2 कुरिन्थियां 5:14 - ओङ राजपूत

¹⁴ कांकि मसीह चा प्रेम अम्हानु बेबस करती नाखे, ऐवास्ते कि अम्ही ईं समझु कि, जिसे बेले हेक सब वास्ते मरला तां सारे मरती गेले।

2 कुरिन्थियां 5:14 ပူးပေါင်းရင်းမြစ်များ

मत्ती 20:28

जिंवे कि मैं इन्साना चा पूत, ऐवास्ते कोनी आला कि ओची सेवा-टहल करली जाओ, पर ऐवास्ते आला कि आप सेवा-टहल करो, ते ब़ोहता नु छुड़ावणे वास्ते आपणे प्राण ङियो।”

लूका 15:24

कांकि माया हा पूत मरती गेलता, हमा जीता हुती गेला, गार हुती गेलता ओ लाभती गेला।’ ते बल्ति वे खुशीया मनाऊं लाग़ले।

लूका 15:32

पर हमा खुशीया मना ते मगन हो कांकि दुधा भऊ मरती गेलता बल्ति जीता हुती गेला, गार हुती गेलता हमा लाभती गेला।’ ”

लूका 24:29

पर ईशु नु ईं केहती कर रोकले, “अम्चे लारे रेह, कांकि आथण हुते जाये ले, ते ङिओ हमा ब़ोहत ढलती गेला।” बल्ति ओ वांचे लारे रेहणे वास्ते भीतर गेला।

यूहन्‍ना 1:29

ङुजे ङिओ यूहन्‍ना ने ईशु नु आपणी तरफ आते ङेखती कर केहले, “ङेखा, ईं नरीकारा चे मेमणे छै, जको संसारा चे पापा नु चती चाह्‍ले जाये।

यूहन्‍ना 11:25

ईशु ने वानु केहले, “मैं ही पुनरुत्थान छै ते जीवन मैं ही छै। जको कुई माये उपर विश्‍वास करे ऊं अगर मरती वी जाये तां वी जीवी,

यूहन्‍ना 5:25

मैं तम्हानु सच्‍च-सच्‍च किहे पला, ओह समय आवे पला ते हमा छै, जाये मां मरले आले नरीकारा चे पूता ची अवाज सुणे ते जको सुणे वे जिंवे।

प्रेरितां चे काम 18:5

जिसे बेले मकिदुनिया कनु सीलास ते तीमुथियुस आले, ते पौलुस पूरा समय वचन सुणावणे ची धोन्‍न मां लाग़ती कर यहूदी लौका नु हा ग़वाही ङिता कि ईशु ही मसीह छै।

रोमियां 2:2

ते अम्ही जाणु कि इसड़े-इसड़े काम करने आला उपर नरीकारा ची ओर कनु सच्‍चे ङण्ड ची आज्ञा हुवे वे।

रोमियां 5:15

पर जिंवे अपराध ची दशा छै, उसड़ी अनुग्रह चे वरदान ची कोनी, कांकि जिसे बेले हेके इन्साना चे अपराध लारे ब़ोहत लौक मरले, तां नरीकारा चा अनुग्रह ते ओचा जको दान हेके इन्साना चे, यानिकि ईशु मसीह चे अनुग्रह लारे हुले ब़ोहत से लौका उपर जरुर ही बहुतायात लारे हुला।

रोमियां 6:13

ते ना ही आपणे शरीरा चे अंगा नु अधर्म चे हथियार हुवणे वास्ते पाप नु सोंपा, पर आपणे आप नु मरला आला महु जीते हुवणे जाणती कर आपणे शरीरा चे अंगा नु धार्मिकता चे हथियार हुवणे वास्ते नरीकारा नु सोंपा।

रोमियां 6:6

कांकि अम्ही जाणु कि अम्चा पुराणा सुभाव ईशु चे लारे क्रूसा उपर चढ़ाला गेला, ताकि पाप चे शरीर नाश हुती जाओ, कि आग़ु कनु अम्ही पाप चे गुलाम ना बणु।

