2 कुरिन्थियां 11:13 - ओङ राजपूत

¹³ कांकि इसड़ी इन्साने कूड़े प्रेरित, ते छल-कपट लारे काम करने आले, ते मसीह चे प्रेरितां चा रुप धारणे आले छी।

2 कुरिन्थियां 11:13 ပူးပေါင်းရင်းမြစ်များ

मत्ती 25:24

“बल्ति जानु हेक घड़ा मिड़ला हुता, ओणे आती कर केहले, ‘हे मालिक, मैं तनु जाणता कि तु कठोर इन्सान छी, तु जिठे कहीं ना राहवी उठु बाढी, ते जिठे ना छटी उठु भेले करी

प्रेरितां चे काम 15:1

बल्ति कई लौक यहूदिया प्रदेस कनु अन्ताकिया शहर मां आती कर भावां नु हा सिखाऊं लाग़ले, “मूसा ची रीति चे अनुसार अगर तम्चा खतना कोनी हुला तां तम्चा उद्धार ना हो सग़ी।”

प्रेरितां चे काम 15:24

अम्ही ईं सुणले कि, अम्चे महु कई जणा ने ओठे जती कर, तम्हानु आपणीया बाता लारे घब़राती नाखले, ते तम्चे मन बैचेन करती नाखले पर अम्ही वानु हा आज्ञा कोनी ङिली हुती।

प्रेरितां चे काम 20:30

तम्चे बीच महु इसड़ी शक्स खड़े हुवे, जको चैला नु आपणे भांसु आवणे वास्ते टेढीया-मेढीया बाता सिखावे।

रोमियां 16:18

कांकि इसड़े लौक अम्चे प्रभु मसीह ची ना, पर आपणे ढिड्डा ची सेवा करी, ते चिकनिया चुपड़ीया बाता लारे भोले-भाले मना आले लौका नु भटकाती नाखी।

2 कुरिन्थियां 11:15

ऐवास्ते अगर ओचे सेवक वी धार्मिकता चे सेवका आलीकर रुप धारण करी, ते कुई बङी बात कोनी। पर वांचा अन्त वांचे कामा चे अनुसार हुवी।

2 कुरिन्थियां 2:17

अम्ही वां ब़ोहता आलीकर कोनी, जको आपणे फायदे वास्ते नरीकारा चे वचना मां मिलावट करी। पर अम्ही मन ची सच्‍चाई लारे, ते नरीकारा चे तरफु ते नरीकारा नु मौजुद जाणती कर मसीह मां ब़ोलु।

2 कुरिन्थियां 4:2

पर अम्ही लज़्ज़ा चे गुप्त कामा नु त्याग़ती ङिले, ते ना ही चतराई लारे टुरु, ते ना ही नरीकारा चे वचना मां मिलावट करु, पर सच्‍चाई नु उजागर करु, नरीकारा चे सामणे हर हेक इन्सान चे विवेक मां आपणी भलाई ब़िसाणु।

गलातियां 1:7

पर ओ ङुजा सुसमाचार छै ही कोनी, पर बात हा छै कि कितने इसड़े छी जको तम्हानु भरमाती नाखी, ते ईशु मसीह चे सुसमाचार नु बिगाड़ना चाहवी।

गलातियां 2:4

ईं वां कूड़े भावां ची वजह कनु हुले कि जको चोरी लारे घिरती आलते, मसीह ईशु मां आजादी जको अम्हानु मिड़ली विचा भेद गेहती अम्हानु गुलाम बणाओ।

गलातियां 4:17

वे मूसा चे व्यवस्था उपर चलाणे आले लौक अम्चे सज़्ज़ण तां बणने चाहवी, पर आच्छे मकसद लारे कोनी वे तम्हानु माये कनु अलग़ करने चाहवी, कि वानु ही तम्ही आपणा सज़्ज़ण बणाती गिहा।

गलातियां 6:12

वे सेर्फ ङुजे यहूदिया नु ब़ाहर चा ङिखावा करना चाहवी, इसड़े लौक तम्चा खतना करवाणे वास्ते तम्चे उपर दब़ाव नाखी, ब़स ऐवास्ते कि वे मसीह चे क्रूसा चे सुसमाचार कि वजह कनु सताले ना जाओ।

