2 कुरिन्थियां 13:11 - ओङ राजपूत

¹¹ हमा, हे माये भऊ, तम्ही खौश रिहा। सेद्ध बणते जावा, तसल्‍ली राखा, हेक मन राखा, मेल-मिलाप लारे रिहा, ते प्रेम ते शान्ति चा दाता नरीकार तम्चे लारे रिही।

2 कुरिन्थियां 13:11 ပူးပေါင်းရင်းမြစ်များ

मत्ती 1:23

“ङेखा, हेक कुंवारी ढिड्डा लारे हुवी ते हेक पूत पैदा करी, ते ओचे नां इम्मानुएल राखले जई।” जाया मतलब, “नरीकार अम्चे लारे छै।”

मत्ती 5:48

ऐवास्ते चाही छै कि तम्ही सेद्ध बणा, जिंवे तम्चा स्वर्ग़ीय ब़ा सेद्ध छै।

मरकुस 10:49

बल्ति ईशु ने रुकती कर केहले, “ओनु हकारा।” ते लौका ने ओ अन्धे नु हकारती कर ओनु केहले, “हिम्मत राख, ऊठ! ओ तनु हकारे पला।”

मरकुस 9:50

“लूण आच्छे छै, पर अगर लूणा चा स्वाद बिगड़ती जाये तां बल्ति किसी चीजे लारे नमकीन करले जई? “आपणे मां लूण राखा ते हेके ङुजे लारे प्यारा लारे रिहा।”

लूका 9:61

हेके नेरे ने वी केहले, “हे प्रभु मैं दुधे भांसु आवणे चाहवे, पर पेहले मनु जऊं ङे कि मैं आपणे घरा चे लौका कनु विदा गेहती आवे।”

यूहन्‍ना 17:23

मैं वांचे मां ते तु माये मां जाये कनु वे सेद्ध हुती कर हेक हुती जाओ। बल्ति संसार ईं जाणो कि तु मनु भेज़ले ते जिसड़ा तु माये लारे प्रेम राखला उसड़ा ही वांचे लारे प्रेम राखला।

प्रेरितां चे काम 15:29

मूर्तिया उपर चढ़ले आले खाणे तम्हानु नी खाणे चाही छै। ते आपणे आप नु व्यभिचार कनु बचाली राखा। गिच्‍ची घुटले आली मवेशी चा मांस खाणे कनु दूर रिहो ते वांचे लुहीं ना पीयो। यां बाता कनु दूर रिहा तां तम्चे भले हुवी। नरीकार तम्चे भले करो।”

प्रेरितां चे काम 18:21

पर ईं केहती कर वांचे कनु विदा हुला कि, “अगर नरीकार चाहवी तां मैं तम्चे गोढु दुबारा आवी।” ते बल्ति ओ इफिसुस शहर छोड़ती कर पाणीया आले जहाजा मां ब़ेसती कर चाह्‍ला गेला।

प्रेरितां चे काम 23:30

जिसे बेले मनु ये बाते चा सनेसा मिड़ला कि यहूदी ऐका करती कर ऐनू मारणे आले छी, तां मैं ऐनू तुरन्त दुधे कनु भेज़ती ङिले। मैं आरोपीया नु वी हा आदेश ङिती ङिला कि ऐचे विरोध जको अरोप लाग़ले वे दुधे सामणे साबित करो।”

रोमियां 12:16

आपस मां हेक जिसड़े मन राखा, घमण्डी ना हुवा, पर दीन-ङुखिया लारे मेल-मिलाप राखा, ते आपणी नजरी मां आपणे-आप नु ब़ुध्दिमान ना समझा।

रोमियां 12:18

जिठे तक हो सग़े, तम्ही सब इन्साना लारे मेल-मिलाप राखा।

रोमियां 14:19

ऐवास्ते अम्ही वां बाता ची कोशिस करु, जाये लारे शान्ति मिलो ते हेके-ङुजे ची आत्मिक बढोतरी हो।

