2 कुरिन्थियां 11:26 - ओङ राजपूत

²⁶ मैं बार-बार सफरा मां, नदीया चे जोखिमा मां, ङाकुवा चे जोखिमा मां, आपणी जाति ची वजह कनु जोखिमा मां, नेरीया जातिया ची वजह कनु जोखिमा मां, शहरा मां रेहणे आला ची वजह कनु, खतरनाक ब्याबान मां, भयानक समुन्दरा चे जोखिमा मां, कूड़े भावां चे बीच मां खतरनाक स्थिति मां रेहला।

2 कुरिन्थियां 11:26 ပူးပေါင်းရင်းမြစ်များ

प्रेरितां चे काम 13:45

पर यहूदी भीड़ नु ङेखती कर गैरती मां भरीती गेले, ते निन्दा करते हुले पौलुस चीया बाता चे विरोध मां ब़ोलु लाग़ती गेले।

प्रेरितां चे काम 13:50

पर यहूदिया ने शहरा चा भलीया, ऊंचे कोल्‍ल चीया असतरीया नु ते शहरा चा खास बन्दा नु भड़काती नाखले, ते पौलुस ते बरनबास उपर दोष लवाती कर वानु आपणी हद्दी कनु ब़ाहरु कढ़वाती छोड़ले।

प्रेरितां चे काम 14:19

पर कोच्छ यहूदी अन्ताकिया ते इकुनियुम शहरा कनु आती कनु लौका नु आपणे पक्ष मां करती गेले, ते पौलुस चे उपर पत्थराव करला, ते मरले आले समझती कर ओनु शहरा ब़ाहरु घींसती कर ब़ाहरु छिकती गेले।

प्रेरितां चे काम 14:5

पर जिसे बेले नेरीया जातिया ते यहूदी वांचा अपमान ते पत्थर मारणे वास्ते आपणे सरदारा समेत वांचे पतरस ते बरनबास सनु द्रोड़ले।

प्रेरितां चे काम 15:40

पर पौलुस ने सीलास नु चुणती कर, ते विश्‍वासी भावां ने नरीकारा चे अनुग्रह मां ओनु सोंपती ङिले ते पौलुस ने सीलास नु लारे गेहती यात्रा शुरु करली।

प्रेरितां चे काम 17:13

पर जिसे बेले थिस्सलुनिके शहरा चे यहूदिया नु पता लाग़ला कि पौलुस बिरीया मां वी नरीकारा चे वचना चा प्रचार करे पला, ते ओठे वी जती कर लौका नु भड़काऊ ते हलचल मचाऊं लाग़ले।

प्रेरितां चे काम 17:5

पर कोच्छ यहूदी गुस्से लारे भरीती गेले, ते बजारा महु कोच्छ बदमाश लौका नु भेले करती कर आपणे लारे मिलाती गेले ते भीड़ लाती कर शहर चे चौका मां हुल्‍लड़ करु लाग़ले। वाणे यासोन चे घरा मां धावा ब़ोलती ङिला, ते हा कोशिस करु लाग़ले कि कुई तरीके लारे पौलुस ते सीलास नु लौका चे सामणे आणो।

प्रेरितां चे काम 18:12

जिसे बेले गल्‍लियो अखाया प्रदेस चा राज्यपाल हुता, ते ओ बेले यहूदी लौक ऐका करती कर पौलुस चे विरोध हुती गेले, ते ओनु पकड़ती कर न्यां आसण चे सामणे खड़े करती ते किहुं लाग़ले कि,

प्रेरितां चे काम 19:1

जिसे बेले अपुल्‍लोस कुरिन्थुस शहर मां हुता, ते पौलुस सारे प्रदेसा महु हुती कर इफिसुस शहर मां आला ते ओठे कोच्छ चैले मिड़ले।

प्रेरितां चे काम 19:23

ओ समय मां ईशु चे पन्थ चे बारे मां बङा हुल्‍लड़ मचती गेला।

प्रेरितां चे काम 20:19

यानिकि बङी नरमाई लारे, ते हींजवे बाहती-बाहती, ते वा परीक्षा महु जको यहूदिया ने षड़यंत्र रचने ची वजह माये उपर आली, मैं प्रभु ची सेवा करता रेहला।

प्रेरितां चे काम 20:3

जिसे बेले तीन मेहने रेहती कर ओ उठु जहाजा उपर सीरिया प्रदेस सनु जाणे आला हुता, ओनु सूचना मिड़ली यहूदी ओचे विरोध षड़यंत्र रचली भिले तां ओणे हा फैंसला करला कि मकिदुनिया हुती कर पुठा चाह्‍ला जाये।

प्रेरितां चे काम 23:10

जिसे बेले ओठे घणा झग़ड़ा हुं लाग़ला, सैनापति ऐ ङरा कनु कि बन्दी पौलुस चे टुकड़े-टुकड़े ना करती नाखो, सैनापति ने आपणी सैना नु हा आज्ञा ङिली कि, तले उतरती कर पौलुस नु वांची आधी महु जबरदस्ती काढ़ती कर छावणी मां गेहती जावा।

प्रेरितां चे काम 25:3

वांची योजना हा हुती कि अम्चा पक्ष गेहती कर पौलुस नु यरुशलेम सनु भेज़ती ङे, कांकि वे मार्ग़ मां ही पौलुस नु मारणे ची घात मां हुते।

प्रेरितां चे काम 27:42

बल्ति सिपाहीया चा हा विचार हुला कि कैदीया नु मारती नाखु, इसड़े ना हो कि कुई तरती कर नासती ना जाओ।

रोमियां 15:19

ते चैन्ह ते अदभोत कामा ची सामर्थ लारे, ते पवित्र आत्मा ची सामर्थ लारे माये ही जरिये करले गेले। इठे तक मैं यरुशलेम कनु लाती कर चऊं पासु ते इल्‍लुरिकुम तक मसीह चे सुसमाचार चा पूरा-पूरा प्रचार करला।

रोमियां 8:35

कूण छै जको अम्हानु मसीह चे प्रेम कनु अलग़ करी? का क्लेश, जा संकट, जा उपद्रव, जा अकाल, जा ऊघाड़ापन, जा जोखिम, जा तलवार?

1 कुरिन्थियां 15:30

ते अम्ही वी कां हर घड़ी मुसीबती मां पले रिहुवां?

1 कुरिन्थियां 15:32

इफिसुस शहरा चे लौक माये लारे जंगली ढौरा आलीकर भिड़ले तां मनु ऐचा का फायदा हुला? अगर मरले आले जीते ना करले जईया, तां जिंवे कोच्छ लौका चे केहणे छै कि, “आवा अम्ही खऊं पीऊं कांकि सुवारे तां अम्हानु मरती ही जाणे।”

2 कुरिन्थियां 11:32

जिसे बेले मैं दमिश्क मां हुता, ते राजा अरितास चे राज्यपाल ने मनु गिरफ्तार करने चे वास्ते शहरा उपर पाहरा लाती ङिला।

गलातियां 2:4

ईं वां कूड़े भावां ची वजह कनु हुले कि जको चोरी लारे घिरती आलते, मसीह ईशु मां आजादी जको अम्हानु मिड़ली विचा भेद गेहती अम्हानु गुलाम बणाओ।