2 कुरिन्थियां 1:20 - ओङ राजपूत

²⁰ कांकि नरीकारा चे जितने वी वायदे छी, वे सारे ईशु मसीह मां “हां” लारे छी। ते ओचे जरिये अम्ही नरीकारा ची महिमा वास्ते “आमीन” वी किहुं।

2 कुरिन्थियां 1:20 ပူးပေါင်းရင်းမြစ်များ

मत्ती 6:13

ते अम्हानु परीक्षा मां ना आण, पर बुराई कनु बचा, कांकि राज़ ते पराक्रम ते महिमा सदा दुधे ही छी।’ आमीन।

लूका 2:14

“स्वर्ग़ मां नरीकारा ची महिमा ते धरती उपर वा बन्दा मां जाये कनु ओ खौश छै, शान्ति हो।”

यूहन्‍ना 1:17

ऐवास्ते व्यवस्था तां मूसा चे जरिये ङिली गेली, पर अनुग्रह ते सच्‍चाई ईशु मसीह चे जरिये पुज़ली।

यूहन्‍ना 14:6

ईशु ने वानु केहले, “मार्ग़, सच्‍चाई ते जीन्दगी मैं ही छै। बिना माये जरिये कुई नरीकार ब़ा गोढु पोज़ ना सग़ी।

यूहन्‍ना 3:5

ईशु ने उत्तर ङिला, “मैं तम्हानु सच्‍च-सच्‍च किहे पला, जब तक कुई इन्सान जल ते आत्मा लारे ना जमही तां ऊं नरीकारा चे राज़ मां जा ना सग़ी।

रोमियां 11:36

कांकि ओची ओर कनु, ते ओचे ही जरिये, ते ओचे ही वास्ते सब कोच्छ छै। ओची महिमा युगानयुग हुती रिहो। आमीन।

रोमियां 6:23

कांकि पाप ची मजदूरी तां मौत छै, पर नरीकारा चा सेंत मेंत चा वरदान अम्चे प्रभु मसीह ईशु मां अनन्त जीवन छै।

1 कुरिन्थियां 14:16

ना तां अगर तु आत्मा ही लारे धन्यवाद करे, तां बल्ति अणजाण बन्दे दुधे धन्यवाद चे अन्त मां इसड़े ही हो कां किही, कांकि ओ तां ना जाणी, कि तु का किही पला?

2 कुरिन्थियां 4:15

सब कोच्छ तम्ची भलाई वास्ते हुवे पले कि अनुग्रह ब़ोहत लौका कनु पुज़ो, ते यांचे जरिये नरीकारा ची महिमा वास्ते धन्यवाद ची प्राथना बधती जाये।

2 कुरिन्थियां 4:6

कांकि नरीकार ने आज्ञा ङिली हुती कि, “अन्धकारा महु ज्योति चमको।” ते नरीकारा ने ही अम्चे दिला मां आपणी ज्योति चमकाली कि ईशु मसीह मां नरीकारा ची महिमा चे सोज़ले मेल सग़ो।

गलातियां 3:22

पर पवित्रशास्त्र मां लिखले आले छै कि हा पूरा संसार पाप चा गुलाम छै जिंवे ओ वायदा जको विश्‍वास लारे ईशु मसीह मां छै, नरीकारा मां सेर्फ विश्‍वास करने आला नु ङिये।

इफिसियां 1:6

नरीकारा ची महिमा कनु भरला आले, ओ अनुग्रह ची स्तुति हो, जो ओणे अम्हानु ओ प्यारे पूता मां मुक्त मे ङिला

इफिसियां 2:7

कि ओ आपणी वे कृपा लारे जको मसीह ईशु मां अम्चे उपर छै, आणे आले समय मां आपणे अनुग्रह चा आसीम धन ङिखाणो।

कुलुस्सियां 1:27

जाये उपर नरीकारा ने प्रकट करने चाह्‍ले, कि वानु पता लाग़ो कि सारे लौका मां ओ भेदा ची कीमत चा धन का छै? ते वा हाओ छै, कि मसीह जको महिमा ची उम्मीद छै वा तम्चे मां बणली रिहो।

2 थिस्सलुनीकियां 1:10

हा ओ ङिओ हुवी, जिसे बेले ओ आपणे पवित्र लौका मां महिमा पाणे, ते सारे विश्‍वास करने आला मां आश्‍चर्य ची वजह हुवणे चे वास्ते आवी, तम्ही वी वां लौका मां शामिल हुवा, कांकि तम्ही मसीह चे सुसमाचार उपर विश्‍वास करला।

इब्रानियां 11:13

ये सारे विश्‍वासा ची दशा मां मरले, ते वाणे वायदा करलीया आलीया चीजा कोनी गेहलीया। पर वानु दूरी कनु ङेखती कर खौश हुले ते मनती गेहले कि अम्ही धरती उपर प्रदेसी ते ब़ाहरले छिऊं।

इब्रानियां 13:8

मसीह ईशु, काल ते आज़ ते युग-युग हेक जिसड़ा छै।

इब्रानियां 7:6

पर मेलिकिसिदक लेवी वंश चा ना हुवणे उपर वी अब्राहम कनु ङसवां हेंस्सा गेहला। ते ओनु आशीष वी ङिली जाये कनु नरीकारा चा वायदा हुता।

1 पतरस 1:12

वांचे उपर ईं वी उजागर करले गेले, कि वे आपणी कोनी बल्कि तम्ची सेवा करने चे वास्ते ये बाता किही पलते ले, जाया समाचार तम्हानु हमा वांचे जरिये मिड़ला जेह्णे पवित्र आत्मा चे जरिये जको स्वर्ग़ा कनु भेज़ला गेला तम्हानु सुसमाचार सुणाला, जा बाता नु जाणने चे वास्ते तां स्वर्ग़दूत वी तरसते रिही।

1 यूहन्‍ना 5:11

ते वा ग़वाही हा छै कि, नरीकारा ने अम्हानु अनन्त जीवन ङिला, ते हा जीवन ओचे पूता मां छै।

प्रकाशितवाक्य 3:14

“लौदीकिया ची कलीसिया चे दूता नु ईं लेख, “जको इसड़े ही हो ते विश्‍वास चे लायक ते सच्‍चा ग़वाह छै, ते नरीकारा ची सृष्टि ची मूल वजह छै, ओ ईं किहे पला कि,

प्रकाशितवाक्य 7:12

“इसड़े ही हो! अम्चे नरीकारा ची स्तुति ते महिमा ते ज्ञान ते धन्यवाद ते आदर ते सामर्थ ते ताकत युगानयुग बणली रिहो। आमीन!”