2 कुरिन्थियां 2:14 - ओङ राजपूत

¹⁴ पर नरीकारा चा धन्यवाद हो, जको मसीह मां सदा अम्हानु जीत ची खुशी मां गेहली फिरे, ते आपणे ज्ञान ची खुश्बु अम्चे जरिये हर जग़हा मां खिन्डावे।

2 कुरिन्थियां 2:14 ပူးပေါင်းရင်းမြစ်များ

यूहन्‍ना 16:33

“मैं ये बाता तम्हानु ऐवास्ते केहलीया कि, तम्हानु माये मां शान्ति मिलो। संसारा मां तम्हानु क्लेश हुवे। पर हिम्मत राखा! मैं संसारा नु जीतती गेले।”

रोमियां 1:8

पेहले मैं तम्चे सब चे वास्ते ईशु मसीह चे जरिये आपणे नरीकारा चा धन्यवाद करे पला, कांकि तम्चे विश्‍वास ची चर्चा पुरे संसारा मां हुवे पली।

रोमियां 15:19

ते चैन्ह ते अदभोत कामा ची सामर्थ लारे, ते पवित्र आत्मा ची सामर्थ लारे माये ही जरिये करले गेले। इठे तक मैं यरुशलेम कनु लाती कर चऊं पासु ते इल्‍लुरिकुम तक मसीह चे सुसमाचार चा पूरा-पूरा प्रचार करला।

रोमियां 6:17

पर नरीकारा चा धन्यवाद हो कि, तम्ही जको पापा चे दास हुते, हमा आपणे सारे मना लारे ओ उपदेश नु मनणे आले हुती गेले, जको तम्हानु सोंपला गेला हुता।

रोमियां 8:37

पर यां सब बाता मां अम्ही ओचे जरिये जेह्णे अम्चे लारे प्रेम करला, विजेता कनु वी बढ़ती कर छै।

1 कुरिन्थियां 12:8

कांकि हेक नु पवित्र आत्मा चे जरिये ब़ुध्दि चा बाता ङिलीया जई ते ङुजे नु पवित्र आत्मा चे अनुसार ज्ञान चा बाता।

1 कुरिन्थियां 15:37

तम्ही ओ शरीरा नु जको अंकुरीत हुवणे नु छै, ना राहवा, तम्ही तां सेर्फ बीज राहवा चाहे कणकी चे जा कुई नेरे हो।

1 कुरिन्थियां 15:57

पर नरीकारा चा धन्यवाद हो, जको अम्चे प्रभु ईशु मसीह चे जरिये अम्हानु जयवन्त करे।

2 कुरिन्थियां 1:11

ते तम्ही मिलती कर प्राथना चे जरिये अम्ची सहायता करा। जको ब़ोहता लौका ची प्राथना चे जरिये दया अम्चे उपर हुली, वेही वजह कनु ब़ोहत सारे लौक अम्चे तरफु नरीकारा चा धन्यवाद करो।

2 कुरिन्थियां 8:16

नरीकारा चा धन्यवाद हो, जेह्णे तम्चे वास्ते वाहो उमंग तीतुस चे मना मां नाखती ङिली जको अम्चे मना छै।

2 कुरिन्थियां 9:15

नरीकारा चा, ओचे ओ वरदाना वास्ते जको वर्णन कनु ब़ाहर छै, धन्यवाद हो।

इफिसियां 5:2

ते प्रेम मां चला, जिंवे मसीह ने वी अम्चे लारे प्रेम करला, ओणे आपणे आप नु सोख ङेणे आली खुश्बु ची तरह नरीकारा नु कुर्बानी ङिली जती।

इफिसियां 5:20

ते सदा सारीया बाता चे वास्ते अम्चे प्रभु ईशु मसीह चे नांवा लारे नरीकार ब़ा चा धन्यवाद करते रिहा।

फिलिप्पियां 4:18

माये कनु ब़ोहत कोच्छ छै, इपफ्रुदीतुस चे हाथु जको दान तम्ही भेज़ला हुता ओनु मैं गेहती कर ब़ोहत खौश छै, ओ दान जको दिला आली महक ओर मनणे लायक बलिदान छै जाकनु नरीकार खौश हुती जाये।

कुलुस्सियां 1:23

ईं तां हो सग़े कि तम्ही विश्‍वास ची ढाल उपर मजबूत बणले रिहा ते ओ सुसमाचार ची आस नु जानु तम्ही सुणले, ना छोड़ा, जाया प्रचार आसमाना चे तले सारे संसारा मां करला गेला ते जाया मैं पौलुस सेवक बणला।

कुलुस्सियां 1:6

हा सुसमाचार पुरे जग़त मां सफल हुवे पला, ते फैलता जाये, जिंवे तम्चे मां ओस समय कनु सफल हुं लाग़ला, जिसे बेले तम्ही नरीकारा ची कृपा चे बारे मां सुणले ते सच्‍चमां तम्ही समझले हुते।

कुलुस्सियां 2:15

ते ओणे आत्मिक प्रधानता ते बुराई चा आत्मिक शक्‍तिया नु आपणे उपरु उतारती कर वांचा खुल्‍लम-खुल्‍ला तमाशा बणाला ते क्रूसा ची वजह वांचे उपर जय-जयकार ची अवाज सुणाली।

1 थिस्सलुनीकियां 1:8

कांकि तम्चे इठु ना बल्कि मकिदुनिया ते अखया मां प्रभु चा वचन सुणाला गेला, पर तम्चे विश्‍वास ची जको नरीकारा उपर छै, ऐवास्ते हर जग़हा इसड़ी चर्चा फैलती गेली। कि अम्हानु केहणे ची जरुरत कोनी।

1 थिस्सलुनीकियां 3:9

ते जिसड़ा आनन्द अम्हानु तम्ची वजह कनु आपणे नरीकारा चे सामणे छै, ओचे बदले तम्चे बारे मां अम्ही केस रीति लारे नरीकारा चा धन्यवाद करु?

1 तीमुथियुस 2:8

सो मैं चाहवे, कि हर जग़हा मर्द बिना गुस्से ते बहस-बाजी चे पवित्र हाथा नु चती कर प्राथना करले करो।

2 तीमुथियुस 2:2

ते मसीह चे बारे मां जको वी बाता घणा ग़वाह चे सामणे माये कनु सुणलीया, वानु विश्‍वास करने आला बन्दा नु सिखाती ङे, जको नेरा नु सिखावणे चे लायक हो।

प्रकाशितवाक्य 7:12

“इसड़े ही हो! अम्चे नरीकारा ची स्तुति ते महिमा ते ज्ञान ते धन्यवाद ते आदर ते सामर्थ ते ताकत युगानयुग बणली रिहो। आमीन!”