2 कुरिन्थियां 10:1 - ओङ राजपूत

¹ मैं पौलुस तम्हानु मसीह ची नरमाई, ते दयालुता चे वजह निवेदन करे पला। पर कोच्छ लौक किहे कि, मैं तम्चे सामणे नरमाई लारे बर्ताव करे, पर तम्चे कनु दूर हुवणे पर सख्ताई लारे बर्ताव करे।

2 कुरिन्थियां 10:1 ပူးပေါင်းရင်းမြစ်များ

मत्ती 11:29

माये जूले नु आपणे उपर चती गिहा ते माये कनु सिखा, कांकि मैं नर्म ते मना मां दीन छै, ते तम्ही आपणे मना मां आराम गिहा।

मत्ती 21:5

“सिय्योन ची धूवे नु किहा, ‘ङेख, दुधा राजा दुधे गोढु आवे पला, ओ नर्म छै, ते गाहड़े उपर ब़ेहला, यानिकि लादू चे ब़च्‍चे उपर।’ ”

प्रेरितां चे काम 8:32

पवित्रशास्त्र चा जको पाठ ओ पढ़े पलता, ओ यूं हुता, “ओ भेङे आलीकर रुसणे वास्ते पुचाला गेला, ते जिंवे मेमणे आपणी ऊन कतरने आले चे सामणे चोप-चाप रिहे, यूंही करती कर ओणे वी आपणे मुँह कोनी खोड़ले।

रोमियां 10:20

यशायाह भविष्यवक्‍ता बङी हिम्मती लारे किहे, “जको मनु ना सोधते, वाणे मनु पाती गेले, ते जको मनु पूछते वी ना, वांचे उपर मैं प्रकट हुती गेला।”

रोमियां 12:1

ऐवास्ते हे माये भऊ, मैं तम्हानु नरीकारा ची दया याद ङिवाती कर बिनती करे पला कि, आपणे शरीरा नु जीते, ते पवित्र, ते नरीकारा नु भाता हुला बलिदान करती कर चढ़ावा, हाओ तम्ची आत्मिक सेवा छै।

रोमियां 15:15

तां वी मैं किठी-किठी याद ङिवाणे वास्ते तम्हानु बङी हिम्मत करती कर लिखले, ईं वे अनुग्रह चे जरिये हुले, जको नरीकारा ने मनु ङिला।

1 कुरिन्थियां 2:3

ते मैं कमजोर ते खौंफा लारे, ते घणा कांपता हुला तम्चे लारे रेहला।

1 कुरिन्थियां 4:10

अम्ही मसीह वास्ते बेवकूफ ङिसु, ताकि तम्ही मसीह मां ब़ुध्दिमान बणा, अम्ही कमजोर छियुं पर तम्ही ताकतवार छिवा। तम्हानु कद्दर मिले, पर अम्ची बेकदरी हुती जाये।

1 कुरिन्थियां 4:21

तम्ही का चाहवा? का मैं गेङी चती कर तम्चे गोढु आवे जा प्रेम ते नरमाई ची आत्मा लारे?

2 कुरिन्थियां 10:10

कांकि कोच्छ लौक तां किही कि, “ओचीया चिठ्ठीया तां कठिन ते असरदार छी, ते जिसे बेले ओ आप आवे तां ओचे शरीर कमजोर लाग़े ते ओची ब़ोलणे ची ताकत ना चे बराबर छै।”

2 कुरिन्थियां 10:2

मैं हा विनती करे पला कि, तम्चे सामणे मनु बेधड़क हुती कर हिम्मत ना करनी पड़ो, जिसड़े मैं कितना उपर जको अम्हानु संसारिक रीति चे अनुसार चलणे आले समझी, मनु कठोरता ङिखाणने चा विचार आवे पला।

2 कुरिन्थियां 10:7

तम्ही यां बाता नु ङेखा, जको आंखी चे सामणे छी। अगर कानु आपणे खौद्द चे उपर हा भरोसा छै कि, “मैं मसीह चा छै,” ते ओ ईं वी जाणती गिहो कि, जिंवे ओ मसीह चा छै, यूंही अम्ही वी मसीह चे छिऊं।

2 कुरिन्थियां 11:21

मनु खौद्द शर्मसार हुती कर केहणे पड़ले मनती गिहा कि अम्ही ब़ोहत कमजोर जा हुते। पर जिसी बाते मां कुई हिम्मत ङिखाणे, मैं वी मूर्खता लारे किहे पला कि मैं वी हिम्मत ङिखाणे।

