2 कुरिन्थियां 3:14 - ओङ राजपूत

¹⁴ पर इस्राएली लौका चे मन मसतोरे हुती गेलते, आज़ तक पुराणे नियम चे पढ़ते बेले वांचे मना उपर ओही पड़दा पला रिहे, पर ओ मसीह मां ही चवीज सग़े।

2 कुरिन्थियां 3:14 ပူးပေါင်းရင်းမြစ်များ

मत्ती 13:11

ओणे उत्तर ङिला, “तम्हानु तां स्वर्ग़ चे राज़ चे भेदा ची समझ ङिली गेली, पर वानु कोनी।

मत्ती 16:17

ईशु ने ओनु उत्तर ङिला, “हे शमौन, योना चा पूत, तु धन्‍न छी, कांकि मांस ते लुहींया ने ना पर माये ब़ा नरीकारा ने जको स्वर्ग़ा मां छै, हा बात दुधे उपर उजागर करली।

मत्ती 6:23

पर अगर तम्ची आंख खराब हुवे तां, तम्चे पुरे शरीर वी अन्धारे हुवी, ऐह वजह जको तम्चे मां छै अगर अन्धकार छै तां ओ अन्धकार केङा बङा हुवी।

यूहन्‍ना 12:40

“ओणे वांची आंखी अन्धीया ते वांचे मन कठोर करती ङिले, कङी इसड़े ना हो कि वे आंखीया लारे ङेखो, ते मन लारे समझो, ते माये सनु फिरो ते मैं वानु चंगा करे।”

यूहन्‍ना 12:46

मैं संसारा मां सोज़ले हुती कर आला छै। कि जको कुई माये उपर विश्‍वास करे ऊं अन्धारे मां ना रिहो।

यूहन्‍ना 8:12

ईशु ने बल्ति लौका नु केहले, “मैं संसारा चे सोज़ले छै। जको माये भांसु टुरी ऊं अन्धारे मां नी टुरी, पर जीवन चे सोज़ले मां टुरी।”

प्रेरितां चे काम 13:15

व्यवस्था ते भविष्यवक्‍ता चा किताबा महु पढ़ने चे बाद प्राथनाघरा चे सरदारा ने वानु केहले, “हे माये भऊ, अगर लौका वास्ते तम्चे कनु उपदेश ङेणे वास्ते कुई वचन छी तां तम्ही सुणावा।”

प्रेरितां चे काम 15:21

पुराणे समय कनु ही शहर-शहर मां मूसा ची व्यवस्था चा प्रचार करने आले पले। ते वे हर सब्त चे ङिओ मूसा ची व्यवस्था नु प्राथनाघरा मां पढ़लीया जई।”

प्रेरितां चे काम 16:14

लुदिया नांवा ची थुआथीरा शहरा ची हेक असतरी प्रभु उपर विश्‍वास राखणे आली हुती। वा मंहगी बैंजनी रंगा ची ओढ़णी बेचणे आली हुती वा बङे ध्यान लारे अम्चीया बाता सुणे पलती। प्रभु ने विचे मना चे दरवाजे खोलती ङिले ताकि, जको कोच्छ पौलुस किहे पलता, वा बाता नु ध्यानारीत सुणो।

प्रेरितां चे काम 26:18

कि तु वांचीया आँख खोल, कि वे अन्धकार महु काढ़ती कर ज्योति मां, ते शैताना चे अधिकार महु नरीकारा चे राज़ मां गेहती आवे। वे पापा कनु माफ पाओ, ते वांचे बीच मां आती जाओ, जको माये मां विश्‍वास चे जरिये नरीकारा वास्ते पवित्र करले गेले।’

रोमियां 11:25

हे माये भऊ, कङी इसड़े ना हो, कि तम्ही आपणे नु ब़ुध्दिमान समझती गिहा, ऐवास्ते मैं ना चाहवी कि तम्ही ऐ भेद कनु अणजाण रिहा, कि जब तक नेरीया जातिया पुरी तरह मसीह मां आती ना जई, तब तक इस्राएल चा हेक हेंस्सा इसड़ा ही कठोर रिही।

2 कुरिन्थियां 3:15

ते आज़ तक जिसे बेले कङी वी मूसा ची किताब पढ़ली जाये, ते वांचे मना उपर पड़दा पला रिहे।

2 कुरिन्थियां 3:6

ओणे अम्हानु नवें वायदे चे सेवक हुवणे चे लायक वी बणाले। हा वायदा लिखली आली व्यवस्था चा कोनी पर पवित्र आत्मा चा छै। कांकि लिखली आली व्यवस्था मौत नु पैदा करे, पर पवित्र आत्मा जीवन ङिये।

2 कुरिन्थियां 4:6

कांकि नरीकार ने आज्ञा ङिली हुती कि, “अन्धकारा महु ज्योति चमको।” ते नरीकारा ने ही अम्चे दिला मां आपणी ज्योति चमकाली कि ईशु मसीह मां नरीकारा ची महिमा चे सोज़ले मेल सग़ो।

इफिसियां 4:18

जको बेकार ची बाता करी वांचे दिमाका उपर अन्धकार छै वांचे मूर्खता ते मना ची कठोरता चे वजह वे नरीकारा कनु मिलणे आले जीवन कनु दूर छी।