2 कुरिन्थियां 10:12 - ओङ राजपूत

¹² कांकि अम्ची हा हिम्मत कोनी कि अम्ही आपणे आप नु वांचे लारे तुलना करु, जको आपणी तारीफ करी, आपणे आप नु आपस मां नापती तोलती कर मूर्ख बणती जई।

2 कुरिन्थियां 10:12 ပူးပေါင်းရင်းမြစ်များ

लूका 18:11

फरीसी खड़ा हुती कर आपणे मना मां यूं प्राथना करु लाग़ला, ‘हे नरीकार, मैं दुधा धन्यवाद करे पला, कि मैं नेरा बन्दा आलीकर अन्धेर करने आला, अन्यायी ते व्यभिचारी कोनी, ते ना ऐ चुंगी गेहणे आले चे बराबर छै।

रोमियां 15:18

कांकि वां बाता नु छोड़ती कर मनु नेरी कुई बात केहणे ची हिम्मत कोनी, जको मसीह ने नेरीया जातिया नु नरीकारा ची अधीनता स्वीकार करने वास्ते माये वचन, ते कर्म,

2 कुरिन्थियां 10:11

ऐवास्ते जको इसड़े किहे कि, वे हा याद राखो कि, जिंवे अम्ही दूर रेहती कर चिठ्ठीया मां जको बाता लिखु, यूंही तम्चे सामणे अम्ची कामे वी हुवे।

2 कुरिन्थियां 10:18

कांकि जको आपणी बढ़ाई खौद्द करे, वा ना मनीजी, पर जाई बढ़ाई प्रभु करे, वा ही ग्रहण करली जई।

2 कुरिन्थियां 3:1

का अम्ही बल्ति आपणी बढ़ाई करु लाग़ु? जा अम्ही कितना आलीकर सिफारिश ची चिठ्ठीया तम्हानु ङेणीया जा तम्हा कनु गेहणीया?

2 कुरिन्थियां 5:12

अम्ही बल्ति वी आपणी बढ़ाई तम्चे सामणे ना करु, बल्कि अम्ही आपणे बारे मां तम्हानु घमण्ड करने चा मौका ङिऊं पले, कि तम्ही वानु उत्तर ङे सग़ा, जको मना उपर ना बल्कि ङिखावटी बाता उपर घमण्ड करी।