2 कुरिन्थियां 6:8 - ओङ राजपूत

⁸ आदर ते निरादार लारे, दुर्नाम ते सुनाम लारे, अम्हानु भरमाणे आले समझले जाये, जबकि अम्ही सच्‍च ब़ोलु।

2 कुरिन्थियां 6:8 ပူးပေါင်းရင်းမြစ်များ

मत्ती 10:25

चैले, गुरु चे ते दास चे मालिक चे बराबर हुवणे ही ब़ोहत छै। जब वाणे घरा चे मालिक नु शैतान, केहले तां ओचे घरा आला नु का कोच्छ नी किहे।

मत्ती 22:16

तां वाणे आपणे चैला नु हेरोदियां चे लारे, ओचे गोढु ईं केहणे वास्ते भेज़ले, “हे गुरु, अम्ही जाणु कि तु सच्‍चा छी, ते नरीकारा चा मार्ग़ सच्‍चाई लारे सिखावी, ते काई परवाह ना करी, कांकि तु इन्साना चे मुँह ङेखती कर बाता ना करी।

मत्ती 27:63

“हे महाराज, अम्हानु चैता छै कि ओ भरमाणे आले ने जिसे बेले जीता हुता केहले हुते, ‘मैं तीन ङिहां चे बाद जीता हुती जई।’

मरकुस 12:14

वाणे आतीकर ओनु केहले, “हे गुरु, अम्ही जाणु कि तु सच्‍चा छी, ते काई परवाह ना करी, कांकि तु इन्साना चे मुँह ङेखती कर बाता ना करी, पर नरीकारा चा मार्ग़ सच्‍चाई लारे बावड़ी। तां का कैसर नु कर् ङेणा वाजिब छै, जा कोनी?

यूहन्‍ना 7:12

ते लौका मैं ओचे बारे मां चोप-चोप करती ब़ोहत सारीया बाता हुलीया। कई किही पलते, “ओ भले मानस छै।” ते कहीं किही पलते, “ना, ओ लौका नु भरमावे।”

प्रेरितां चे काम 10:22

वाणे केहले, “कुरनेलियुस सूबेदार जको धर्मी ते नरीकारा कनु ङरणे आला ते सारी यहूदी जाति मां मनले आले बन्दे छै, ओणे हेक पवित्र स्वर्ग़दूता कनु हा आदेश गेहला, कि तनु आपणे घरे हकारती कर दुधे कनु उपदेश सुणो।”

प्रेरितां चे काम 16:39

ते वे आप खौद्द आती कर पौलुस ते सीलास नु माफी मांगली, ते कैदखाने कनु ब़ाहरु काढ़ती कर वांचे कनु विनती करली कि, शहरा कनु चाह्‍ले जावा।

प्रेरितां चे काम 22:12

“तब हनन्याह नांवा चा व्यवस्था चे अनुसार हेक भग़त इन्सान, जको ओठे रेहणे आले सारे यहूदिया मां सरनाम हुता, माये गोढु आला।

प्रेरितां चे काम 24:5

“पर ईं बन्दे अम्चे वास्ते वास्तव मां ङोख ङेणे आले साबित हुवे पले, ईं हेक इसड़े बन्दे छै, जको सारी दुनिया चे यहूदिया चे बीच मां फूट नाखे पले ते हा हेक नासरीया चे कुपंथ चा मुखिया वी छै।

प्रेरितां चे काम 28:22

पर हमा बावड़ दुधा का विचार छै? वाहो बात अम्ही दुधे कनु सुणने चाहु, कांकि अम्ही जाणु, कि हर जग़हा मसीह पंथ चे विरोध मां सारे लौक बाता करे पले।”

प्रेरितां चे काम 4:21

बल्ति वाणे वानु धमकाती कर छोड़ती ङिले, कांकि लौका ची वजह वानु ङण्ड ङेणे चा कुई वजह ना मिड़ला, ऐवास्ते कि जको वारदात हुली हुती ओची वजह कनु सब लौक नरीकारा ची बढ़ाई करी पलते।

