2 कुरिन्थियां 4:17 - ओङ राजपूत

¹⁷ कांकि अम्चा पल भर चा हल्का जा क्लेश अम्हानु हमेशा वास्ते अपार महिमा ङिवावे, जाई बराबरी काये लारे ना करली जा सग़े,

2 कुरिन्थियां 4:17 ပူးပေါင်းရင်းမြစ်များ

मत्ती 5:12

ओ बेले आनन्द चे लारे मगन हुजा, कांकि तम्चे वास्ते स्वर्ग़ा मां बङा प्रतिफल छै। ऐवास्ते कि वाणे वां भविष्यवक्‍ता नु जको तम्चे कनु पेहले हुते यूंही सताले हुते।

लूका 6:23

“ओ ङिओ तम्ही खौश हुती कर उछलजा, कांकि ङेखा, तम्चे वास्ते स्वर्ग़ा मां बङा प्रतिफल छै, याद राखा वांचे ङाङा-ब़ा भविष्यवक्‍ता चे लारे इसड़े ही करते।

प्रेरितां चे काम 20:23

सेर्फ हा कि पवित्र आत्मा हर शहरा मां ग़वाही ङिती-ङिती कर मनु बावड़ता रेहला कि कैदखाने ते क्लेश दुधे वास्ते तियार छै।

रोमियां 2:7

जको लगातार आच्छे काम करते हुले, महिमा ते आदर ते अनन्त जीवन ची खोज मां रिही, वानु नरीकार अनन्त जीवन ङिही।

रोमियां 8:18

कांकि मैं समझे कि, ऐ समय चे ङोख ते क्लेश वे महिमा चे सामणे, जको अम्चे उपर उजागर हुवणे आली छै, कोच्छ वी कोनी।

रोमियां 8:34

बल्ति कूण छै जको ङण्ड ची आज्ञा ङिही? मसीह ईशु ही छै जको मरती गेला बल्कि मरला आला महु जीता वी हुती गेला, ते नरीकारा चे सज़्ज़े पासु ब़ेहला, ते अम्चे वास्ते बिनती वी करे।

रोमियां 8:37

पर यां सब बाता मां अम्ही ओचे जरिये जेह्णे अम्चे लारे प्रेम करला, विजेता कनु वी बढ़ती कर छै।

1 कुरिन्थियां 2:9

पर जिंवे पवित्रशास्त्रा मां लिखले पले, “जको आंखीया ने नी ङेखली, ते काना ने नी सुणली, ते जको बाता इन्साना चे चेत्त मां कोनी चढ़लीया वे ही छी, जको नरीकारा ने आपणे प्रेम राखणे आला वास्ते तियार करलीया छी।”

2 कुरिन्थियां 3:18

पर जब अम्चे सब चे उघाड़े चेहरे कनु प्रभु ची महिमा यूं प्रकट हुवे, जिंवे करती शीशे मां हुवे। तां प्रभु चे जरिये जको आत्मा छै, अम्ही ओचे तेजस्वी रुप मां अंश-अंश करती बदलते जऊं पले।

फिलिप्पियां 1:19

कांकि मैं जाणे कि तम्ची विनती चे जरिये, ते ईशु मसीह ची आत्मा चे दान चे जरिये, मैं कैदखाने कनु आजाद हुती जई।

2 थिस्सलुनीकियां 1:4

इठे तक अम्ही आप नरीकारा ची कलीसिया मां ते तम्चे बारे मां घमण्ड करु, कि जितने ङोख ते क्लेश तम्ही सहन करा, वां सारा मां तम्चा सब्र ते विश्‍वास प्रकट हुवे।

2 थिस्सलुनीकियां 1:6

कांकि नरीकारा चे गोढु हा न्यां छै, कि जको तम्हानु क्लेश ङिये, वानु बदले मां क्लेश ङियो।

2 तीमुथियुस 2:10

ऐह वजह कनु मैं चुणला आला बन्दा चे वास्ते सारे कोच्छ सहन करे पला, कि वे ओ उद्धार नु जको ईशु मसीह मां छै, हमेशा ची महिमा नु पाओ।

याकूब 1:12

धन्‍न छै ऊं बन्दे जको परीक्षा मां मजबूत रिहे कांकि ऊं खरे निकलती कर जीन्दगी चा ओ मुग़ट गिही जाया वायदा प्रभु ने आपणे प्रेम करने आला वास्ते करला।

1 पतरस 4:7

सारीया बाता चा अन्त तुरन्त हुवणे आला छै। ऐवास्ते काबु हुती कर प्राथना वास्ते चौकस रिहा।

1 पतरस 5:10

हमा नरीकार जको सारे अनुग्रह चा दाता छै, जेह्णे तम्हानु मसीह मां आपणी अनन्त महिमा वास्ते हकारले, तम्चे थोड़ी देरी तक ङोख चवणे चे बाद आप ही तम्हानु सेद्ध ते मजबूत ते बलवन्त करी।

1 यूहन्‍ना 3:2

हे प्यारे, हमा वी अम्ही नरीकारा ची ऊलाद्ध छिऊं, ते हमा तक हा प्रकट कोनी हुले कि आणे आले समय मां अम्ही का कोच्छ हुं! इतने जाणु कि जिसे बेले ईशु मसीह प्रकट हुवी ते अम्ही ओचे समान हुती जऊं, कांकि ओनु उसड़े ही ङेखु जिसड़ा ओ छै।

यहूदा 1:24

हमा नरीकार जको तम्हानु ठोकर खाणे कनु बचा सग़े, ते आपणी महिमा ची भरपूरी चे सामणे मगन ते निर्दोष करती कर खड़े कर सग़े,