2 कुरिन्थियां 2:3 - ओङ राजपूत

³ ते मैं हा बात तम्हानु ऐवास्ते लिखली हुती, कि कङी इसड़े ना हो, कि माये आवणे उपर, जाये कनु खुशी मिलणी चाही छै, मैं वांचे कनु उदास हुवे। कांकि मनु तम्चे सारा उपर ये बाते चा भरोसा छै कि, जको माई खुशी छै, वा तम्चे सारा ची वी हो।

2 कुरिन्थियां 2:3 ပူးပေါင်းရင်းမြစ်များ

1 कुरिन्थियां 4:21

तम्ही का चाहवा? का मैं गेङी चती कर तम्चे गोढु आवे जा प्रेम ते नरमाई ची आत्मा लारे?

2 कुरिन्थियां 1:15

ते ऐ भरोसे लारे मैं चाहवें ला, कि पेहले तम्चे गोढु आवे, कि तम्हानु हेक नेरा आशीर्वाद मिलो।

2 कुरिन्थियां 1:23

नरीकार माया ग़वाह छै कि मैं हमा तक दुबारा कुरिन्थुस मां कोनी आला, कांकि मैं तम्हानु ङोख ङेणा ना चाहवें ला।

2 कुरिन्थियां 12:11

मैं मूर्ख तां बणला, पर तम्ही मनु मजबूर करले, तम्हानु नु तां माई बढ़ाई करनी चाही छै, कांकि अगर मैं कोच्छ वी कोनी, तां वी वां प्रेरितां कनु कुई वी बाते मां कम कोनी जानु तम्ही बङे किहा।

2 कुरिन्थियां 12:21

ते कङी इसड़े ना हो कि जिसे बेले मैं पुठा आवे, माया नरीकार माई बेइज्जती करो ते मनु घणा वास्ते बल्ति कनु ङोख चवणा पड़ो, जेह्णे पेहले पाप करला हुता, ते वे गन्दी कामे, ते व्यभिचार, ते लोचपण कनु, जको वाणे करले मन कोनी फिराले।

2 कुरिन्थियां 13:10

ऐह वजह कनु दूर हुते हुले वी मैं तम्हानु ईं सब लिखे पला, कि ओठे मौजुद हुवणे उपर मनु प्रभु चे जरिये ङिला गेला अधिकार चा प्रयोग कठोर भाव लारे ना करना पड़ो। ऐ अधिकार चा मकसद बढोतरी करनी छै, ना कि नाश करने कोनी।

2 कुरिन्थियां 2:9

कांकि मैं ऐवास्ते वी लिखले हुते कि तम्हानु परखती गिहे, कि तम्ही सारीया बाता नु मनणे वास्ते तियार छिवा जा कोनी।

2 कुरिन्थियां 7:12

बल्ति मैं जको तम्चे वास्ते चिठ्ठी लिखली हुती, वा ना ऐवास्ते लिखली, जेह्णे अन्याय करला, ते ना ओची वजह कनु जाये उपर अन्याय करला गेला, पर ऐवास्ते कि तम्ची चिन्ता जको अम्चे वास्ते छै, वा नरीकारा चे सामणे तम्चे उपर उजागर हुती जाओ।

2 कुरिन्थियां 7:16

तम्चे प्रति मैं पुरी तरह भरोसेमन्द छै, हा माये वास्ते खुशी ची बात छै।

2 कुरिन्थियां 7:6

पर नरीकार, जको दीन-ङुखिया नु तसल्‍ली ङिये, तीतुस नु इठे भेज़ती कर अम्ची हिम्मत ब़न्धवाली,

2 कुरिन्थियां 7:8

कांकि अगर मैं आपणी चिठ्ठी लारे तम्हानु ङुखी करले, पर ओचे कनु ना पछतावी जिंवे कि पेहले पछताता। कांकि मैं ङेखे, कि वे चिठ्ठी लारे तम्हानु ङोख तां हुले पर ऊं थोड़ी देरी वास्ते हुते।

2 कुरिन्थियां 8:22

ते अम्ही ओचे लारे आपणे भावां नु भेज़ले, जानु अम्ही हर-वारी परखती कर घणीया बाता मां सच्‍चे ङेखले। पर हमा तम्चे उपर ओनु बङा भरोसा छै, ये वजह कनु ओ होर वी ज्यादा उत्साहित छै।

गलातियां 5:10

मैं प्रभु उपर तम्चे बारे मां भरोसा राखे, तम्चे मां कुई नेरा विचार नी हुवी, पर जको तम्हानु घब़राती ङिये, ऊं कुई कां ना हो नरीकार ओनु सही सजा ङिही।

2 थिस्सलुनीकियां 3:4

ते अम्हानु प्रभु मां तम्चे उपर भरोसा छै, कि जको-जको आज्ञा अम्ही तम्हानु ङिलीया, वानु तम्ही मना वी, ते मनते वी रिहा।

फिलेमोन 1:21

दुधे आज्ञाकारी हुवणे उपर भरोसा राखती कर मैं हा चिठ्ठी तनु लिखे पला मनु पता छै कि जको कोच्छ तनु मैं किहे ओकनु तु ज्यादा करे।