2 कुरिन्थियां 4:16 - ओङ राजपूत

¹⁶ ऐवास्ते अम्ही हिम्मत ना छोड़ु, अगर अम्चा ब़ाहरला इन्सानी रुप नाश हुता जाये, तां वी अम्चा भितरला इन्सानी रुप ङिओ उपर ङिओ नवां हुता जाये पला।

2 कुरिन्थियां 4:16 ပူးပေါင်းရင်းမြစ်များ

लूका 11:3

अम्चे ङिओ भर ची रोटी हर ङिओ अम्हानु ङिले कर,

रोमियां 12:2

ते ऐ संसारा ची रीति उपर ना चला। पर तम्ची ब़ुध्दि चे नवें हुती जाणे लारे तम्चा चाल-चलन वी बदलता जाओ, जाये कनु तम्ही नरीकारा ची भली, ते भावणे आली, ते सेद्ध इच्छा लारे अनुभव लारे मालुम करते रिहा।

रोमियां 7:22

कांकि मैं भितरला मनुष्यत्व कनु तां नरीकारा चे व्यवस्था कनु ब़ोहत खौश रिहे।

1 कुरिन्थियां 15:58

ऐवास्ते हे प्यारे भऊ, मजबूत ते अटल रिहा, ते प्रभु चे कामा मां सदा बधते जावा, तम्ही ईं जाणा, तम्ची मेहनत प्रभु मां बेकार कोनी।

2 कुरिन्थियां 12:15

मैं तम्चे वास्ते घणी खुशी लारे खर्च करी बल्कि आपणे आप नु वी ङिती ङी। का जितना बधती कर मैं तम्चे लारे प्रेम राखे, ओचे कनु घटातीकर तम्ही माये लारे प्रेम राखा?

2 कुरिन्थियां 4:1

ऐवास्ते जब अम्चे उपर इसड़ी दया हुली कि अम्हानु हा सेवा मिड़ली, तां अम्ही हिम्मत ना छोड़ु।

इफिसियां 3:16

मैं प्राथना करे कि ओ आपणी महिमा ची दौलत चे अनुसार तम्हानु हा दान ङियो कि तम्ही ओचे पवित्र आत्मा कनु आपणे दिला मां सामर्थ गेहती कर ताकतवार बणते जावा।

इफिसियां 4:23

ते आपणे मना चे आत्मिक सुभाव मां नवें बणते जावा।

कुलुस्सियां 3:10

ते नवें सुभाव नु घाले जती, जको आपणे सृजनहार चे सुभाव चे अनुसार ज्ञान प्राप्त करने वास्ते नवें बणते जाये।

तीतुस 3:5

ते ओणे अम्चा उद्धार करला। ते ईं धर्मा चे कामा ची वजह कनु कोनी, जको अम्ही आप करले, पर आपणी दया चे अनुसार, नवें जनमा चे झूलने लारे, ते पवित्र आत्मा चे अम्हानु नवें बणावणे लारे हुले।

1 पतरस 3:4

बल्कि तम्चा सिंगार तां तम्चे मना चा भीतरी व्यक्‍तित्व हुवणा चाही छै जको मुलायम ते शान्त चे अविनाशी सुन्दरता लारे मिड़ला आला हो। नरीकारा ची नजरी मां जको ब़ोहत ही कीमती हो।

1 पतरस 4:14

अगर तम्ची मसीही चे नांवा उपर बेकदरी हुवे, तां वे बेकदरी नु सहन करती गिहा कांकि तम्ही धन्‍न छिवा। कांकि महिमा ची आत्मा, जको नरीकारा चा आत्मा छै तम्चे मां वास करे।