2 कुरिन्थियां 6:4 - ओङ राजपूत

⁴ पर हर बाते मां नरीकारा चे सेवका आलीकर आपणे आप नु आच्छे सेद्ध करते रिहुं, बङी हिम्मती लारे, क्लेशा लारे, कठिनाई लारे, संकटा लारे,

2 कुरिन्थियां 6:4 ပူးပေါင်းရင်းမြစ်များ

लूका 21:19

आपणे सब्रा लारे तम्ही आपणी जीन्दगी नु बचाली राखा।

यूहन्‍ना 16:33

“मैं ये बाता तम्हानु ऐवास्ते केहलीया कि, तम्हानु माये मां शान्ति मिलो। संसारा मां तम्हानु क्लेश हुवे। पर हिम्मत राखा! मैं संसारा नु जीतती गेले।”

प्रेरितां चे काम 2:22

“हे इस्राएली लौक, यां वचना नु सुणा, ईशु नासरी हेक इसड़े बन्दे हुता, जाये नरीकारा ची ओर कनु हुवणे चा सबूत वा सामर्थ ची कामे ते अचम्भे ची कामे ते नेरे चैन्ह लारे प्रकट छै, जको नरीकारा ने तम्चे बीच ओचे जरिये करती ङिखाणले जानु तम्ही आप ही जाणा।

प्रेरितां चे काम 20:34

तम्ही आप खौद्द ही जाणा कि माये यां हाथा ने माई ते माये साथीया ची जरुरता नु पुरे करले।

प्रेरितां चे काम 9:16

ते मैं ओनु बावड़ी, कि माये नांवा वास्ते ओनु किसड़े-किसड़े ङोख चवणे पड़े।”

रोमियां 14:18

जको कुई ये रीति लारे मसीह ची सेवा करे, ऊं नरीकारा नु भावे ते इन्साने ओचा कद्दर करी।

रोमियां 16:10

अपिल्‍लेस नु जको मसीह मां खरा निकड़ला, नमस्कार। अरिस्तुबुलुस चे घराणे नु नमस्कार।

रोमियां 3:5

ऐवास्ते अगर अम्चा अधर्म नरीकारा ची धार्मिकता ठहराती ङिये, ते अम्ही का किहुं? का ईं कि नरीकार जको क्रोध करे अन्यायी छै? ईं तां मैं इन्साना चे नजरीये लारे किहे पला।

रोमियां 5:8

पर नरीकार अम्चे उपर आपणे प्रेम ची भलाई ये रीति लारे प्रकट करे, कि जिसे बेले अम्ही पापी ही हुते, ओही बेले मसीह अम्चे वास्ते मरणे वास्ते भेज़ला गेला।

1 कुरिन्थियां 3:5

अपुल्‍लोस कूण छै? ते पौलुस कूण छै? सेर्फ सेवक, जाये जरिये तम्हा लौका ने विश्‍वास करला, हर-हेक ने प्रभु चे जरिये सोंपली गेली जिम्मेवारी नु निभाले।

1 कुरिन्थियां 4:1

सही तां ईं हुवी कि अम्हानु मसीह ईशु चा भण्डारी हेकमात्र समझले जाओ, जानु नरीकारा चे भेदा ची जिम्मेवारी सोंपली गेली छै,

1 कुरिन्थियां 9:11

अम्ही तम्चे मां आत्मिक बीज राहले तां अगर तम्ची शरीरिक चीजा महु कोच्छ भईवाल हुती जऊं तां हा कुई बङी बात कोनी छै।

2 कुरिन्थियां 11:23

का वे ही मसीह चे सेवक छी? मैं पाग़ला आलीकर किहे मैं वांचे कनु बधती कर छै। ज्यादा मेहनत करने मां, बार-बार कैद हुवणे मां, कोड़े खाणे मां, बार-बार मौत चे जोखिम चवणे मां।

2 कुरिन्थियां 11:27

मैं कई राती जाग़ती कर, खास करती भुक्‍का तरसेला रेहती कर, ते ठड्डी ची वजह कनु ते कम ओढ़णा ची वजह कनु मैं घणीया मुसीबता सहन करलीया।

2 कुरिन्थियां 11:9

ते जब मैं तम्चे लारे हुता, ते मनु कमी पेशी हुली तां मैं काये उपर बोझ कोनी नाखला, कांकि भावां ने मकिदुनिया कनु आती कर माई जरुरता नु पुरे करले। मैं हर बाते मां आपणे आप नु तम्चे उपर बोझ हुवणे कनु रोकले, ते रोकली वी रिही।

2 कुरिन्थियां 12:10

ये वजह कनु मैं मसीह चे वास्ते कमजोरीया, अपमान, कष्ट, संकट, ते मुसीबता मां पुरी तरावें सन्तुष्ट छै। कांकि जिसे बेले मैं कमजोर रिहे, ओ बेले ही मैं बलवन्त रिहे।

2 कुरिन्थियां 12:12

हेक सच्‍चे प्रेरित चा सुभाव किवें रिहे वे, यूंही मैं तम्चे बीच मां सब्रा लारे रेहती कर, चैन्ह नु, अचम्भे चे कामा नु, ते सामर्थ चे कामा लारे ङिखाणले।

2 कुरिन्थियां 2:17

अम्ही वां ब़ोहता आलीकर कोनी, जको आपणे फायदे वास्ते नरीकारा चे वचना मां मिलावट करी। पर अम्ही मन ची सच्‍चाई लारे, ते नरीकारा चे तरफु ते नरीकारा नु मौजुद जाणती कर मसीह मां ब़ोलु।

