2 कुरिन्थियां 1:23 - ओङ राजपूत

²³ नरीकार माया ग़वाह छै कि मैं हमा तक दुबारा कुरिन्थुस मां कोनी आला, कांकि मैं तम्हानु ङोख ङेणा ना चाहवें ला।

2 कुरिन्थियां 1:23 ပူးပေါင်းရင်းမြစ်များ

प्रेरितां चे काम 18:1

ऐचे बाद पौलुस एथेंस शहरा नु छोड़ती कर कुरिन्थुस शहरा मां गेला।

प्रेरितां चे काम 18:8

बल्ति यहूदी प्राथनाघरा चा सरदार क्रिस्पुस ने आपणे पुरे कुणम्बे समेत प्रभु उपर विश्‍वास करला। ते ब़ोहत सारे कुरिन्थुस वासीया ने वचन सुणती कर विश्‍वास करला ते बपतिस्मा गेहला।

रोमियां 1:9

नरीकार, जाई सेवा मैं आपणी आत्मा लारे ओचे पूता चे सुसमाचार चे बारे मां करे, ओही माया ग़वाह छै कि, मैं किवें आपणी प्राथना मां लगातार तम्हानु याद करता रिहे।

रोमियां 9:1

मैं मसीह मां सच्‍च किहे, कूड़ ना मारी, ते माया विवेक वी पवित्र आत्मा मां ग़वाही ङिये,

1 कुरिन्थियां 4:21

तम्ही का चाहवा? का मैं गेङी चती कर तम्चे गोढु आवे जा प्रेम ते नरमाई ची आत्मा लारे?

1 कुरिन्थियां 5:5

तां इसड़े इन्सान अम्चे प्रभु ईशु मसीह चे नांवा लारे, शरीरा चे नाश वास्ते शैतान नु सोंपला जाओ, कि ओची आत्मा प्रभु चे ङिओ मां उद्धार पाओ।

2 कुरिन्थियां 1:1

हा चिठ्ठी पौलुस चे तरफु जको नरीकारा ची इच्छा लारे मसीह ईशु चा प्रेरित छै, ते भऊ तीमुथियुस ची ओर कनु नरीकारा ची वे कलीसिया चे नांवे लिखली गेली जको कुरिन्थुस मां छै, ते सारे अखाया प्रदेसा चे सब पवित्र लौका चे नांवे,

2 कुरिन्थियां 1:18

नरीकार विश्‍वासयोग छै, कि अम्चे ओ वचन मां जको तम्हानु केहला गेला, “हा” ते “ना” ङोनी ना मिली।

2 कुरिन्थियां 10:2

मैं हा विनती करे पला कि, तम्चे सामणे मनु बेधड़क हुती कर हिम्मत ना करनी पड़ो, जिसड़े मैं कितना उपर जको अम्हानु संसारिक रीति चे अनुसार चलणे आले समझी, मनु कठोरता ङिखाणने चा विचार आवे पला।

2 कुरिन्थियां 11:10

अगर मसीह ची सच्‍चाई माये मां छै, तां अखाया चे प्रदेसा मां कुई मनु ऐ घमण्ड कनु नी रोकी।

2 कुरिन्थियां 11:11

के वास्ते, का ऐवास्ते कि मैं तम्चे लारे प्रेम ना राखी? नरीकार ग़वाह छै कि मैं तम्चे लारे प्रेम राखे।

2 कुरिन्थियां 11:31

अम्चे प्रभु ईशु मसीह ब़ा नरीकार जको हमेशा तक धन्‍न छै, आप खौद्द ग़वाह छै कि मैं कूड़ कोनी मारे पला।

2 कुरिन्थियां 12:20

कांकि मनु ङर छै कि, कङी इसड़े ना हो कि, मैं आती कर जिसड़े चाहवे, उसड़े तम्ही ना लाभा, ते मनु वी जिसड़े तम्ही ना चाहवा उसड़े ही ङेखा कि, तम्चे मां झग़ड़ा, डाह, गुस्सा, विरोध, ईर्ष्या, चुग़ली, अंहकार ते व्यवस्था ठीक ना हो।

2 कुरिन्थियां 13:10

ऐह वजह कनु दूर हुते हुले वी मैं तम्हानु ईं सब लिखे पला, कि ओठे मौजुद हुवणे उपर मनु प्रभु चे जरिये ङिला गेला अधिकार चा प्रयोग कठोर भाव लारे ना करना पड़ो। ऐ अधिकार चा मकसद बढोतरी करनी छै, ना कि नाश करने कोनी।

2 कुरिन्थियां 13:2

जिसे बेले ङुजा वारी मैं तम्चे लारे हुता, यूंही हमा दूर रेहते हुले वा लौका नु जेह्णे पेहले पाप करला हुता, ते नेरे सब लौका नु हमा पेहले कनु केहती ङिये कि अगर मैं बल्ति आवी तां नी छोड़ी।

2 कुरिन्थियां 6:6

पवित्रता लारे, ज्ञान लारे, तसल्‍ली लारे, आपणी दया लारे, पवित्र आत्मा लारे, सच्‍चे प्रेम लारे,

गलातियां 1:20

जको बाता मैं तम्हानु लिखे पला, ङेखा, नरीकारा नु ग़वाह मनती कर किहे पला कि वे कूड़ीया कोनी।

फिलिप्पियां 1:8

“नरीकार माया ग़वाह छै” मैं तम्हानु सच्‍च किहे पला कि मसीह ईशु जिसड़ा प्रेम करती तम्हा सारा वास्ते ललचावें।

1 थिस्सलुनीकियां 2:5

कांकि तम्ही जाणा, कि अम्ही ना तां कङी चापलूसी चीया बाता करु, ते ना लोभ वास्ते कुई बहाना करते। नरीकार अम्चा ग़वाह छै।

1 तीमुथियुस 1:20

वांचे महु हुमिनयुस ते सिकन्दर छी, मैं वानु शैताना नु सोंपती ङिले। कि वे नरीकारा ची निन्दा करने ना सिखो।