1 कुरिन्थियां 16:22

अगर कुई प्रभु लारे प्रेम ना राखो तां ऊं श्रापित हो। अम्चा प्रभु आणे आला छै।

1 कुरिन्थियां 2:14

पर शरीरिक इन्सान नरीकारा ची आत्मा ची बाता स्वीकार ना करी, कांकि वे ओची नजरी मां बेवकूफी चा बाता छी, ते ना ओ वानु जाण सग़े कांकि वांची परख आत्मिक रीति लारे हुवे।

2 कुरिन्थियां 3:7

ते अगर मौत ची हा व्यवस्था जाये अक्षर पत्थरा उपर खोदले गेले हुते, इठे तक कि तेजोमय हुली, कि मूसा चे मुँहा चे तेज ची वजह कनु जको घटता वी जाये पलता, इस्राएली लौक ओचे मुँहा सनु ङेख ना सग़ते।

2 कुरिन्थियां 3:9

अगर जब दोषी ठहराणे आली व्यवस्था तेजोमय हुती, तां धर्मी ठहराणे आली व्यवस्था होर वी तेजोमय कां नी हुवी?

गलातियां 2:20

मैं मसीह चे लारे क्रूसा उपर चढ़ाला गेला, हमा मैं जीता ना रेहला, पर मसीह माये मां जीता छै, मैं शरीरा मां जको हमा जीता छै, तां सेर्फ ओ विश्‍वास लारे जीता छै जको नरीकारा चे पूता उपर छै जेह्णे मनु प्रेम करला, ते आपणे आप नु माये वास्ते ङिती ङिले।

इफिसियां 6:24

जको अम्चे प्रभु ईशु मसीह लारे सच्‍चा प्रेम राखे, वा सारा चे उपर अनुग्रह हुता रिहो।

कुलुस्सियां 2:13

नरीकारा ने तम्हानु वी, जको आपणे अपराधा ते आपणे शरीरा ची खतनारहित दशा मां मुड़दी हुती, ओचे लारे जिवाले, ते अम्चे सारे अपराधा नु माफ करले।

कुलुस्सियां 3:3

कांकि तम्चा पुराणा सुभाव तां मरती गेला, ते अम्ची तां जीन्दगी मसीह चे लारे नरीकारा मैं लुकली आली छै।

1 तीमुथियुस 2:6

जेह्णे आपणे आप नु सारा बन्दा चे छुटकारे ची कीमत मां ङिती ङिले, ताकि ओची ग़वाही ठीक समय उपर ङिली जाओ।

1 तीमुथियुस 5:6

पर जको भोग़ विलास मां पड़ती गेली, वा जीते-जी मरती गेली।

तीतुस 3:3

कांकि अम्ही वी पेहले, बेअक्‍कल, ते आज्ञा ना मनणे आले, ते वहमा मां ढेले आले, ते हर हेक रंगा ची इच्छा ते सोख भोग़णे चे गुलाम हुते, ते बैरबन्दी, ते खार खाणे मां जीन्दगी गुजारते, ते किज़ड़े हुते, ते हेके ङुजे लारे बैर राखते।

इब्रानियां 2:9

पर अम्ही ईशु नु जको स्वर्ग़दूता कनु कोच्छ थोड़े ही समय वास्ते तले राखला गेला हुता मौत चे ङोख चवणे ची वजह महिमा ते आदर चा मुग़ट घाले आले ङेखु, कि नरीकारा चे अनुग्रह लारे ओ हर हेक इन्साना वास्ते मौत चा स्वाद चाखो।

इब्रानियां 6:10

नरीकार अन्यायी कोनी, कांकि तम्चे काम ते ओ प्रेम नु भूलती ना जई, जको तम्ही ओचे नांवा वास्ते ओचे लौका ची सेवा करली ते करा वी पले।

1 पतरस 1:8

अगर तम्ही ओनु ङेखले कोनी, बल्ति वी तम्ही ओचे लारे प्रेम राखा। अगर तम्ही ओनु हमा ङेख ना सग़ा, पर बल्ति वी ओचा विश्‍वास करा ते हर हेक इसड़ी खुशी लारे भरीले आले छिवा, जको गिणती चे ब़ाहरु ते महिमा लारे भरीला आला छै।

1 यूहन्‍ना 5:19

अम्ही हा जाणु कि, अम्ही नरीकारा चे छिऊं, ते सारा संसार ओ शैताना चे बसा मां छै।