2 कुरिन्थियां 5:11 - ओङ राजपूत

¹¹ ऐवास्ते प्रभु चा भय मनती कर अम्ही लौका नु समझाऊं ते नरीकारा चे सामणे अम्चा हाल प्रकट छै, ते माई आस हा छै कि, तम्चे विवेक ने वी ऐनू जाणती गेले वी।

2 कुरिन्थियां 5:11 ပူးပေါင်းရင်းမြစ်များ

मत्ती 10:28

जको शरीरा नु घात करी, पर आत्मा नु घात ना कर सग़ी, ओकनु ना ङरजा, पर नरीकारा कनु ही ङरा, जको आत्मा ते शरीर ङुंहु नु नर्का मां नाश कर सग़े।

मत्ती 25:46

“ते बुरी बन्दी अनन्त ङण्ड भोग़े पर, धर्मी अनन्त जीवन मां जाये, जा हमेशा चे जीवन मां जाये।”

लूका 12:5

मैं तम्हानु चितावें पला कि तम्हानु काये कनु ङरणे चाही छै, घात करने चे बाद, नरीकारा नु नर्का मां नाखणे चा अधिकार छै, ओचे कनु ङरा, यानि मैं तम्हानु किहे पला ओचे कनु ङरा।

लूका 16:31

“अब्राहम ने धनवाना नु केहले, ‘जब वे मूसा ते भविष्यवक्‍ता ची ना सुणी, तां अगर मरला आला महु कुई वी जीता हुवी तां वे ओची नी मने।’ ”

प्रेरितां चे काम 13:43

ते जिसे बेले प्राथनाघरा मां सभा खत्तम हुती गेली ते यहूदी ते यहूदी मत्त महु आले हुले भग़ता महु ब़ोहत से पौलुस ते बरनबास चे भांसु टुरती पले, ते वाणे बाता करती कर वानु समझाले, कि नरीकारा चे अनुग्रह मां बणले रिहा।

प्रेरितां चे काम 18:13

“हा लौका नु यूं करती कर समझावे, नरीकारा ची अराधना इसड़ी रीति लारे करा, जको व्यवस्था चे विरोध छै।”

प्रेरितां चे काम 18:4

पौलुस हर सब्त चे ङिओ यहूदी प्राथनाघरा मां जती कर बहस-बाजी करती कर यहूदिया नु ते यूनानिया नु समझाता।

प्रेरितां चे काम 19:26

ते तम्ही ङेखा ते सुणा वी हुवा कि सेर्फ इफिसुस मां ही कोनी बल्कि सारे एशिया प्रदेसा मां वी हा केहती कर पौलुस ने घणा लौका नु समझाले ते भरमाले वी छै, ते जको हाथा चा बणलीया आलीया मूर्तिया छी, वे ईश्‍वर कोनी।

प्रेरितां चे काम 26:26

जाये सामणे मैं बेधड़क हुती कर ब़ोले पला, यां बाता नु राजा अग्रिप्पा वी जाणे, ते मनु विश्‍वास छै, कि यां बाता महु कुई वी बात ओकनु लुकली कोनी पली, कांकि वा घटना तां कुई कूणे मां कोनी हुली।

प्रेरितां चे काम 28:23

बल्ति वाणे पौलुस चे वास्ते हेक ङिओ तय करला, ते जिसे घरा मां ओ हुता घणी तदात मां लौक ओठे भेले हुती गेले। ते ओ नरीकारा चे राज़ ची ग़वाही ङिता हुला, ते मूसा ची व्यवस्था ते भविष्यवक्‍ता चा किताबा महु ईशु मसीह चे बारे मां सवेले कनु लाती कर आथणे तक साफ रीति लारे वानु समझाता रेहला।

2 कुरिन्थियां 2:17

अम्ही वां ब़ोहता आलीकर कोनी, जको आपणे फायदे वास्ते नरीकारा चे वचना मां मिलावट करी। पर अम्ही मन ची सच्‍चाई लारे, ते नरीकारा चे तरफु ते नरीकारा नु मौजुद जाणती कर मसीह मां ब़ोलु।

2 कुरिन्थियां 5:20

ऐवास्ते अम्ही मसीह चे राजदूत छिऊं, मनाकि नरीकार अम्चे जरिये समझावे। अम्ही मसीह चे तरफु बिनती करु, कि नरीकारा चे लारे मेल-मिलाप करती गिहा।

2 कुरिन्थियां 6:1

ते अम्ही जको नरीकारा चे भईवाल छिऊं, ईं वी समझाऊं, कि नरीकारा चा अनुग्रह जको तम्चे पर हुला, ओनु बेकार ना जऊं ङिया।

गलातियां 1:10

हमा मैं का बन्दा नु मने जा नरीकारा नु का मैं बन्दा नु खौश करना चाहवे? अगर मैं बन्दा नु खौश करने चाहवें तां ईशु मसीह चा दास ना हुवीया।

इफिसियां 5:21

ते मसीह चा कद्दर करते समय हेके ङुजे चे अधीन रिहा।

इब्रानियां 10:31

जीते नरीकारा चे हाथा मां पड़ने खतरनाक बात छै।

इब्रानियां 12:29

कांकि अम्चा नरीकार भसम करने आले जाखते छै।

यहूदा 1:23

ङुजे लौका नु जाखते महु झपटती कर काढ़ती गिहा, वांचे उपर दया करते बेले चौकस रिहा। पर ओ ओढ़णा कनु वी नफरत करा जको शरीरा चे जरिये कलंकित हुती गेले।

प्रकाशितवाक्य 20:15

ते जाये काये नां “जीवन ची किताबे” मां लिखले आले कोनी मिड़ले, ओ जाखते ची झील मां नाखला गेला।