2 कुरिन्थियां 11:30

अगर मनु घमण्ड करना ही छै, तां मैं आपणी कमजोरी चा घमण्ड करी।

2 कुरिन्थियां 12:5

इसड़े इन्साना चे उपर तां मैं घमण्ड करे, पर खौद्द आपणे बारे मां ना, सिवाय ऐचे कि आपणीया कमजोरीया नु छोड़ती कर मैं घमण्ड नी करी।

2 कुरिन्थियां 3:12

ऐवास्ते इसड़ी आस राखती कर अम्ही हिम्मती लारे ब़ोलु।

2 कुरिन्थियां 5:20

ऐवास्ते अम्ही मसीह चे राजदूत छिऊं, मनाकि नरीकार अम्चे जरिये समझावे। अम्ही मसीह चे तरफु बिनती करु, कि नरीकारा चे लारे मेल-मिलाप करती गिहा।

2 कुरिन्थियां 6:1

ते अम्ही जको नरीकारा चे भईवाल छिऊं, ईं वी समझाऊं, कि नरीकारा चा अनुग्रह जको तम्चे पर हुला, ओनु बेकार ना जऊं ङिया।

2 कुरिन्थियां 7:4

मैं तम्हानु बङी हिम्मती लारे ब़ोले पला। मनु तम्चे उपर बङा गर्व छै। मैं शान्ति लारे भरीती गेला, ते आपणे सारे क्लेश मां वी मैं खुशी लारे भरपूर रिहे।

गलातियां 4:13

तम्ही जाणा कि मैं पेहले शरीरा ची बिमारी चे वजह पेहली वारी तम्हानु ही सुसमाचार सुणाला।

गलातियां 5:2

सुणा मैं पौलुस तम्हानु किहे कि अगर तम्ही विश्‍वास करने चे बाद खतना करवावा ते तम्हानु मसीह कनु कुई फायदा नी हुवी।

इफिसियां 3:1

ऐ वजह कनु मैं पौलुस नेरीया जातिया वास्ते ईशु मसीह चा प्रचार करने आला गुलाम बणला आला छै

इफिसियां 4:1

ऐवास्ते मैं पौलुस जको प्रभु ची सेवा करने ची वजह कनु कैद मां छै, तम्हा कनु बिनती करे पला कि जिसी बुलाहट कनु नरीकारा ने तम्हानु हकारले, ओचे अनुसार जीवन बितावा।

फिलिप्पियां 4:5

तम्ची नरमाई लारे भरीली आली आत्मा चा ज्ञान सारा बन्दा उपर हो प्रभु चे आणे गोढु छै।

कुलुस्सियां 1:23

ईं तां हो सग़े कि तम्ही विश्‍वास ची ढाल उपर मजबूत बणले रिहा ते ओ सुसमाचार ची आस नु जानु तम्ही सुणले, ना छोड़ा, जाया प्रचार आसमाना चे तले सारे संसारा मां करला गेला ते जाया मैं पौलुस सेवक बणला।

2 थिस्सलुनीकियां 3:17

मैं, पौलुस, खौद्द आपणे हाथा लारे नमस्कार लिखे पला, हर चिठ्ठी मां माया हाओ चैन्ह छै, मैं ये रीति लारे लिखे पला।

फिलेमोन 1:19

मैं, पौलुस, खौद्द आपणे हाथा लारे लिखे पला, ओची भरपाई मैं भरी, मनु केहणे ची ईं जरुरत कोनी कि माया कर्जा जको दुधे उपर छै, ओ तु ही छी।

फिलेमोन 1:9

तांवी मनु ब़ुढ़े पौलुस नु जको हमा मसीह ईशु चे सुसमाचार वास्ते कैदी छै, ईं होर वी समझी मां आवे कि प्रेम लारे बिनती करे।

1 पतरस 2:11

हे प्यारे, मैं तम्हा कनु बिनती करे पला, कि तम्ही संसारा मां प्रदेसीया चे रूपा मां छिवा, जको तम्ची आत्मा लारे योद्ध करतीया रिही वा शरीरा चा इच्छा कनु तम्ही बचले रिहा।

प्रकाशितवाक्य 1:9

मैं यूहन्‍ना जको तम्चा भऊ, ते ईशु मसीह चे क्लेश, ते राज़ ते सब्रा मां तम्चा भईवाल छै, नरीकारा चे वचन ते ईशु ची ग़वाही ची वजह कनु पतमुस चे टापू मां मनु भेज़ले गेले हुते।