प्रेरितां चे काम 5:13

पर नेरा लौका महु काई वी हा हिम्मत ना हुती कि ओठे जती कर वांचे मां मिलु जती, पर फेर वी लौक वांची बढ़ाई करते रेहते।

प्रेरितां चे काम 6:3

ऐवास्ते हे माये भऊ, आपणे सात नामी मर्दा नु जको पवित्र आत्मा ते ब़ुध्दि लारे भरीले आले हो चुणती गिहा, कि अम्ही वानु ऐ कामा उपर ठहराती ङिऊं।

रोमियां 3:8

तां अम्ही कां बुराई ना करु, कि भलाई निकलो? जिसड़ा कि अम्चे उपर हाओ दोष लाला वी जाये, ते कोच्छ किही कि ओचे ईं केहणे छै। पर इसड़ा नु दोषी ठहराणे ठीक छै।

2 कुरिन्थियां 1:18

नरीकार विश्‍वासयोग छै, कि अम्चे ओ वचन मां जको तम्हानु केहला गेला, “हा” ते “ना” ङोनी ना मिली।

2 कुरिन्थियां 11:21

मनु खौद्द शर्मसार हुती कर केहणे पड़ले मनती गिहा कि अम्ही ब़ोहत कमजोर जा हुते। पर जिसी बाते मां कुई हिम्मत ङिखाणे, मैं वी मूर्खता लारे किहे पला कि मैं वी हिम्मत ङिखाणे।

2 कुरिन्थियां 12:16

कोच्छ वी हो, मैं तम्चे उपर कुई बोझ कोनी बणला। फेर वी कोच्छ लौक किही मैं कूड़ा छै ते चतराई लारे तम्चा फायदा चला।

2 कुरिन्थियां 4:2

पर अम्ही लज़्ज़ा चे गुप्त कामा नु त्याग़ती ङिले, ते ना ही चतराई लारे टुरु, ते ना ही नरीकारा चे वचना मां मिलावट करु, पर सच्‍चाई नु उजागर करु, नरीकारा चे सामणे हर हेक इन्सान चे विवेक मां आपणी भलाई ब़िसाणु।

1 थिस्सलुनीकियां 2:3

कांकि अम्चा उपदेश तम्हानु समझाणे ची कोशिस करे पला, ना कि गुमराह करे ते ना अशुद्ध मना लारे, ते ना छल कप्पट लारे।

1 तीमुथियुस 3:7

ते ब़ाहर आला मां वी ओचे नां आच्छे हो, कङी इसड़े ना हो कि दोषी हुती कर शैताना चे फन्दे मां फसती जाओ।

1 तीमुथियुस 4:10

कांकि अम्ही घणी मेहनत ते जत्तन ऐवास्ते करु कि, अम्ची आस ओ जीते नरीकारा उपर छै, जको सारा बन्दा चा छै, ते खास करती कर विश्‍वास करने आला चा उद्धारकर्ता छै।

इब्रानियां 13:13

ऐवास्ते अम्ही वी ओचे लारे भेंट करु छावणी चे ब़ाहर उसड़ी ही निन्दा चवणे वास्ते चालु, जिंवे ओणे चली।

1 पतरस 4:14

अगर तम्ची मसीही चे नांवा उपर बेकदरी हुवे, तां वे बेकदरी नु सहन करती गिहा कांकि तम्ही धन्‍न छिवा। कांकि महिमा ची आत्मा, जको नरीकारा चा आत्मा छै तम्चे मां वास करे।

3 यूहन्‍ना 1:12

दिमेत्रियुस चे बारे मां सारा ने, बल्कि ग़वाही ङिली इठे तक वी वा सच्‍च वी छै। ते अम्ही ग़वाही ङिऊं पले, ते तु जाणी, कि अम्ची ग़वाही सच्‍ची छै।

प्रकाशितवाक्य 3:9

ङेख, मैं शैतान चे वे सभाआला नु दुधे वशा मां करती ङी जको यहूदी बणले ब़ेहले, पर छी कोनी बल्कि कूड़ मारी। ङेख, मैं इसड़े करी कि वे आती कर दुधे पग़्ग़ा उपर ढिये, ते ईं जाणती गिहे कि मैं दुधे लारे प्रेम राखला।