2 कुरिन्थियां 1:21 - ओङ राजपूत

²¹ ओही नरीकार अम्हानु तम्चे लारे मसीह मां मजबूत करे, ते ओणे ही अम्हानु अभिषेक करले।

2 कुरिन्थियां 1:21 ပူးပေါင်းရင်းမြစ်များ

यूहन्‍ना 3:34

कांकि जानु नरीकार ने भेज़ले ओह नरीकारा चीया बाता किहे, कांकि नरीकार आत्मा नापती कर ना ङी।

प्रेरितां चे काम 10:38

नरीकारा ने किसी रीति लारे ईशु नासरी नु पवित्र आत्मा ते सामर्थ लारे अभिषेक करले, ओ भलाई करता, ते सारा नु जको शैताना चे सताले आले हुते, ठीक करता फिरला, कांकि नरीकार ओचे लारे हुता।

रोमियां 16:25

हमा जको तम्हानु माया सुसमाचार यानिकि ईशु मसीह चे सनेसे चे प्रचार चे अनुसार मजबूत कर सग़े, ओ भेद चे प्रकाश चे अनुसार जको सनातन कनु लुकला रेहला,

रोमियां 8:9

पर जबकि नरीकारा ची आत्मा तम्चे मां बसे, तां तम्ही शरीरिक हालती मां कोनी, पर आत्मिक हालती मां छिवा। अगर काये मां मसीह ची आत्मा कोनी तां ऊं ओचे जन कोनी।

1 कुरिन्थियां 1:8

ओही तम्हानु अन्त तक मजबूत वी करी, कि तम्ही अम्चे प्रभु ईशु मसीह चे ङिओ मां बेकसूर ठहरा।

2 कुरिन्थियां 5:5

ते जेह्णे अम्हानु ये बाते वास्ते तियार करले ओ नरीकार छै, जेह्णे अम्हानु ये बाते ची बयाने मां पवित्र आत्मा वी ङिला।

कुलुस्सियां 2:7

ते ओचे मां ज़हड़ पकड़ती कर बढ़ते जावा जिंवे तम्ही सिखाले गेले यूंही विश्‍वास मां मजबूत हुते जावा, ते घणा धन्यवाद करते रिहा।

1 थिस्सलुनीकियां 3:13

कि ईशु तम्चे मना नु इसड़े मजबूत करो, कि जब अम्चा प्रभु ईशु मसीह आपणे सारे पवित्र लौका लारे आओ, तां वे अम्चे नरीकार ते ब़ा चे सामणे पवित्रता मां बेकसूर बणाती नाखो।

2 थिस्सलुनीकियां 2:17

तम्चे मना मां शान्ति ङियो, ते तम्हानु हर हेक आच्छे काम, ते वचन मां पक्‍के करो।

2 थिस्सलुनीकियां 2:8

बल्ति ओ पापा चा इन्सान शैताना ची ताकत लारे प्रकट हुवी, जानु प्रभु ईशु आपणे फूके लारे मारती नाखी, ते आपणे आगमन चे तेज लारे भसम करती नाखी।

2 थिस्सलुनीकियां 3:3

पर प्रभु सच्‍चा छै, ओ तम्हानु मजबूती लारे खड़ा करी, ते ओ दुष्ट कनु सम्भालती कर राखी।

इब्रानियां 13:9

बदड़ली आली विचित्र प्रकार ते अणजाण शिक्षा चे बहकावे मां ना बहकजा। दिला वास्ते सही छै कि ऊं अनुग्रह चे जरिये मजबूत करले जाओ, ना कि खाणे चे चीजा जरिये, खान-पान चे सम्बन्धी प्रथा चे जरिये काये भले कोनी हुले।

1 पतरस 5:10

हमा नरीकार जको सारे अनुग्रह चा दाता छै, जेह्णे तम्हानु मसीह मां आपणी अनन्त महिमा वास्ते हकारले, तम्चे थोड़ी देरी तक ङोख चवणे चे बाद आप ही तम्हानु सेद्ध ते मजबूत ते बलवन्त करी।

1 यूहन्‍ना 2:20

पर तम्चा तां ओ नरीकारा चे जरिये पवित्र आत्मा लारे अभिषेक करवाला, ऐवास्ते तम्ही सारी सच्‍चाई नु जाणा,

1 यूहन्‍ना 2:27

पर तम्चा ओ अभिषेक जको पवित्र आत्मा ची ओर कनु करला गेला, तम्चे मां बणला रिहे, ते तम्हानु ऐची जरुरत कोनी कि कुई तम्हानु सिखाओ, बल्कि जिंवे ओ अभिषेक जको पवित्र आत्मा ची ओर कनु करला गेला तम्हानु सारीया बाता सिखावे, ते हा सच्‍चा छै ते कूड़ा कोनी, ते जिसड़े ओणे तम्हानु सिखाले यूंही तम्ही ईशु मसीह मां बणले रिहा।

प्रकाशितवाक्य 1:6

ते अम्हानु हेक राज़ ते आपणे ब़ा नरीकारा चे वास्ते याजक वी बणाती ङिले, ओची महिमा ते पराक्रम युगानयुग हुती रिहो। आमीन।

प्रकाशितवाक्य 3:18

ऐवास्ते मैं तनु सलाह ङिये, कि जाखते मां तपले आले सोने माये कनु मोल गेहती गे कि तु धन्‍नी हुती जा। ते चिट्टी ओढ़णी गेहती गे कि तु घालती कर तनु आपणे उघाणेपन ची लाज़ ना आओ। ते आपणीया आँखीया मां लावणे वास्ते सुरमा गेहती गे, कि तु ङेखु लाग़ी।