बोझ हुवणे कनु रोकले, ते रोकली वी रिही।

2 कुरिन्थियां 9:12

कांकि ऐ दान ची सेवा नु पुरे करने लारे, ना सेर्फ नरीकारा चे लौका चा कमीया पुरीया हुवी, पर लौका ची ओर कनु नरीकारा चा ब़ोहत धन्यवाद हुवे।

2 कुरिन्थियां 9:2

कांकि मैं तम्चे मना ची तियारी नु जाणे, जाई वजह कनु मैं तम्चे बारे मां मकिदुनिया चे सामणे घमण्ड ङिखाणे, कि अखाया इलाके चे लौक हेक साला कनु तियार छी, ते तम्चे जोश ने घणा नु उभारले वी।

2 कुरिन्थियां 9:4

इसड़े ना हो कि, मकिदुनिया चे रेहणे आले माये लारे आओ, ते तम्हानु तियार ना ङेखो, ते का जाणे, ऐ भरोसे ची वजह कनु अम्हानु शर्मिन्दे हुवणे पड़ी, तम्हानु तां होर वी ज्यादा शर्मिन्दा हुवणे पड़ी।

इफिसियां 3:8

मैं सारे पवित्र लौका कनु छोटा छै, मनु हा वरदान मिड़ला कि मैं नेरीया जातिया मां जती कर मसीह चा बेशकीमती शान्ति चा धन चा सुसमाचार सुणावे।

कुलुस्सियां 1:29

ऐचे ही वास्ते मैं ओची वे शक्‍ति चे अनुसार जको माये मां सामर्थ चे लारे असर नाखे, तन मन लाती कर मेहनत वी करे।

1 थिस्सलुनीकियां 4:10

ते सारे मकिदुनिया चे सब भावां लारे इसड़े करा वी हुवा, पर हे माये भऊ ते ब़ेहणीया! अम्ही तम्हानु समझाऊं, कि नेरे वी प्रेम मां बधते जावा।