2 कुरिन्थियां 4:15 - ओङ राजपूत

¹⁵ सब कोच्छ तम्ची भलाई वास्ते हुवे पले कि अनुग्रह ब़ोहत लौका कनु पुज़ो, ते यांचे जरिये नरीकारा ची महिमा वास्ते धन्यवाद ची प्राथना बधती जाये।

2 कुरिन्थियां 4:15 ပူးပေါင်းရင်းမြစ်များ

रोमियां 8:28

ते अम्ही जाणु कि, जको लौक नरीकारा लारे प्रेम राखे, वांचे वास्ते सारीया बाता मिलती कर भलाई ही नु पैदा करी यानिकि वांचे ही वास्ते जको ओची इच्छा चे अनुसार हकारले गेले छै।

1 कुरिन्थियां 9:19

कांकि मैं काये अधीन कोनी फेर वी मैं खौद्द नु सारा चा दास बणाती गेले कि मैं ज्यादा कनु ज्यादा लौका नु मसीह वास्ते जीत सग़े।

2 कुरिन्थियां 1:11

ते तम्ही मिलती कर प्राथना चे जरिये अम्ची सहायता करा। जको ब़ोहता लौका ची प्राथना चे जरिये दया अम्चे उपर हुली, वेही वजह कनु ब़ोहत सारे लौक अम्चे तरफु नरीकारा चा धन्यवाद करो।

2 कुरिन्थियां 8:19

ते इतने ही कोनी, पर ओ कलीसिया चे जरिये ठहराला वी गेला कि ये दान चे कामा वास्ते अम्चे लारे जाओ ते अम्ही हा सेवा ऐवास्ते करु, कि प्रभु ची महिमा ते अम्चे मना ची तियारी प्रकट हुती जाओ।

गलातियां 1:24

ते वे माई वजह कनु नरीकारा ची स्तुति करते।

कुलुस्सियां 1:24

हमा मैं वां ङुखा चे वजह खुशी मनावे, जको तम्चे वास्ते चवे, मसीह ची देह रूपी कलीसिया चे क्लेश मां हमेशा भईवाल हुता रिहे।

1 तीमुथियुस 1:14

ते अम्चे प्रभु चा अनुग्रह ओ विश्‍वास ते प्रेम चे लारे जको ईशु मसीह मां छै, ब़ोहत ज्यादा हुला।

2 तीमुथियुस 2:10

ऐह वजह कनु मैं चुणला आला बन्दा चे वास्ते सारे कोच्छ सहन करे पला, कि वे ओ उद्धार नु जको ईशु मसीह मां छै, हमेशा ची महिमा नु पाओ।

1 पतरस 2:9

पर तम्ही तां हेक चुणला आला वंश, ते राज़ पदधारी, याजका चा हेक समाज, ते पवित्र लौक, ते हेक इसड़ा झोण्ड जको नरीकारा चा आपणा छै, ताकि तम्ही नरीकारा चे महान कामा ची घोषणा कर सग़ा जेह्णे तम्हानु अन्धारे महु काढ़ती कर अदभोत सोज़ले मां हकारले। ओचे गोण उजागर करा। जिंवे पवित्रशास्त्र मां लिखले पले,

1 पतरस 4:11

अगर कुई ब़ोलो, तां इसड़े ब़ोलो मना नरीकारा चा वचन छै, अगर कुई सेवा करे, तां वे ताकती लारे करो जको नरीकार ङिये, जाये मां सारीया बाता ईशु मसीह चे जरिये, नरीकारा ची महिमा प्रकट हो। महिमा ते साम्राज्य युगानयुग ओचा छै। आमीन।