2 कुरिन्थियां 11:2 - ओङ राजपूत

² कांकि मैं तम्चे बारे मां नरीकारा आलीकर धोन्‍न लाली रिहे, ऐवास्ते कि मैं हेके ही मर्दा लारे तम्ची बात पक्‍की करती ङिली यानिकि मसीह लारे, तम्हानु पवित्र कुंवारी चे समान मसीह नु सोंपती ङिये।

2 कुरिन्थियां 11:2 ပူးပေါင်းရင်းမြစ်များ

यूहन्‍ना 3:29

जाई बीन्दणी छै ओही बीन्द छै। पर बीन्दा चा मित्र जको भिला रेहती ओची सुणे, बीन्दा चीया बाता लारे ब़ोहत ही खौश हुवे। हमा हा माई खुशी पुरी हुली।

रोमियां 7:4

तां हे माये भऊ, तम्ही वी मसीह ची देह चे जरिये व्यवस्था वास्ते मरले आले बणती गेले कि मसीह चे हुती जऊं, जको मरला आला महु जीता हुती गेला, ताकि अम्ही नरीकारा चे वास्ते फल आणु।

1 कुरिन्थियां 4:15

मसीह मां तम्चे ङस हजार सिखावणे आले तां हो सग़ी पर इतने ब़ा कोनी, कांकि शुरु मां मसीह ईशु चा सुसमाचार सुणावणे ची वजह कनु मैं तम्चा ब़ा बणती गेला।

2 कुरिन्थियां 4:14

कांकि अम्ही जाणु, जेह्णे प्रभु ईशु नु जिवाले, ओही अम्हानु वी ईशु मां भईवाल जाणती कर जिवावी, ते तम्चे लारे आपणे सामणे खड़े करी।

गलातियां 4:11

मैं तम्चे बारे मां ङरे कि कहीं इसड़े ना हुती जाये जको मेहनत मैं तम्चे वास्ते करली वा खराब ना हुती जाओ।

फिलिप्पियां 1:8

“नरीकार माया ग़वाह छै” मैं तम्हानु सच्‍च किहे पला कि मसीह ईशु जिसड़ा प्रेम करती तम्हा सारा वास्ते ललचावें।

कुलुस्सियां 1:28

मसीह चा प्रचार करती कर अम्ही हर हेक बन्दे नु चिताती ङिऊं, ते सारे ज्ञान कनु हर हेक बन्दे नु सिखाऊं, कि अम्ही हर हेक बन्दे नु मसीह मां सेद्ध करती कर नरीकारा चे सामणे खड़े करु।

1 थिस्सलुनीकियां 2:11

जिंवे तम्ही जाणा, कि जिंवे ब़ा आपणे ब़ाला लारे बर्ताव करे, यूंही अम्ही तम्चे महु हर हेक नु वी उपदेश करते, ते शान्ति ङिते, ते समझाते रेहते।

प्रकाशितवाक्य 14:4

ये वे बन्दी छी यांणे कुई असतरी लारे आपणे आप नु गन्दे कोनी करले। कांकि वे कुंवारे हुते, ते जिठे-किठे मैमणे जते, वे बन्दी ओचे भांसु टुरती पड़ती। सारी इन्सानी जाति कनु मोल गेहती कर छुड़ाती गेले ते। वे नरीकारा चे ते मैमणे चे वास्ते रहड़ी चे पेहले फल हुते।