2 कुरिन्थियां 12:14 - ओङ राजपूत

¹⁴ हमा, मैं तीजा वारी तम्चे गोढु आणे वास्ते तियार छै, ते मैं तम्चे उपर कुई वी वजन नी नाखी, कांकि मैं तम्ची धन-दौलत कोनी, पर तम्हानु नु चाहवे। ब़ाला नु आई-ब़ा चे वास्ते धन भेला नी करना चाही छै, पर आई-ब़ा नु आपणी ऊलाद्धी वास्ते धन भेला करना चाही छै।

2 कुरिन्थियां 12:14 ပူးပေါင်းရင်းမြစ်များ

प्रेरितां चे काम 20:33

मैं काई चान्दी, सोने जा ओढ़णा चा लालच कोनी करला।

1 कुरिन्थियां 10:24

तम्चे महु हर हेक आपणे भले चे ही ना पर ङुजा चे भले चा वी ध्यान राखो।

1 कुरिन्थियां 10:33

ठीक जिंवे मैं वी सब बाता मां सब नु खौश राखे ते मैं आपणे भले ची ना। पर ङुजा चे भले चा ध्यान राखे कि वे उद्धार गे सग़ो।

1 कुरिन्थियां 11:34

अगर कुई भुक्‍के हो तां आपणे घरे खाती गिहो कि तम्चे भेले हुवणे ङण्ड ची वजह ना बणो। ते बाकि बाता नु मैं आती कर ठीक करती ङी।

1 कुरिन्थियां 16:5

ते मैं मकिदुनिया हुती कर तम्चे गोढु आवी, कांकि मनु मकिदुनिया हुती कर जाणे जरुरी छै।

1 कुरिन्थियां 4:19

अगर प्रभु ने चाह्‍ले तां मैं जल्दी ही तम्चे गोढु आवा, ते वां फुंडले आला चीया बाता नु ही ना पर वांची ताकत नु वी जाणती गिही।

1 कुरिन्थियां 9:12

अगर तम्ची आमदनी महु हेंस्सा गेहणा ङुजा चा अधिकार छै तां का अम्चा अधिकार वांचे कनु बधती कर कोनी? बल्ति वी अम्ही ऐ अधिकारा नु कामा मां कोनी गेले उल्टा अम्ही सब कोच्छ सब्रा लारे सेहते रेहले कि मसीह चे सुसमाचार चे प्रचार मां कुई रुकावट ना हो।

1 कुरिन्थियां 9:18

तब का छै माया फल? हा छै कि सुसमाचार चा प्रचार मुफ्त मां करता रिहे इठे तक कि सुसमाचार मां जको माया अधिकार छै ओनु मैं आच्छी तरह कामा ना गिहे।

1 कुरिन्थियां 9:19

कांकि मैं काये अधीन कोनी फेर वी मैं खौद्द नु सारा चा दास बणाती गेले कि मैं ज्यादा कनु ज्यादा लौका नु मसीह वास्ते जीत सग़े।

2 कुरिन्थियां 1:15

ते ऐ भरोसे लारे मैं चाहवें ला, कि पेहले तम्चे गोढु आवे, कि तम्हानु हेक नेरा आशीर्वाद मिलो।

2 कुरिन्थियां 11:9

ते जब मैं तम्चे लारे हुता, ते मनु कमी पेशी हुली तां मैं काये उपर बोझ कोनी नाखला, कांकि भावां ने मकिदुनिया कनु आती कर माई जरुरता नु पुरे करले। मैं हर बाते मां आपणे आप नु तम्चे उपर बोझ हुवणे कनु रोकले, ते रोकली वी रिही।

2 कुरिन्थियां 12:13

तम्ही किसी बाते मां नेरीया कलीसिया कनु कम कोनी समझले गेले। सेर्फ ऐचे मां कि मैं तम्चे उपर बोझ कोनी बणला माया। हा अपराध माफ करा।

गलातियां 4:19

हे माई ब़ाले जब तक तम्चे मां मसीह चा रुप ना जुड़ती जाये ओ बेले तक मैं तम्चे वास्ते जाप्पे जिसड़ा दर्द सीहें।

फिलिप्पियां 4:1

ऐवास्ते माये प्यारे भऊ ते ब़ेहणीया, तम्ही जको माई खुशी ते माया मान-समान छिवा। तम्हानु ङेखणे चे वास्ते माये मन तरसे पले, जिसड़े मैं तम्हानु बावड़ले यूंही प्रभु मां टिकले रिहा।

फिलिप्पियां 4:17

हा बात कोनी कि मैं दान चाहवे, बल्कि तम्चे मां इसड़ी आशीष ङेखणा चाहवे जको दान ङेणे लारे आवे।

1 थिस्सलुनीकियां 2:11

जिंवे तम्ही जाणा, कि जिंवे ब़ा आपणे ब़ाला लारे बर्ताव करे, यूंही अम्ही तम्चे महु हर हेक नु वी उपदेश करते, ते शान्ति ङिते, ते समझाते रेहते।

1 थिस्सलुनीकियां 2:8

ते यूंही अम्ही तम्ची लालसा करते हुले, ना कि नरीकारा चा सुसमाचार, पर आपणी-आपणी जान वी ङेणे नु तियार हुते, ऐवास्ते कि तम्ही अम्चे प्यारे हुती गेलते।