2 कुरिन्थियां 4:6 - ओङ राजपूत

⁶ कांकि नरीकार ने आज्ञा ङिली हुती कि, “अन्धकारा महु ज्योति चमको।” ते नरीकारा ने ही अम्चे दिला मां आपणी ज्योति चमकाली कि ईशु मसीह मां नरीकारा ची महिमा चे सोज़ले मेल सग़ो।

2 कुरिन्थियां 4:6 ပူးပေါင်းရင်းမြစ်များ

लूका 10:22

“माये ब़ा ने मनु सब कोच्छ सोंपती ङिले, ते कुई ना जाणी कि पूत कूण छै, सेर्फ ब़ा, ते ब़ा कूण छै, ईं वी कुई ना जाणी, सेर्फ पूता चे, ते ओ जाये उपर पूत ओनु प्रकट करना चाहवे।”

यूहन्‍ना 1:14

ते वचन देहधारी हुला, ते अनुग्रह ते सच्‍चाई लारे भरीती कर अम्चे बीच मां डेरा करला, अम्ही ओची इसड़ी महिमा ङेखली, जिसड़ी ब़ा चे हिकड़ाते ची महिमा।

यूहन्‍ना 11:40

ईशु ने केहले, “का मैं तनु कोनी केहले हुते कि अगर तु विश्‍वास करे तां, नरीकारा ची महिमा ङेखे?”

यूहन्‍ना 12:41

यशायाह ने ये बाता नु ऐवास्ते केहले कि ओणे ईशु ची महिमा ङेखली ते ओणे ओचे बारे मां बाता करलीया।

प्रेरितां चे काम 26:18

कि तु वांचीया आँख खोल, कि वे अन्धकार महु काढ़ती कर ज्योति मां, ते शैताना चे अधिकार महु नरीकारा चे राज़ मां गेहती आवे। वे पापा कनु माफ पाओ, ते वांचे बीच मां आती जाओ, जको माये मां विश्‍वास चे जरिये नरीकारा वास्ते पवित्र करले गेले।’

1 कुरिन्थियां 12:8

कांकि हेक नु पवित्र आत्मा चे जरिये ब़ुध्दि चा बाता ङिलीया जई ते ङुजे नु पवित्र आत्मा चे अनुसार ज्ञान चा बाता।

2 कुरिन्थियां 2:10

जानु तम्ही कोच्छ माफ करा, ओनु मैं वी माफ करे पला। मैं जको कोच्छ माफ करले तम्चे वास्ते मसीह ची मोजुदगी मां माफ करले,

2 कुरिन्थियां 3:18

पर जब अम्चे सब चे उघाड़े चेहरे कनु प्रभु ची महिमा यूं प्रकट हुवे, जिंवे करती शीशे मां हुवे। तां प्रभु चे जरिये जको आत्मा छै, अम्ही ओचे तेजस्वी रुप मां अंश-अंश करती बदलते जऊं पले।

2 कुरिन्थियां 4:4

ते वा अविश्‍वासीया चे वास्ते, जाई ब़ुध्दि नु ऐ संसारा चे ईश्‍वर ने यानिकि शैताना ने अन्धी करती नाखली, ताकि मसीह जको नरीकारा चा प्रतिरुप छै, कि ओचे तेजोमय सुसमाचार चे सोज़ले वांचे उपर ना चमको।

इफिसियां 1:17

कि अम्चे प्रभु ईशु मसीह चा नरीकार जको महिमा चा ब़ा छै, तम्हानु आपणी पिछाण मां ज्ञान ते सोज़ले ची आत्मा ङियो,

इफिसियां 1:18

मैं ये बाते वास्ते वी प्राथना करे कि तम्चे मना ची आंख सोज़ले मां हो, तम्ही जाणती गिहा कि ओचे हकारने ची किसड़ी आस रिहे, ते नरीकारा चे पवित्र लौका मां ओची वसीयत ची महिमा ची किसड़ी दौलत छै।

इफिसियां 5:8

कांकि पेहले तम्ही अन्धारे मां हुती पर हमा प्रभु मां आणे चे बाद तम्ही ज्योति मां आती गेली, ज्योति ची ऊलाद्धी आलीकर चला।

फिलिप्पियां 2:6

जेह्णे नरीकार चे स्वरूप मां हुती कर वी नरीकारा ची बराबरी हुवणे वास्ते आपणे वशा मां राखणे ची चीज कोनी समझली

कुलुस्सियां 1:15

मसीह अणङेखले नरीकारा चा ङेखला आला रुप छै ते सारे संसारा मां पलेठी चा छै।

1 थिस्सलुनीकियां 2:12

कि तम्चा चाल-चलन नरीकारा चे काबिल हो, जको तम्हानु आपणे राज़ ते महिमा मां हकारे।

इब्रानियां 1:3

ओ नरीकारा ची महिमा चे सोज़ले, ते ओचे सुभाव ची छाप छै, ते सारीया चीजा नु आपणी सामर्थ चे वचना लारे, सम्भाले। ओ अम्चे पापा नु धोती कर, स्वर्ग़ा मां सर्वशक्‍तिमान नरीकारा चे सज़्ज़े पासु जती ब़ेहला।

इब्रानियां 6:4

जेह्णे कुई समय सच्‍च चे ज्ञान चे सोज़ले गेहती गेले हुते, जेह्णे स्वर्ग़ीय वरदान चा स्वाद चाखती गेलता, जको पवित्र आत्मा चे भईवाल हुती गेलते,

1 पतरस 1:12

वांचे उपर ईं वी उजागर करले गेले, कि वे आपणी कोनी बल्कि तम्ची सेवा करने चे वास्ते ये बाता किही पलते ले, जाया समाचार तम्हानु हमा वांचे जरिये मिड़ला जेह्णे पवित्र आत्मा चे जरिये जको स्वर्ग़ा कनु भेज़ला गेला तम्हानु सुसमाचार सुणाला, जा बाता नु जाणने चे वास्ते तां स्वर्ग़दूत वी तरसते रिही।

1 पतरस 2:9

पर तम्ही तां हेक चुणला आला वंश, ते राज़ पदधारी, याजका चा हेक समाज, ते पवित्र लौक, ते हेक इसड़ा झोण्ड जको नरीकारा चा आपणा छै, ताकि तम्ही नरीकारा चे महान कामा ची घोषणा कर सग़ा जेह्णे तम्हानु अन्धारे महु काढ़ती कर अदभोत सोज़ले मां हकारले। ओचे गोण उजागर करा। जिंवे पवित्रशास्त्र मां लिखले पले,

2 पतरस 1:19

ते अम्चे कनु जको भविष्यवक्‍ता चा वचन छै, ओ ये घटना लारे पक्‍का साबित हुला, तम्ही ईं आच्छे करा कि ईं समझती कर ध्यान ङिया। ओ हेक ङीवा छै, जको वे अन्धारे जग़हा मां सोज़ले ङिता रिहे, जब तक पुरा ना फटे बल्ति तक सवेले चा तारा तम्चे दिला मां ना चमकती खड़ा हो।