2 कुरिन्थियां 7:11 - ओङ राजपूत

¹¹ तां ङेखा, ईं ङोख जको नरीकारा ने ङिले, ओणे तम्चे मां कितनी इच्छा जग़ाती ङिली, ते प्रत्युतर, रीस, ङर, इच्छा, धोन्‍न ते बदला गेहणे चा विचार पैदा करती ङिला। तम्ही सारीया बाता मां हा साबित करती ङिले, कि तम्ही ये बाते मां बेकसूर छिवा।

2 कुरिन्थियां 7:11 ပူးပေါင်းရင်းမြစ်များ

मरकुस 3:5

ईशु ने वांचे मना ची कठोरता कनु उदास हुती कर, वानु क्रोध लारे चारो-तरफ ङेखले, ते ओ बन्दे नु केहले, “आपणा हाथ आग़ु बढ़ा।” ओणे बढ़ाला, ते ओचा हाथ ठीक हुती गेला।

यूहन्‍ना 2:17

बल्ति ओचे चैला नु चैता आला कि लिखले पले, “दुधे घरा ची धोन्‍न मनु खाली जाये।”

प्रेरितां चे काम 17:16

जिसे बेले पौलुस एथेंस शहरा मां सीलास ते तीमुथियुस चा इन्तजार करे पलता ला, ओ ईं ङेखती कर कि सारा शहर मूर्तिया लारे भरीला पला, आत्मा मां घणा ङुखी हुला।

रोमियां 11:20

हा सच्‍च बात छै, कि वे तां अविश्‍वास चे वजह भांलीया गेलीया, पर तु विश्‍वासा मां बणला रिही। ऐवास्ते घमण्डी ना हो, पर भय राख।

रोमियां 14:18

जको कुई ये रीति लारे मसीह ची सेवा करे, ऊं नरीकारा नु भावे ते इन्साने ओचा कद्दर करी।

रोमियां 3:5

ऐवास्ते अगर अम्चा अधर्म नरीकारा ची धार्मिकता ठहराती ङिये, ते अम्ही का किहुं? का ईं कि नरीकार जको क्रोध करे अन्यायी छै? ईं तां मैं इन्साना चे नजरीये लारे किहे पला।

1 कुरिन्थियां 12:25

कि शरीरा मां कुई फूट ना पड़ो, पर हर अंग हेके ङुजे चा ध्यान राखो।

1 कुरिन्थियां 5:13

ब़ाहरले लौका चा न्यां नरीकार करी, ऐवास्ते पवित्रशास्त्र मां लिखले पले, “ओ कुकर्मीया नु आपणे भीतरु काढ़ती छोड़ा।”

1 कुरिन्थियां 5:2

ते तम्ही अरमान तां ना करा, जाये कनु इसड़े काम करने आला तम्चे महु काढ़ला जईया, पर घमण्ड करा।

2 कुरिन्थियां 13:7

ते अम्ही आपणे नरीकारा कनु हा प्राथना करु कि तम्ही कुई बुराई ना करा, ऐवास्ते ना कि अम्ही भले ङिसु, पर ऐवास्ते कि तम्ही भलाई करा, चाहे अम्ही भले ही निक्‍कमे ठहरु।

2 कुरिन्थियां 2:6

इसड़े जणे वास्ते हा ङण्ड जको तम्हा भावां महु घणा ने ङिला, ब़ोहत छै।

2 कुरिन्थियां 6:4

पर हर बाते मां नरीकारा चे सेवका आलीकर आपणे आप नु आच्छे सेद्ध करते रिहुं, बङी हिम्मती लारे, क्लेशा लारे, कठिनाई लारे, संकटा लारे,

2 कुरिन्थियां 7:1

हे माये प्यारे भऊ, जबकि ये वायदे अम्हानु मिड़ले, तां आवा, अम्ही आपणे आप नु शरीर ते आत्मा ची सारी मलिनता कनु शोद्ध करु, ते नरीकारा चा भय मनते हुले पवित्रता नु सेद्ध करु।

2 कुरिन्थियां 7:7

ते ना सेर्फ ओचे आणे लारे पर ओची वे तसल्‍ली लारे वी, जको ओनु तम्चे तरफु मिड़ली हुती। ते ओणे तम्ची इच्छा, ते तम्चे ङोख ते माये वास्ते तम्ची धोन्‍न चा समाचार अम्हानु सुणाला, जाये कनु मनु होर वी खुशी मिड़ली।