इफिसियां 4:14

अम्ही इसड़ी ब़ाले बणली ना रिहुं कि हवाई लारे उछलती ना जऊं बन्दी जको ठग़्ग़ विधिया नु बधावी, भ्रम चे लारे भरले आले व्यवहार कनु, ते इसड़े ढोंगीपणे कनु इंगे-ऊंगे भटकाती ङी

फिलिप्पियां 3:18

कांकि ब़ोहत से इसड़ी चाल चली, जाई चर्चा मैं तम्हानु बार-बार करली, ते हमा वी रोती-रोती कर किहे पला कि वे आपणी चाल-चलन लारे मसीह चे क्रूसा चे बैरी छी।

फिलिप्पियां 3:2

कुत्ता चे समान बन्दा कनु चौकस रेहजा, वां बुरे काम करने आला कनु चौकस रिहा, वां कटती करने आला कनु चौकस रिहा।

कुलुस्सियां 2:4

ईं मैं ऐवास्ते किहे, कि कुई बन्दे तम्हानु लुभावणे आलीया बाता कनु धोक्‍का ना ङियो।

कुलुस्सियां 2:8

चौकस रिहा कि कुई तम्हानु ओह भौतिक ज्ञान ते बेकार धोक्‍के लारे शिकार ना करती गिहो, जको बन्दा ची परम्परा ची मत्त ते संसारा ची बुरी आत्मा ची शिक्षा चे अनुसार छै, पर मसीह चे अनुसार कोनी।

1 यूहन्‍ना 2:18

हे जवानु, हा आखरी समय छै, ते जिसड़े तम्ही सुणले कि मसीह चा विरोधी आणे आला छै, ओचे अनुसार हमा वी ब़ोहत सारे मसीह-विरोधी उठती खड़े हुले छी, ऐचे कनु अम्ही जाणु कि हा आखरी समय छै।

1 यूहन्‍ना 4:1

हे प्यारे, हर हेक आत्मा चा विश्‍वास ना करा, बल्कि आत्मा नु परखा कि वे नरीकारा ची ओर कनु छी जा कोनी। कांकि ब़ोहत सारे कूड़े भविष्यवक्‍ता संसारा महु निकलती खड़े हुले।

यहूदा 1:4

कांकि कितनी इसड़ी इन्साने चोप-चाप तम्चे मां घिरती आली, जाये ऐ ङण्ड चे बारे मां शास्त्रा ने पेहले कनु ही भविष्यवाणी करती ङिलती। ये भग़तीहीन छी, ते अम्चे नरीकारा चे अनुग्रह नु लोचपण करने वास्ते पट्टा समझती गेला, ते अम्चे सेर्फ स्वामी प्रभु ईशु मसीह चा इन्कार करी।

प्रकाशितवाक्य 19:20

ते ऊं ङरावणे ढौर ते ओचे लारे ओ कूड़ा भविष्यवक्‍ता पकड़ीला गेला, जेह्णे ओचे सामणे इसड़े चैन्ह ङिखाणले हुते, जाये जरिये ओणे वानु भरमाले हुते, जाणे ओ ङरावणे ढौरा ची मौहर लवाली हुती, ते जको वे मूर्ति ची पूजा करते। ऊं ङरावणे ढौर ते कूड़े भविष्यवक्‍ता नु जीते-जी ओ जाखते ची झील मां जको गन्धक लारे ब़लती रिहे, नाखती ङिले गेले।

प्रकाशितवाक्य 2:2

मैं दुधे काम, ते दुधी मेहनत, ते दुधे सब्रा नु जाणे। ते ईं वी कि तु बुरे लौका नु ङेख ना सग़ी, ते जको आपणे आप नु प्रेरित किही, ते छी कोनी, वानु तु परखती कर कूड़े ङेखले।

प्रकाशितवाक्य 2:20

पर मनु दुधे विरोध ईं केहणे कि तु वे असतरी इजेबेल नु रिहुं ङी, जको आपणे आप नु भविष्यवक्‍तनी किहे, ते माये दासा नु व्यभिचार करने ते मूर्तिया चे आग़ु चढ़ालीया गेलीया चीजा खाणे सिखाती कर भरमाती ङिये।

प्रकाशितवाक्य 2:9

मैं दुधे क्लेश ते लाचारी नु जाणे, पर तु अमीर छी, ते जको लौक आपणे आप नु यहूदी किही ते छी कोनी, पर शैताना ची सभा छी, ते वांची निन्दा नु वी जाणे।