2 कुरिन्थियां 4:12 - ओङ राजपूत

¹² ऐ वजह कनु मौत तां अम्चे उपर असर नाखे, पर जीवन तम्चे उपर।

2 कुरिन्थियां 4:12 ပူးပေါင်းရင်းမြစ်များ

प्रेरितां चे काम 20:24

पर मैं आपणे प्राणा नु कहीं वी ना समझी कि आपणे प्राणा नु प्यारे जाणे, बल्ति ईं कि मैं आपणी दोड़ नु, ते वे सेवा नु पुरी करे, जको मैं नरीकारा चे अनुग्रह चे सुसमाचार ची ग़वाही ङेणे चे वास्ते प्रभु ईशु ने जको मनु ङिली।

1 कुरिन्थियां 4:10

अम्ही मसीह वास्ते बेवकूफ ङिसु, ताकि तम्ही मसीह मां ब़ुध्दिमान बणा, अम्ही कमजोर छियुं पर तम्ही ताकतवार छिवा। तम्हानु कद्दर मिले, पर अम्ची बेकदरी हुती जाये।

2 कुरिन्थियां 12:15

मैं तम्चे वास्ते घणी खुशी लारे खर्च करी बल्कि आपणे आप नु वी ङिती ङी। का जितना बधती कर मैं तम्चे लारे प्रेम राखे, ओचे कनु घटातीकर तम्ही माये लारे प्रेम राखा?

2 कुरिन्थियां 13:9

जिसे बेले अम्ही कमजोर छिऊं ते तम्ही ताकतवार छिवा, तां अम्ही खौश हुं। ते हा प्राथना वी करु कि तम्ही सेद्ध हुती जावा।

2 कुरिन्थियां 4:11

कांकि अम्ही जीते-जी सदा ईशु चे वजह मौत चे हाथा मां सोंपले जऊं कि ईशु चा जीवन वी अम्चे मरणे आले शरीरा मां प्रकट हो।

2 कुरिन्थियां 4:13

ऐवास्ते कि अम्चे मां वाहो विश्‍वास ची आत्मा छै, जाये बारे मां लिखले पले कि, “मैं विश्‍वास करला, ऐवास्ते मैं केहले,” तां अम्ही वी विश्‍वास करु, ऐवास्ते ब़ोलु।

फिलिप्पियां 2:17

अगर मनु तम्चे विश्‍वास रूपी बलिदान ते सेवा चे लारे आपणे लुहीं वी बाहणे पड़ो, तां वी मैं खौश छै, ते तम्चे सारा लारे मैं खुशी मनावी।

फिलिप्पियां 2:30

कांकि ओ मसीह चे कामा वास्ते आपणे जेन्द ङुखी करती मौत चे गोढु आती गेलता ताकि जको कमी तम्चे तरफु माई सेवा मां हुली वा पुरी करो।

1 यूहन्‍ना 3:16

अम्ही प्रेम ऐचे कनु जाणला, कि ईशु मसीह ने अम्चे वास्ते आपणे प्राण ङिती ङिले, ते अम्हानु वी आपणे भावां ते ब़ेहणीया चे वास्ते प्राण ङेणे चाही छै।