2 कुरिन्थियां 7:9

हमा मैं खौश छै पर ऐवास्ते कोनी कि तम्हानु ङोख हुले, बल्कि ऐवास्ते कि तम्ही ओ ङुखा चे वजह मन फिराले। कांकि तम्चे ङोख नरीकारा ची इच्छा चे अनुसार हुते, कि अम्चे तरफु तम्हानु कुई बाते मां नुकसान ना पुज़ो।

2 कुरिन्थियां 9:2

कांकि मैं तम्चे मना ची तियारी नु जाणे, जाई वजह कनु मैं तम्चे बारे मां मकिदुनिया चे सामणे घमण्ड ङिखाणे, कि अखाया इलाके चे लौक हेक साला कनु तियार छी, ते तम्चे जोश ने घणा नु उभारले वी।

इफिसियां 4:26

गुस्सा तां करा लेकिन पाप ना करा, ङिओ थोवणे कनु पेहले तम्चा गुस्सा ठाडा हुती जाओ।

इफिसियां 5:11

अन्धकार चे कामा मां वांचा भईवाल ना हो बल्कि वानु चिताती ङिया।

फिलिप्पियां 2:12

ऐवास्ते हे प्यारे, तम्ही जिंवे माई आज्ञा चा पालन करते जिसे बेले मैं तम्चे लारे हुता हमा जबकि मैं तम्चे लारे कोनी, तां हमा तम्ही होर ज्यादा लगन लारे वांचा पालन करा। नरीकारा चे प्रति आज्ञाकारी ते पुरे कद्दर-भाव लारे आपणे उद्धार नु पूरा करने वास्ते तम्ही काम करते जावा।

1 थिस्सलुनीकियां 4:6

कि ये बाते मां कुई आपणे भावां नु ना ठग़्ग़ो, ते ना ओचे उपर कुई दाह चलाओ, कांकि प्रभु यां सारीया बाता चा बदला गेहणे आला छै, जिसड़े कि अम्ही पेहले ही तम्हानु केहले ते चिताले वी हुते।

1 तीमुथियुस 5:20

पाप करने आला नु सारा चे सामणे ङराती ङे, ताकि नेरे लौक वी ङरो।

2 तीमुथियुस 2:15

आपणे आप नु नरीकारा चे ग्रहण योग्य ते इसड़े काम करने आला ते हुवणे ची कोशिस कर, जको शर्मसार ना हो सग़ो, ते जको सच्‍चाई चे वचना नु सही तरीके चे लारे कामा मां आणता हो।

तीतुस 3:8

हा बात सच्‍च छै, ते मैं चाहवे कि तु यां बाता चे बारे मां मजबूती लारे ब़ोल ऐवास्ते कि जेह्णे नरीकारा चा भरोसा करला, वे भले कामा मां लाग़ले रेहणे चा ध्यान राखो, ये बाता भलीया, ते बन्दा चे फायदे चा छी।

इब्रानियां 4:1

ऐवास्ते जबकि ओचे विश्राम मां जाणे ची प्रतिज्ञा हमा तक छै, तां अम्हानु ङरणे चाही छै इसड़े ना हो कि तम्चे महु कुई जणे ओचे कनु रेहती ना जाओ।

याकूब 3:17

पर जको ज्ञान उपरु आवे पेहले तां ओ पवित्र रिहे बल्ति मेल-मिलाप, मुलायम ते मन-भावना ते दया, ते आच्छे फला लारे लङला आला ते बिना पक्षपात ते बिना कप्पट लारे हुवे।

1 पतरस 1:17

ते जिसे बेले तम्ही, “हे ब़ा,” केहती कर प्राथना करा, जको बिना पक्षपात हर हेके चे कामा चे अनुसार न्यां करी, ऐवास्ते ये दुनिया मां प्रदेसी हुवणे चा समय नरीकारा चा आदर करते हुले जीवन बितावा।

1 पतरस 2:2

नवें जमले आले ब़ाला आलीकर, शोद्ध आत्मिक ङूधा ची इच्छा राखा, ताकि ओचे जरिये तम्चा उद्धार ते बढ़ोतरी हो।

यहूदा 1:23

ङुजे लौका नु जाखते महु झपटती कर काढ़ती गिहा, वांचे उपर दया करते बेले चौकस रिहा। पर ओ ओढ़णा कनु वी नफरत करा जको शरीरा चे जरिये कलंकित हुती गेले।

प्रकाशितवाक्य 3:19

मैं जाये-जाये लारे प्रेम करे, वां सारा नु उलाहणा ते धमकाती ङिये। ऐवास्ते जोशिले हुते जावा ते मन फिरावा।