रोमियां 15:13

ऐवास्ते नरीकार जको आस चा दाता छै, तम्हानु विश्‍वास करने मां ते हर-तरहा ची खुशी ते शान्ति लारे भरती नाखो, कि पवित्र आत्मा ची सामर्थ लारे तम्ची आस बधती जाओ।

रोमियां 15:33

शान्ति चा नरीकार तम्चे सारा चे लारे रिहो। आमीन।

रोमियां 16:20

शान्ति चा नरीकार शैताना नु तम्चे पग़्ग़ा तले जल्दी कुचलवाती ङी। अम्चे प्रभु ईशु मसीह चा अनुग्रह तम्चे उपर हुता रिहो।

1 कुरिन्थियां 1:10

हे माई ब़ेहणी ते भऊ, आपणे प्रभु ईशु मसीह चे नांवा मां माई तम्चे कनु बिनती छै कि तम्ची आपस मां हेक बात हो ते तम्चे मां फूट ना हो, पर हेक मन ते हेक ही मत्त हुती कर मिड़ले रिहा।

2 कुरिन्थियां 1:4

ओ अम्चे सारे ङुखा मां तसल्‍ली ङिये, ताकि अम्ही ओ तसल्‍ली चे वजह जको नरीकार अम्हानु ङिये, वानु वी तसल्‍ली ङे सग़ु जको हर-तरहा चे ङुखा मां छी।

2 कुरिन्थियां 13:14

प्रभु ईशु मसीह चा अनुग्रह ते नरीकारा चा प्रेम ते पवित्र आत्मा ची सहभागिता तम्चे सब लारे हुती रिहो। आमीन।

2 कुरिन्थियां 13:9

जिसे बेले अम्ही कमजोर छिऊं ते तम्ही ताकतवार छिवा, तां अम्ही खौश हुं। ते हा प्राथना वी करु कि तम्ही सेद्ध हुती जावा।

इफिसियां 4:12

ओणे इसड़े करले कि नरीकारा चे पवित्र लौक सेवा करने चे लायक बणो ताकि मसीह ची देह जको कलीसिया छै विनु मजबूत करो।

इफिसियां 4:3

ते मेल-मिलाप चे रिश्ते मां आत्मा मां हेक हुवणे ची कोशिस करते रिहा।

इफिसियां 6:23

ब़ा नरीकार ते प्रभु ईशु मसीह ची ओर कनु भावां नु शान्ति ते विश्‍वास समेत प्रेम मिलो।

फिलिप्पियां 1:27

तम्चा चाल-चलन ईशु मसीह चे सुसमाचार चे लायक हो, चाहे मैं आवे चाहे ना आवे, तम्चे बारे मां ईं सुणे कि तम्ही हेक ही पवित्र आत्मा मां मजबूत छिवा, हेक ही मन हुती कर सुसमाचार चे विश्‍वास चे वास्ते मेहनत करते रिहा।

फिलिप्पियां 3:16

पर याद राखा कि ऐवास्ते जिसी सच्‍चाई तक अम्ही पुज़ले, ओचे अनुसार दस्तुरा लारे चलु।

फिलिप्पियां 4:2

मैं यहूदिया ते संतुखे कनु बिनती करे पला के तम्ही प्रभु मां हेक समान विचार बणाली राखा।

फिलिप्पियां 4:4

मैं किहे पला प्रभु मां सदा खौश रिहा, ते मैं दुबारा किहे पला कि प्रभु मां खौश रिहा।

फिलिप्पियां 4:9

जको बाता तम्ही माये कनु सिखलीया, ङेखलीया, सुणलीया, मनलीया वांचा तम्ही पालन करा। शान्ति ङेणे आला नरीकारा तम्चे लारे रिही। मैं प्रभु मां खौश छै।

1 थिस्सलुनीकियां 3:10

अम्ही रात-ङिओ ब़ोहत ही प्राथना करते रिहुं, कि तम्चे मुँह बल्ति ङेखु, ते तम्चे विश्‍वास ची कमी पुरी करु।

