2 कुरिन्थियां 11:25 - ओङ राजपूत

²⁵ तीन वारी मैं बैंता लारे कुटीला, हेक वारी माये उपर पत्थराव हुला, तीन वारी पाणीया आले जहाजा मां मैं चढ़ला हुता भान्ती गेले, हेक वारी रात-ङिओ मैं समुन्दरा मां बिताला।

2 कुरिन्थियां 11:25 ပူးပေါင်းရင်းမြစ်များ

मत्ती 20:19

ते ओनु नेरीया जातिया चे हाथा मां सोंपे कि वे ओनु ठठा मां उङारो ते कोड़े मारो ते क्रूसा उपर चढ़ाओ, ते ओ तीजे ङिओ जीता करला जई।”

मत्ती 21:35

पर जमींदारा ने ओचे दासा नु पकड़ती कर, कानु तां कोटले, ते कानु मारती नाखले, ते काये उपर पत्थराव करला।

प्रेरितां चे काम 14:19

पर कोच्छ यहूदी अन्ताकिया ते इकुनियुम शहरा कनु आती कनु लौका नु आपणे पक्ष मां करती गेले, ते पौलुस चे उपर पत्थराव करला, ते मरले आले समझती कर ओनु शहरा ब़ाहरु घींसती कर ब़ाहरु छिकती गेले।

प्रेरितां चे काम 14:5

पर जिसे बेले नेरीया जातिया ते यहूदी वांचा अपमान ते पत्थर मारणे वास्ते आपणे सरदारा समेत वांचे पतरस ते बरनबास सनु द्रोड़ले।

प्रेरितां चे काम 16:33

ते राती नु ओही बेले कैदखाने चा अधिकारी वानु गेहती गेला ते वांचे जखमा नु धोले, ते ओणे तुरन्त आपणे कुणम्बे समेत बपतिस्मा गेहला।

प्रेरितां चे काम 16:37

पर पौलुस ने वा सिपाहीया नु केहले, “जबकि अम्ही रोमी नागरिक छिऊं, पर वाणे अम्हानु सारा चे सामणे मारले कोटले ते अम्चा कुई अपराध वी कोनी हुता, कैदखाने मां नाखती ङिले, हमा वे अम्हानु चोप-चाप करती कर ब़ाहरु भेज़णे चाहवी। इसड़े कङी वी ना हो सग़ी। वे आप खौद्द आती कर अम्हानु ब़ाहरु काढ़ो।”

प्रेरितां चे काम 22:24

ते सैनापति ने केहले कि, “ऐनू किले मां गेहती जावा ते कोड़े मारती कर हा पता काढ़ा, कि मैं जाण सग़े कि के वास्ते लौक ऐचे विरोध मां रौल मचावी पले।”

1 तीमुथियुस 1:19

ते विश्‍वास ते ओचे आच्छे विवेक नु पकड़ली राख, ते कोच्छ बन्दी इसड़ी छी जाणे आच्छी समझ नु छोड़ती ङिले ते वांचा विश्‍वास खत्तम हुती गेला।

इब्रानियां 11:37

वांचा पत्थराव करला गेला, आरी लारे चीरवाले गेले, तलवारी लारे मारले गेले। वे कंगाली मां ते क्लेशा मां ते बुरे व्यवहारा नु सेहते हुले भेङा ते ब़ाकरीया ची खाला नु ओढ़ले हुले इंगे-ऊंगे भटकते रेहले।