2 कुरिन्थियां 5:1 - ओङ राजपूत

¹ कांकि अम्ही जाणु कि, जिसे बेले अम्चे संसारिक देह नु धरती कनु ढाती ङिले जई तां अम्चे वास्ते नरीकारा ची ओर कनु स्वर्ग़ा मां हेक इसड़े घरा जिसड़ी देह तय करली गेली, जको इन्साना चे हाथा लारे बणाले आले कोनी छै पर स्वर्ग़ीय ते अनन्त काल चे छै।

2 कुरिन्थियां 5:1 ပူးပေါင်းရင်းမြစ်များ

मरकुस 14:58

“अम्ही ऐनू ईं केहते सुणले, ‘मैं ऐ हाथा चे बणाले आले मन्दरा नु ढाती नाखी ते तीन ङिहां मां ङुजा बणावी, जको हाथा लारे ना बणला हो।’ ”

प्रेरितां चे काम 7:48

“पर परमप्रधान हाथा चे बणाले घरा मां ना रिही, जिंवे कि भविष्यवक्‍ता ने केहले,

1 कुरिन्थियां 3:9

कांकि अम्ही नरीकारा चे भईवाल छिऊं। तम्ही नरीकारा ची भोंये छिवा, तम्ही नरीकारा चा भवन वी छिवा।

2 कुरिन्थियां 4:7

पर ईं बेशकीमती खजाने अम्चे मां जको माटी ची ठांवा आलीकर छिऊं मेहले गेले, जाये कनु ईं साफ हुती जाओ हा असीम ताकत अम्ची कोनी पर नरीकारा ची छै।

2 कुरिन्थियां 5:4

ते अम्ही ऐ शरीरा मां रेहते हुले, बोझ मां दब़िती कर कराहते रिहुं, कांकि अम्ही उतारने ना, बल्कि नेरे धारण करने चाहु, कि मरणहार, जीवन बदलती जाओ।

कुलुस्सियां 2:11

ओचे मां तम्चा इसड़ा खतना हुला आला छै, जको हाथा लारे ना हुवी, यानि मसीह चा खतना, जाये लारे शरीरा ची बुरी इच्छा उतारती ङिली जाये।

2 तीमुथियुस 1:12

येही वजह मैं ऐ कैदखाने चे ङुखा नु चवे पला, पर शर्म ना करी, कांकि मैं ओनु जाये उपर मैं विश्‍वास करला, जाणे पला, ते मनु पक्‍के छै कि जको मनु सोंपला गेला ओ आखरी ङिओ तक रखवाली करी।

इब्रानियां 11:10

कांकि ओची नजर ओ टिकाऊं शहरा उपर हुती, जानु रचने आला ते बणावणे आला नरीकार छै।

इब्रानियां 9:11

पर जब मसीह आणे आलीया आच्छीया चीजा चे महायाजक चे रुप मां प्रकट हुला, ओणे उत्तम ते सेद्ध तम्बूआ महु, जको हाथा चा बणाला आला कोनी यानि संसारिक कोनी हुता।

इब्रानियां 9:24

कांकि मसीह ने ओ इन्साना चे हाथा चा बणले आले अति पवित्र स्थान मां जको सच्‍चे अति पवित्र स्थान चा प्रतिरुप छै, प्रवेश कोनी करला, पर स्वर्ग़ा मां प्रवेश करला कि अम्चे वास्ते, हमा नरीकारा चे सामणे ङिसो।

1 पतरस 1:4

यानि हमा तम्चे वास्ते स्वर्ग़ा मां वा विरासत मेहली गेली, जाये तम्ही वारिस छिवा। जको ना तां कङी खत्तम हुवणे आली, ते निर्मल, ते ना ही कङी गलणे आली छै।

2 पतरस 3:11

जबकि ये सारीया चीजा, यूं करती पिघलणे आलीया छी तां तम्हानु पवित्र चाल-चलन ते भग़ती मां आच्छे हुवणे चाही छै।

1 यूहन्‍ना 3:14

अम्ही जाणु कि अम्ही मौत कनु पार हुती कर जीवन मां पुज़ले। कांकि अम्ही भावां ते ब़ेहणीया लारे प्रेम राखु। जको प्रेम ना राखी ओ मौत ची दशा मां रिहे।

1 यूहन्‍ना 3:19

ऐचे कनु अम्ही जाणु कि अम्ही सच्‍चाई चे छिऊं, ते नरीकारा चे सामणे आपणे मना मां हिम्मत कर सग़ु।

1 यूहन्‍ना 3:2

हे प्यारे, हमा वी अम्ही नरीकारा ची ऊलाद्ध छिऊं, ते हमा तक हा प्रकट कोनी हुले कि आणे आले समय मां अम्ही का कोच्छ हुं! इतने जाणु कि जिसे बेले ईशु मसीह प्रकट हुवी ते अम्ही ओचे समान हुती जऊं, कांकि ओनु उसड़े ही ङेखु जिसड़ा ओ छै।