1 थिस्सलुनीकियां 4:1

तां, हे माये भऊ ते ब़ेहणीया, अम्ही तम्हा कनु बिनती करु पले, ते तम्हानु प्रभु ईशु मां समझाऊं पले, कि जिंवे तम्ही अम्हा कनु काबिल चाल चलणी, ते नरीकारा नु खौश करने सिखले, ते जिंवे तम्ही चला वी हुवा, यूंही होर वी बधते जावा।

1 थिस्सलुनीकियां 4:18

ते यूं करती यां बाता लारे हेके ङुजे नु शान्ति ङिले करा।

1 थिस्सलुनीकियां 5:13

ते वांचे कामा चे वजह प्रेम चे लारे वानु घणे ही कद्दर चे योग्य समझा, ते आपस मां मेल-मिलाप लारे रिहा।

1 थिस्सलुनीकियां 5:16

सदा खौश रिहा।

1 थिस्सलुनीकियां 5:23

शान्ति चा नरीकार आप ही तम्हानु पुरी रीति लारे पवित्र करो, ते तम्ची आत्मा ते प्राण ते शरीर अम्चे प्रभु ईशु मसीह चे आणे तक पुरी रीति लारे निर्दोष सुरक्षित रिहो।

2 थिस्सलुनीकियां 2:16

अम्चा प्रभु ईशु मसीह आप ही, ते अम्चा ब़ा नरीकार, जेह्णे अम्चे लारे प्रेम राखला ते अनुग्रह चे लारे हमेशा ची शान्ति ते आच्छी आस ङिली,

2 थिस्सलुनीकियां 3:1

ऐवास्ते, ओ माये भऊ ते ब़ेहणीया, अम्चे वास्ते प्राथना करले करा, कि प्रभु चा वचन इसड़ा खुलती कर फेलो, ते महिमा पा सग़ु, जिसड़े तम्चे मां हुले,

2 थिस्सलुनीकियां 3:16

हमा जको प्रभु शान्ति चा स्रोत छै आप ही तम्हानु सदा ते हर-प्रकार ची शान्ति ङियो, प्रभु तम्चे सब चे लारे रिहो।

2 तीमुथियुस 2:22

जवानी ची बुरी लालसा कनु दूर रेह वा सारा चे लारे जको शोद्ध मना लारे प्रभु नु हकारी। वांचे लारे धर्म चा जीवन, विश्‍वास, प्रेम ते शान्ति चा पीछा कर।

इब्रानियां 12:14

सारा लारे शान्ति बणाली राखा ते वे पवित्रता ची खोज मां रिहा, जाये बिना कुई वी प्रभु नु ङेख ना सग़ी।

इब्रानियां 13:20

शान्ति चा नरीकार, जेह्णे भेङा चे महान आजड़ी यानि मसीह ईशु, अम्चे प्रभु ईशु नु अनन्त वाचा चे लुहींया चे जरिये मरले आला महु जीते करले,

याकूब 1:4

पर सब्रा नु आपणे पुरे काम करु ङिया, कि तम्ही पुरे ते सेद्ध हुती जावा ते तम्चे मां कुई बाते ची घटी ना रिहो।

1 पतरस 3:11

ऊं बुराई चा साथ छोड़ती ङियो, ते भलाई चा ही बाता करो। ऊं मेल-मिलाप नु सोधो, ते ओचा जत्तन करना चाही छै।

1 पतरस 3:8

ऐचा मतलब हा छै कि तम्ही सारे चे सारे हेक मन हुती कर, दयालु, ते भाईचारे ची प्रीति राखणे आले, ते दयावन्त ते नर्म बणा।

1 पतरस 5:10

हमा नरीकार जको सारे अनुग्रह चा दाता छै, जेह्णे तम्हानु मसीह मां आपणी अनन्त महिमा वास्ते हकारले, तम्चे थोड़ी देरी तक ङोख चवणे चे बाद आप ही तम्हानु सेद्ध ते मजबूत ते बलवन्त करी।

प्रकाशितवाक्य 22:21

प्रभु ईशु चा अनुग्रह, पवित्र लौका चे लारे रिहो। आमीन।