2 कुरिन्थियां 4:7 - ओङ राजपूत

⁷ पर ईं बेशकीमती खजाने अम्चे मां जको माटी ची ठांवा आलीकर छिऊं मेहले गेले, जाये कनु ईं साफ हुती जाओ हा असीम ताकत अम्ची कोनी पर नरीकारा ची छै।

2 कुरिन्थियां 4:7 ပူးပေါင်းရင်းမြစ်များ

मत्ती 13:44

“स्वर्ग़ा चा राज़ खेता मां लुकले आले धन आलीकर छै, कुई बन्दे ने ओनु सोहले ते बल्ति लुकाती नाखले, ते खुशी लारे जती कर आपणे सारा कोच्छ बेचती नाखले ते ओ खेत मोल गेहती गेला।

मत्ती 13:52

ईशु ने वानु केहले, “ऐवास्ते हर हेक शास्त्री जको स्वर्ग़ा चे राज़ ची शिक्षा पाती चुकला, ओ घरा आलीकर छै, जको आपणे भीतरु नवींया ते पुराणीया चीजा नु काढ़ी।”

यूहन्‍ना 16:33

“मैं ये बाता तम्हानु ऐवास्ते केहलीया कि, तम्हानु माये मां शान्ति मिलो। संसारा मां तम्हानु क्लेश हुवे। पर हिम्मत राखा! मैं संसारा नु जीतती गेले।”

1 कुरिन्थियां 1:28

ते नरीकारा ने जग़त चे नीच ते तुच्छा नु, यानि जको छी वी कोनी वानु वी चुणती गेले कि वानु जको छी, बेकार ठहराओ,

2 कुरिन्थियां 10:10

कांकि कोच्छ लौक तां किही कि, “ओचीया चिठ्ठीया तां कठिन ते असरदार छी, ते जिसे बेले ओ आप आवे तां ओचे शरीर कमजोर लाग़े ते ओची ब़ोलणे ची ताकत ना चे बराबर छै।”

2 कुरिन्थियां 13:4

ओ निर्बलता ची वजह क्रूसा उपर चढ़ाला तां गेला, तांवी नरीकारा ची सामर्थ लारे जीता छै। अम्ही वी ओचे मां कमजोर छिऊं, पर नरीकारा ची सामर्थ लारे जको तम्चे वास्ते छै, ओचे लारे जिऊं।

2 कुरिन्थियां 4:1

ऐवास्ते जब अम्चे उपर इसड़ी दया हुली कि अम्हानु हा सेवा मिड़ली, तां अम्ही हिम्मत ना छोड़ु।

2 कुरिन्थियां 5:1

कांकि अम्ही जाणु कि, जिसे बेले अम्चे संसारिक देह नु धरती कनु ढाती ङिले जई तां अम्चे वास्ते नरीकारा ची ओर कनु स्वर्ग़ा मां हेक इसड़े घरा जिसड़ी देह तय करली गेली, जको इन्साना चे हाथा लारे बणाले आले कोनी छै पर स्वर्ग़ीय ते अनन्त काल चे छै।

2 कुरिन्थियां 6:10

ङुखीया आलीकर छिऊं, पर सदा खौश रिहुं, कंगाला आलीकर छिऊं, पर घणा सारा नु धनवान बणाती ङिऊं। इसड़े छिऊं जिंवे अम्चे कनु कोच्छ वी कोनी बल्ति वी सब कोच्छ राखु।

इफिसियां 2:5

जब अम्ही अपराधा ची वजह मरले आले हुते तां अम्हानु मसीह चे लारे जीते करले, ते अनुग्रह लारे ही तम्चा उद्धार हुला।

इफिसियां 3:8

मैं सारे पवित्र लौका कनु छोटा छै, मनु हा वरदान मिड़ला कि मैं नेरीया जातिया मां जती कर मसीह चा बेशकीमती शान्ति चा धन चा सुसमाचार सुणावे।

कुलुस्सियां 1:27

जाये उपर नरीकारा ने प्रकट करने चाह्‍ले, कि वानु पता लाग़ो कि सारे लौका मां ओ भेदा ची कीमत चा धन का छै? ते वा हाओ छै, कि मसीह जको महिमा ची उम्मीद छै वा तम्चे मां बणली रिहो।

कुलुस्सियां 2:12

ते ओचे लारे बपतिस्मा मां पूरले गेले, ते ओचे मां नरीकारा ची शक्‍ति उपर विश्‍वास करती, जेह्णे ओनु मरले आला महु जिवाले, ओचे लारे जीते वी हुले।

कुलुस्सियां 2:3

जाये मां दिमाक ते समझ चे सारे भण्डार लुकले आले छी।

1 थिस्सलुनीकियां 1:5

कांकि अम्चा सुसमाचार तम्चे गोढु हेको वचना मां ही कोनी, बल्कि ताकत ते पवित्र आत्मा, ते इरादे लारे पुज़ला, जिंवे तम्ही जाणा कि अम्ही तम्चे फायदे चे वास्ते किसड़ा जीवन जीते तम्चे मां किवें बणती गेलते।

1 थिस्सलुनीकियां 4:4

ते तम्चे महु हर हेक पवित्रता ते कद्दर चे लारे आपणी घराआली नु ग्रहण करने जाणो

2 तीमुथियुस 2:20

बङे घरा मां ना हेको सोने चान्दी ची ठांवे रिही, बल्कि लाकड़ी ची ते माटी ची वी रिही, कुई-कुई तां कद्दर चे वास्ते ते कुई-कुई अनादर चे वास्ते।