2 कुरिन्थियां 11:9 - ओङ राजपूत

⁹ ते जब मैं तम्चे लारे हुता, ते मनु कमी पेशी हुली तां मैं काये उपर बोझ कोनी नाखला, कांकि भावां ने मकिदुनिया कनु आती कर माई जरुरता नु पुरे करले। मैं हर बाते मां आपणे आप नु तम्चे उपर बोझ हुवणे कनु रोकले, ते रोकली वी रिही।

2 कुरिन्थियां 11:9 ပူးပေါင်းရင်းမြစ်များ

प्रेरितां चे काम 18:3

पौलुस ते अक्विला चा हेक ही धन्धा हुता, ऐवास्ते ओ जती कर वांचे लारे रेहला, ते वांचा धन्धा तम्बू बणावणे चा हुता।

प्रेरितां चे काम 18:5

जिसे बेले मकिदुनिया कनु सीलास ते तीमुथियुस आले, ते पौलुस पूरा समय वचन सुणावणे ची धोन्‍न मां लाग़ती कर यहूदी लौका नु हा ग़वाही ङिता कि ईशु ही मसीह छै।

प्रेरितां चे काम 20:33

मैं काई चान्दी, सोने जा ओढ़णा चा लालच कोनी करला।

रोमियां 15:26

कांकि मकिदुनिया ते अखाया प्रदेस चे लौका नु ईं आच्छे लाग़ले कि, यरुशलेम चे नरीकारा चे लौक जको कंगाल छी वांचे वास्ते कोच्छ चंद ङिहें।

1 कुरिन्थियां 16:17

स्तिफनास ते फुरतूनातुस ते अखईकुस चे आवणे लारे मैं खौश छै, कांकि जको काम तम्हा कनु पुरे कोनी हुले वाणे पुरे करती ङिले।

2 कुरिन्थियां 6:4

पर हर बाते मां नरीकारा चे सेवका आलीकर आपणे आप नु आच्छे सेद्ध करते रिहुं, बङी हिम्मती लारे, क्लेशा लारे, कठिनाई लारे, संकटा लारे,

2 कुरिन्थियां 9:12

कांकि ऐ दान ची सेवा नु पुरे करने लारे, ना सेर्फ नरीकारा चे लौका चा कमीया पुरीया हुवी, पर लौका ची ओर कनु नरीकारा चा ब़ोहत धन्यवाद हुवे।

फिलिप्पियां 2:25

पर मैं इपफ्रुदीतुस नु जको माया भऊ ते भईवाल ते संगी योद्धा ते तम्चा दूत छै, ते जरुरी बाता मां माई सेवा-टहल करने आला छै, तम्चे गोढु भेज़णे जरुरी समझले।

1 थिस्सलुनीकियां 2:6

ते अगर अम्ही मसीह चे प्रेरित हुवणे ची वजह तम्चे उपर बोझ नाख सग़ुया, तां वी अम्ही बन्दा कनु कद्दर ना चाहते, ते ना तम्हा कनु, ना नेरे काये कनु। पर जिंवे करती आई ब़ाला नु पालती पोसती रिहे, यूं करती अम्ही वी तम्चे बीच मां रेहती नरमाई ङिखाणली।

1 थिस्सलुनीकियां 2:9

कांकि, हे माये भऊ ते ब़ेहणीया, तम्ही अम्ची मेहनत ते ङुखा नु याद राखा, कि अम्ही ऐवास्ते रात-ङिओ काम धन्धा करते हुले तम्चे महु काये उपर वी बोझ कोनी बणने ची इच्छा लारे तम्हानु नरीकारा चा सुसमाचार प्रचार सुणाला।

इब्रानियां 11:37

वांचा पत्थराव करला गेला, आरी लारे चीरवाले गेले, तलवारी लारे मारले गेले। वे कंगाली मां ते क्लेशा मां ते बुरे व्यवहारा नु सेहते हुले भेङा ते ब़ाकरीया ची खाला नु ओढ़ले हुले इंगे-ऊंगे भटकते रेहले।