2 कुरिन्थियां 3:6

ओणे अम्हानु नवें वायदे चे सेवक हुवणे चे लायक वी बणाले। हा वायदा लिखली आली व्यवस्था चा कोनी पर पवित्र आत्मा चा छै। कांकि लिखली आली व्यवस्था मौत नु पैदा करे, पर पवित्र आत्मा जीवन ङिये।

2 कुरिन्थियां 4:17

कांकि अम्चा पल भर चा हल्का जा क्लेश अम्हानु हमेशा वास्ते अपार महिमा ङिवावे, जाई बराबरी काये लारे ना करली जा सग़े,

2 कुरिन्थियां 4:2

पर अम्ही लज़्ज़ा चे गुप्त कामा नु त्याग़ती ङिले, ते ना ही चतराई लारे टुरु, ते ना ही नरीकारा चे वचना मां मिलावट करु, पर सच्‍चाई नु उजागर करु, नरीकारा चे सामणे हर हेक इन्सान चे विवेक मां आपणी भलाई ब़िसाणु।

2 कुरिन्थियां 4:8

अम्ही चऊ पासु क्लेश तां भोग़ु, पर कुचड़ले ना जऊं, घब़राती तां जऊं पर निराश ना हुं।

2 कुरिन्थियां 7:11

तां ङेखा, ईं ङोख जको नरीकारा ने ङिले, ओणे तम्चे मां कितनी इच्छा जग़ाती ङिली, ते प्रत्युतर, रीस, ङर, इच्छा, धोन्‍न ते बदला गेहणे चा विचार पैदा करती ङिला। तम्ही सारीया बाता मां हा साबित करती ङिले, कि तम्ही ये बाते मां बेकसूर छिवा।

कुलुस्सियां 1:11

ते ओची महिमा ची शक्‍ति चे अनुसार सारे प्रकार ची सामर्थ कनु ताकतवार हुते जावा, खुशी लारे हर-प्रकार कनु धीरज ते सहनशीलता ङिखाण सग़ा।

कुलुस्सियां 1:24

हमा मैं वां ङुखा चे वजह खुशी मनावे, जको तम्चे वास्ते चवे, मसीह ची देह रूपी कलीसिया चे क्लेश मां हमेशा भईवाल हुता रिहे।

1 थिस्सलुनीकियां 3:7

ऐवास्ते हे माये भऊ ते ब़ेहणीया, अम्ही सारी तंगी ते क्लेशा मां तम्चे विश्‍वास लारे तम्चे बारे मां शान्ति पाली।

1 थिस्सलुनीकियां 5:14

ते ओ माये भऊ ते ब़ेहणीया, अम्ही तम्हानु समझाऊं पले कि तम्चे मां जको आलसी छी वानु समझावा, कायरा ची हिम्मत ब़न्धावा, कमजोरा नु सम्भाला, सारा बन्दा ची सहन करा।

1 तीमुथियुस 2:15

तां वी ब़ाले जणने चे जरिये उद्धार पावी, अगर वे तसल्‍ली लारे विश्‍वास, प्रेम, ते पवित्रता मां टिकली रिहो।

1 तीमुथियुस 4:6

अगर तु भऊ ते ब़ेहणीया नु यां बाता ची याद ङिवाता रिहे तां, ते ईशु मसीह चा आच्छा सेवक बणे, ते विश्‍वास ते ओ आच्छे उपदेश चा बाता लारे, जको तु मनता आला, दुधा पालन पोसण हुता रिही।

1 तीमुथियुस 6:11

पर ओ नरीकारा चे जन, तु यां बाता कनु द्रोड़, ते धर्म, भग़ती, विश्‍वास, प्रेम, सब्र, ते नरमाई चा पीछा कर।

2 तीमुथियुस 1:8

ऐवास्ते अम्चे प्रभु ची ग़वाही चे लारे, ते माये कनु जको ओचा मैं कैदी छै, शर्मसार ना हो, पर वे नरीकारा ची ताकत चे अनुसार सुसमाचार चे वास्ते माये लारे ङोख चा।

2 तीमुथियुस 2:24

ते प्रभु चे दास नु झग़ड़ालु नी हुवणे चाही छै, ते सारा चे लारे मुलायम ते बन्दा नु शिक्षा ङेणे मां समझदार हुवणे चाही छै, ते सहन करने आला हो।

2 तीमुथियुस 4:5

पर तु सारीया बाता कनु आपणे आप नु वशा मां राख, ङोख चा, ते सुसमाचार चे प्रचार चे काम कर, ते जको सेवा तनु ङिली गेली, विनु पुरे कर।

इब्रानियां 12:1

ये वजह कनु जबकि ग़वाहा ची इसड़ी बङी भीड़ अम्हानु घेरले आले छै, तां आवा, हर हेक रोकणे आली चीज ते उलझाणे आले पापा नु दूर करती कर, वा द्रोड़ जिसे मां अम्हानु द्रोड़ने छै, धीरज लारे उग़ते बधते जऊं,

प्रकाशितवाक्य 1:9

मैं यूहन्‍ना जको तम्चा भऊ, ते ईशु मसीह चे क्लेश, ते राज़ ते सब्रा मां तम्चा भईवाल छै, नरीकारा चे वचन ते ईशु ची ग़वाही ची वजह कनु पतमुस चे टापू मां मनु भेज़ले गेले हुते।

प्रकाशितवाक्य 3:10

तु माये सब्रा चे वचना नु थामले, ऐवास्ते मैं वी तनु परीक्षा ची वे घड़ी कनु बचाती राखी जको धरती उपर रेहणे आला चे परखणे वास्ते सारे संसारा उपर आणे आली छै।